*************************
ما عاد أعصابي بعــــــد يلقو ___ قلبيّنا فــي بعـضهـــــن علقو
وما عاد همي غير حبك بس ___ والناس أخـــر هـــــم يشتلقو
*************
يلي بهواكي فايض الإحسـاس ___ يا إم شفه من الحــلا بتنباس
الناس ؟ شو بدي بحكي الناس ___ بيناتهن فـــــي بعــض ينفلقو
*************
قبلك محمد بالهوى مــــا كان ___ شافك وحبّك تانســـي النسيان
مثل وردهِ وشمهـــــا إنســـان ___ وعابعضهن عُطريـــن وأندلقو
*************
منين عابُعدك الصبـــر منين ___ بجيبو يا أغلى من رموش العين
ألله خلق زينات لكــــــن زين ___ حُبي ... اللي مثلو بعـد مــا خلقو
*************
وشعري أنا اللي حارس عليكي __ ما كتبت إلا بوحي عينيكي
وكل ال كتبتو بالشعـــــــر ليكي __ العشاق صارو لبعضهن يلقو
**************
وما زال قلبي بنار شوقو داب ___ بيوصل إلك في لهفة الأحباب
بفتح على ظروفي بواب بواب __ مهما بوجهي بواب ينغلقو
*******
حلو كتير..................المزيد
يعطيك العافيه اخوي /محمد
ونريد المزيد منك
******************
يــــا حبيبي بسألك مشتـاق ؟ ____ مثــلي وحاسس في ألم الفراق
قالو البُعد بيزيد فينا الشــوق ____ بـس بُعــــــــدك يا حلو حراق
*****
وقالو البكي بيريّح المعشوق ____ وينــك حبيبي عــادموعي فوق
ما شفتني عاقسوتك محروق ____ مش هيك شرع الحب والعشاق
*****
ياما عاحُبك نــــــاس لاموني ____ يلــــــي بحلاكـي العين مفتوني
يا سارق الغفوهِ مــن عيوني ____ قلي أنكنـــــــت متلك أنا سراق
*****
يـــــاما ويــــاما منك أستنّيت ____ كلمهِ .. يا غايب لو كنت حبّيت
كنت مثلي عالولــــــف حنّيت ____ لــــو قلبك القاسي هوايي داق
*****
وصوره بقلبي تركت محفوره ____ تبقـــــى ألي ذكرى ومنشوره
ياما حبيبك باس هـــــالصوره ____ كلما عاهجرك يا حبيب أنداق
*****
مثلــــــــي ال حَبّو لا ما أنداقو ____ عــــاقسوة المحبوب وفراقو
العشاق مهما بالهوى أشتــاقو____ مش قد ما حامل إلك أشواق
*****
ليـــــــــك كل حواسنــــــا حنّو ____ ومـــا بقول عِقلو بعد ما جنّو
راقو بحور العاطفـــــــي وكنّو ____ وبحري بعاطفتو بعد ما راق
*****
خايـــــــــف مع الأيام تنساني ____ العيــــون بُعدا عالهوى جاني
حايف يصيرلك شي ولف تاني____ ووقتــا أنا والروح نبدا خناق
*****
وصارع أنا الأيـــام والمجهول ___ وصير بحياة الناس مش مقبول
معقول هيــــــك نهايتي معقول ___ إغفى أنا في سبب حُبي ال فاق
******************