منتديات مشتاوي

جديد جوقة الدلب ( ملكوت الشعر )
حفلة زجل بملكوت الشعر 11 تموز 2005 في عشقوت كسروان
- ملكوت الشعر هوي منتدى ثقافي شعري تأسس سنة 1994تخليداً لروح الشاعر انيس روحانا .
- صاحبه الشاعر رفيق روحانا بمساعدة نخبة من عمالقة الشعر اللبناني .
- يفتتح بالصيف بحزيران وبيضل لأيلول
- بالشتي بينتقل ع حدث بيروت ع بيت الشاعر والفنان وليم حسواني .
- ع مدار الصيف كل يوم تنين امسية شعرية وكل شهر حفلة زجلية .
- بيضم هل ملكوت عمالقة الشعر من سعيد عقل لحسان البسطاطي .
- وهلق انا ومحمد صبرا " جوقة الدلب " بغياب عصام يوسف وزاهر حدو رايحين ع عشقوت تنغني هونيك لبيحب يسمعنا يتفضل .

هاك الي عصرن قلقلّو ........... وبالشعر بنيو بيوت
مطرح ما هني بيلتقو ............ مش قل من ملكـــوت

موفق يا حسان

وأكيد رح تكون حفلة حلوة

حبيب ألبي يا حسان بالتوفيق انشالله يارب

وترفع راس مشتى الحلو بشعرك الرائع والرب معك

" لبيحب يسمعنا يتفضل "

حسان شعرو نجم في روحي لمع _______ شاعر صفات الشاعر بروحو جمع
وتانسمعو بعشقوت حبينـــا بطمع _______ نسمع شعر من عين إحساســو دمع
والسمع يلّي ضــــل زينة مُجتمع _______ كان غالـــي وقيمتو مـــــــا بتنقمع
ولما سمعنا بحفلتك صُرنا نقـــول _______ شو قيمتو عــــابعد عشقوت السمع

بسطاطي

شفيق

الحنون

محمد حسن شريم