منتديات مشتاوي

حلوة يا أمين

والله حلوة يا أمين هالشروقية

يا سيدي وين ما بروح بلا قيك وبلاقي شي حلو كتير

الله يعطيك العافية وان شاء الله على طول منشوفك بهالمستوى


تحياتي

شعرنا بهالمنتدى دفقة حنين ............... بشعار عا قلبي وصميمي غاليين

ويا امين تذكر بحق ويقين ....................شو رح يقلك شفيق الملهمين

حزب الشعر أصفى حزب في كل حين.......ونحنا جماعة بالحزب متمرسين

وما في حزب بالكون تعلى رايتو .........إلا إذا بيكون عا راسو ((أمين))


حلو يا أمين ....



وأهلا يا أخ فراس بقسم الزجل بمنتدى مشتاوي

حزب الشعر

حزب الشعر قالوا رجالو الخالدين .............بدنا أمين يكون عالكلمة أمين

والحزب..قلتلك ما بيعلي الجبين...................دون الأمانة للأمين بكل حين

وهلق رح بقلك بشعري والحنين...........تتشوف شو مغزى لفظ كلمة أمين

روح صلي بكل ملة وكل دين.................وانطر بعد ما يخلصو اللي ساجدين

من بعد كلمات الدعا لرب السما..............بتسمع أهالي الدين بيقولوا ((أمين )))


شفيق

هي الك يا فراس

أهلين فيك فراس ـ القارئ والكاتب هن وجهين لعملي وحدي وما في حدا منهن أهم من التاني
اشعاري كتبتــــــا للناس ------- بيفهمها المتلي حســــاس
وعندك بدل الشغلي تنين ------- حساس وفي عندك راس

يا فراس,,الفجر صاح الديك.......................تا يفيقو ويغرقو نسمات

وفجرك عطول مجهجه بيرضيك..............من دون ديك بيمتلي رسمات

جايي على المشتى ويا أهلا فيك........تخلي السحر يدلق من الكلمات

صار الفضا لوحات موزاييك.........................لما شملت بورد توقيعك

...........................نسمات عا رسمات عا بسمات..............

وأهلا يا خيي فراس ... والمكتوب مبين من عنوانو..

بهنيك على هالتوقيع الحلو ...

وهون بشكر الأخ أمين اللي بادر بالكتابة لحضرتك يا أخ فراس


شفيق

اعتذار شديد على التأخير

اسمين من زهر البنفسج لوّنوا ـــــــــــــــــ اسمي بكوثر مخملي ما ألينو

والناس لمـّـا بالقوافي تمعـّـنوا ــــــــــــــ وتعمـّـقوا وترنـّـموا وتفنـّـنوا

جابوا شفيق من العقيق بمسكنو ـــــــــــــ وجابوا أمين من الحنين بمكمنو

وصاروا بشفيق الموهبة يترصـّعوا ــــــــــ ويهدوا أمين الدر تا يتزيّنوا


تحية كبيرة إلى الأخوين الكريمين شفيق وأمين

أولا اعتذار شديد على التأخير في الرد ولكن الله أعلم بالظروف

وثانيا اتمنى أن تبقوا على هذا النشاط من الكتابة الراقية والجميلة لكي نستمتع بكم كلما دخلنا على هذا المنتدى الرائع

وملاحظة للأخ الكريم أمين : ذكرت في ردّك أعلاه أن القارئ والكاتب وجهين لعملة واحدة

هذا الكلام صحيح وأنا متفق معك ولكن أرجو أن لا تقصد أني القارئ لأني قارئ وأسير على طريق الكتابة وأنت رأيت على الأغلب قصائدي في منتديات أخرى

وهذا التعليق لا أكتبه إلا من باب احترامي الكبير لك وإذا كنت ستنزعج منه فأنا اعتذر عنه سلفا

تحياتي

أهلا بأمين بيك..

هلا امين وشفيق وناطرين الكل يشاركو ...

قلبي المحسوب عليكي ــــــــــــــــ من سرير المهد

ما صدّق إنـك هـيـكـي ــــــــــــــــ بتـخـونـي العهد

ولمـّـا البحـر بعينيكـي ـــــــــــــــــ تغطـّـى بالشهد

صار السحر حواليكي ـــــــــــــــــ يضوي ويهل

أكبر تحية لأمين الغالي يعني عن جد إنك كبير وروحك رياضية وصدق إنو زاد احترامي إلك

وأنا بيسعدني إني شارك مبدعين متل حضرتك ومتل الأخ شفيق والأخ محمد حسن شريم وباقي الأصدقاء بالمنتدى

بالموشح وانشالله يكون عجبكن

تحياتي

أمين , شفيق , فراس .. هلا وامتعتونا بهالإبداع والغزل الحلو..........

يلاااااااااااااااااااااااااااااااااااااااه

يلا شباب خلصنا مزح وغزل ودلع وإجا دور التصفيي هلي بحس حالو قد المعركي يشمر وينزل وهلي بحس مش قد هالعركي يوقّف عجنب احسنلو
اوووووووووووووف أوف

شعـــري نسر وبالتقدير-- ظـلــّــــو أنتو يا عْصافير
عالموقع عصفور يغط -- من الموقع عصفور يطير

يا ماشين بدربي الوعر ---- وما حسبتو خط الرجعه
ما عرفتو دربي مستعر ---- جبــــــال وألغام وطلعه
وتتحسّو بدفعات السعر ---- وتـــــــذوقو منّي جرعه
بدّي ولّع حرب الشـعر---- ولّـــــي بدّو يصير يصير

مطلوب رأي زجالين الموقع بهذه الرده

شكراً