*****
ما في حدا بالبيت يا مغروم=مشي معي نغني سوا غرامي
مطرح ما كان الليل كلو نجوم=ملغشن طفل شوقي وأحلامي
مرج الهنا من دون ندي محموم=مشتاق حتى تفتح كمامي
من كل تنهيدة شقا وهموم=مزروع شتلة فل وخزامي
معقول نرجع للمضا وتدوم=مع حبيب القلب أيامي
معقول أقشع قدها المهضوم=معقول تخلص هيك دوامي
مسجون في غربة دني ومظلوم=مفارق حبيبي والقلب ظامي
موتي اٍلي أفضل ما عيش محروم=ممكن الموت يريح عضامي
*****
*****
عليها برمت بكل وادي ومنحنا=اًجمل غزالة جبينها كوكب سنا
جمدت لمن شفتها وقلبي ارتعش=وبجفنها الصياد صادتني اًنا
*****
*****
بيني وبينك في مسافة ألف ميل=ورغم المسافه البيننا يا مدللي
من دون وعي لو دمع الجفن الكحيل=بتتحرك النخوه بمهجة بو علي
*****
يسعد ربك يا حسن , هات بعد هات
لا تبخل علينا حسن انت كريم ونحنا منستاهل
عــقــــلي انــســـحر مـــن حســـنهـــاوأوصــــا فها ............... وبـصـبــــــوص عـيـــنــي فــــوق وجــنـــتهــا انـــشــــلح
وعـصــــفـور قـلبـــــي غــــــط بـيــــن شــــفا فـها .............. ولــــمّــا رجـــــع جــــبـــــلي مـــعـــــو حبـــــــّة بــــلح
*****
وقلبي أنا بعتو مثل حسونها=حتى يجبلي الثمرة لعغصونها
راجع ومش جايب معو تمر وبلح=راجع مشقف من سهام عيونها
*****
*****
قيس قبلي كان قلبو منكوي=في حب ليلى وغير ليلى ما هوي
وعنتر عبس قديش كان سيفو قوي=قدام سيف لحاظ عبلى يلتوي
واٍنتي وأنا عنا حكي الراوي وروي=وتا يضل قلبي من حنانك مرتوي
اٍسمك واٍسمي ينزلو بكتب الغرام=وعا بعضنا صفحه عا صفحه ننطوي
*****
الله يا حسن بهنيك على الغزل وخصوصاً آخر رسالي منك كتير حلوي موفق
***
يا ظريف الطول كيفك يا حلو=لا تبخل على بو علي بصحن الحلو
رح ضل اٍتكارم وغنيلك غزل=اٍلا ما اٍحضى فيك بالمشتى الحلو
*****
*****
بين الربيع وبين هبات البرود=نايمه والورد فتح عالخدود
وعالمرج راح النحل تا يجني العسل=احتار بين خدودها وبين الورود
*****
*****
الله خلقني بو علي بجسمي لهيب=بقدر برد الشمس من بعد المغيب
ووقت للي بدي بهز تلتين الدني=وما هزني اٍلا دمع عين الحبيب
*****
تتزايد شدة إعجابي بك
قصيدة في إثر قصيدة
--------------------
وقلبي أنا بعتو مثل حســـــــــونها
حتى يجبلي الثمرة لعغصــــــونها
راجع ومش جايب معو تمر وبــــلح
راجع مشقف من ســـــهام عيونها
------------------
والله يا أبو علي هـ الشعر عظيم
ويوصل الإنسان إلى حد الوله
إلى الحبيب والحبّيب بو علي
-------------------------------------------------------------------------
ياشعر رب العشـــــــــــق جايي يكتبك
جايي من قلوب البشر تا يســــــــحبك
ويا رمش هدي حالك علينا شـــــــوي
غير الوله بالعشــــــــق مارح نحسبك
***
ويا بوعلي حروفك صلا للعاشــــــقين
لا عنتر ولا رومــــــــــيو، هدول مين
دفقة زجل منك معباية عشــــــــــــــق
بتفيق قلــــــــوب اللي كانو نايمـــــين
-------------------------------------------------------------------------
بشو بشبهك يا كوكب الساطع بَها=يا شردت الشاعر بكل المنتها
بأَيش بقدر شبهك يا سمرتي=وفيكي جمالات الطبيعه مشبها
*****
----------------------------------------------------------------------
مش كل ما فتحنا الفـــــجر تتألقي
يا حاملي قلبي برمشـــــك اشفقي
عمري انقضى ولسـا عليي دايرا
خايف بعد هـَ العـــمر فيكي التقي
----------------------------------------------------------------------
*****
دوخي بسكره من الغزل وتمرجحي=بحبال من نور ومن خيوط الوحي
وترم الفجر دقي عا صدري دقتين=وقولي صباح الخير والباب افتحي
*****
-------------------
عا حب قلبك رح ســـــتنالي دهر
جهنم، بعمرو ما بيرجـع ها العمر
المهم تبقي وحي من سر الوجود
وتنقطي بحقول أبياتي شـــــــعر
-------------------
يا بو علي بنوت شعرك ما انعزل .............. ولا بظن فكرك بالغزل ما عد غزل
الموقع إذا شعرك من القسم اختزل ...............بيصير أعمى ومن سما وحيو نزل
المتلك أنت يا بو علي شاعر قدير ......................بالعنترية وبالبلاغة وبالغزل
شفيق
شي بيحير
عــمــر وأنـا بـيـنـاتـنـا داير جدال ............. بـيـن الـسـمـيـنـة والـنحيفي موئمر
بـقـلـو الـنحيفي بشوفها متل الهلال ............ بـيـقـول لـمـا بـتـسـمـن بتصبح قمر
بس بالأخير اتفقنا أنا وعمر :p :p
عمر