[poem=font="Simplified Arabic,6,black,bold,italic" bkcolor="transparent" bkimage="" border="none,4,gray" type=0 line=0 align=center use=ex num="0,black"]
شهرين عافراش الألم صرلي = و كل يوم بكرة بقول بتطلي
بلكي بشم الزهر اوعى و طيب = لكن ما جيتي و زادت العلة
***********
دخلك و ليش بعدك ما طليتي= و كانت العادة لكي من شهور
بالهاتف رسالة انما وديتي= تودي الي رسالة مع العصفور
********
و يطير عصفور بجفن مخجول=يدقدق بمنقادو على الشباك
و يزقزق بصوتو الحلو و يقول = دخلك فتحلي برد بترجاك
********
و تايضل منك يحمل رسالة= و يبقو مكاتيبك الي يعيشو
بقلو على قلبي أنت غالي=و الله ما يحرم طير من ريشو
*********
و تاضل شوفو ما رمشت رمشة= و كل يوم تايعمل الي زيارة
بجمع من عظام الصدر كمشة = بقلبي وولعها الو نارة
***
و أغفى انا وهوي بفرد فرشة= و اوعى عاصوتو بعد غيبوبة
و افتح الو الشباك تايمشي = و ابعت معو رسالة لمحبوبي
*********
لكن الك شهرين يا عصفور= بليل الأمل مش طالل عليي
تخمين في عندك جنح مكسور= تا ينجبر كسرك تعا ليي
***********
بس جنحك انت مش مكسور= وقالو الي صاير تزور قصور
و نسيب مينو الي عطاك كتير = خلاك تفرح بالنصر عانسور
لا تفتكر حالك ذكي يا صغير=صرلك عا هالعادة معي من شهور
عملتلك من ضلوع قلبي سرير = ولما شبعت دشرتني و فليت
خليتني انده انا يا ريت=
لا عرفتك و لا عرفت هالعصفور.
************[/poem]
لـــــــمّا أنا وزنــــــــــــتك بقبّاني **** متل الدهب شـــــفتك يا قبّاني
(صلّي ) بدل (صرلي) فيا بتصير **** تحـــــــــلّق على نزار قبّاني
و من شــــان ما يبقى بقلبك حزن **** وإيامك بــــــشعرك تشعشعها
بالمقطع الخامس تَ يمشي الوزن **** كلمة (بقلبي ) قـــــبل (ولّعها)
يمكن أخطاء مطبعية لأنّو مبين بتصيغ متل جوهرجي
يسلم تمّك
عادي يا زلمـــــــة
لا عــــادي استاذ فاتح
بس هي القصيدة اول قصيدة غزل بكتبا
و انا صرلي شهرين ناطرها اسم القصيدة ناطر تطلي و هيي بتصير صلي و حلوة بس بغير سبكة
و بالنسبة للبيت الخامس انا ما بعرف قطع البيت يا ريت تقطعلي يا ؟؟؟؟؟؟؟؟؟؟
يا سيدي المهم انو عم نستفيد و يا ريب تركبلي قلبي قبل ولعها
و شكرا أستاذ فاتح
يسلم تواضعك ومن يوم ورايح لمّا بيخطر ببالي إتعلّم كيف إسهر عا شباك شي نجمة رح إتعلّم إسهر عا شبابيك قصايدك لأنّو قد ما تواضعت بردّك رفعتني بذوقك و بهالشعر الحلو
و من شان تركيب البيت :
بقلبي تَ ولّعها إلو نارا
أو
بقلبي وْ ولّعها إلو نار
يا شعر أوعا تبتعد عني
وخليك حدي واقترب مني
لولاك لولا الحلم كنت بضيع
وبضل متلك هيك مستني
جنوني برشو بالمدى وبيشيع
حبي ... تا قلبي غمسو بفني
حكي الجواهر أنقو التصنيع
نغمة ونغمي بدوق وبتني
وحكيك يا غالي ماالو تقطيع
بيكفي عند ما بتكتبو ... غني
[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
اسمعني يا فاتح عن صفا نية= بهمس الك همسات شعرية
صلي بدل صرلي انت يا ريت = ما قلتها و لا قربت ليي
بحيثك انت يا صاحبي خليت=يرجع يعذب جرحها فيي
حبيتها و مافي حدا حبيت = عاقد ما حبيتها هيي
وعا قد ما تاشوفها صليت =صفيت بتل الشيخ و الرهبان
ما عاد تملي بنت عينيي[/poem]
وينك يا فـــــــــاتح
شكرا الك مرة تانية
بس انت فهمتنـــــي غلط انا ما بدي ياك تعطيني بدال البيت انا بدي
تعطيني حركــــــــــــــــــــــــــــاتو اذا في مجال
بالنسبة للتقطيع :هيك ممكن يكون أسهل بهالإسلوب
متفاعــــلن/مـــتفاعــلن/فعـلن
شـهرين عا/فراش الألم/صلّي
وكل يوم بك/رابقول بت/طلّي
وهو عا البحر السريع وللتفصيل أكتر فيك تستعين بالشيخ أنهل عندو مقال عن أوزان الزجل موجود بقسم الزجل بتمنّى من الكل يقرو ويستعينو فيه و خصوصي اللي بيدعو المعرفة , هو بيحكي عن 13 بحر مع إنو في حوالي 22 بحر بالزجل مو كلها مزكورا.
بيبقى بالزجل في جوازات كتير يجوز في النظم العامي تحريك الساكن, وتسكين المتحرك دون قيد أو شرط
حيث أن الجوازات في الشعر العامي كثيرة
ولا ضابط لها.
عفوا يا شباب بسّ بدّي عقّب على كلام فاتح
المعنّى هو بحر الرجز ::مستفعلن مستفعلن مستفعلن
ومجزوءو .. مستفعلن مستفعلن فعلن
ويجوز ادخال الزحافات عند التقاء الساكنين وحذف حرفين من أوّل البيت
مانو
متفاعلن متفاعلن متفاعلن
وحبيب القلب فاتح مبارح قلتلي عن ضرورة السماع للّبنانيين ..
تحريك الساكن هوّي علّة السوريّين ..
وبتحدّى تجبلي شاعر اعتلا منبر لبناني من عهد شحرور الوادي لهلّق ..حرّك الساكن وكسر الوزن؟؟
الاخوة الأعزاء
بعيدا عن التباري بالأوزان اللي أنا اصلا ما بعرفها
خلونا نحكي منشان نفيد ونستفيد
كلنا منعرف أنو اخونا الأستاذ شفيق حساس جدا لموضوع الوزن
وهي من صفات الشاعر الحق
وأنا شخصيا بعتقد أني عمري ما قريتلو مقطع مكسور أبدا
هي من ناحية
أما من حيث القصيدة / موضوع النقاش /فهناك أمرين
الأول :
شهرين عافراش الألـم صرلـي **** و كل يوم بكـرة بقـول بتطلـي
بلكي بشم الزهر اوعى و طيـب **** لكن مـا جيتـي و زادت العلـة
وهيي مشكلة / صرلي = صار لي
وهي لفظها بالشعر صعب شوي
ويمكن الأستاذ فاتح لاقى صلي أنسب من صار لي خاصة وأنو صار لي فيها اختصار الألف
وأنا من راي أنو صلي في البيت أحلى من صرلي وبضيف كلمة ( المرض ) بدل الألم لأنو فيه بالبيت التاني كلمة ( بطيب )
وبيصير البيت هيك
شهرين عافراش المرض صلـي **** و كل يوم بكـرة بقـول بتطلـي
بلكي بشم الزهر اوعى و طيـب **** لكن مـا جيتـي و زادت العلـة
الأمر التاني:
و تاضل شوفو ما رمشت رمشـة *** و كل يوم تايعمـل الـي زيـارة
بجمع من عظام الصـدر كمشـة *** وولعهـا بقلبـي الــو نــارة
هون المشكلة بالنسبة للوزن
وارجو أنكن تقرو معي بتجرد
والمعذرة من الأستاذ الكاتب
بجمع من عظام الصـدر كمشـة *** وولعهـا بقلبـي الــو نــارة
هنا الأمر ناقص حرف ياء / بيقلبي وهيك بتظبط
أو
بجمع من عظام الصـدر كمشـة *** وبولعا بقلبـي الــو نــارة
هون بدنا نشيل حرف واو ونشيل الهاء أو نخفيها عند اللفظ / والأمر عادي
أو
بجمع من عظام الصـدر كمشـة *** بقلبـي بولعهـا الــو نــارة
وهيدا يمكن اللي قصدو استاذنا / فاتح خاصة أنو هوي بيشبع حرف الروية ( الياء )
على كل حال
أرجو انو ما كون تقلت على حدا
بكل الحب أكتب لكم
جعفر حيدر
حقدك رح يحرقك
بس رح ضل حبك
أنا هالكلام ما جبتو من عندي
شوف الشيخ أنهل والمصدر إذا موثوق أو لا
لمّا بتحبني وقتا بتصير شاعر
توضيح
يبدو استاذ فاتح أنو عجبتك كلمة الشيخ أنهل
بس كلمة شيخ أنا قصدت منها / العارف
بعد أذنك
وهي كلمة مستخدمة كتير وعند الجميع
وحتى استخدامي الها بهالشكل
ما قصدت منو إلا دقة معرفتي بالأستاذ أنهل
خاصة فيما يخص العتابا،
فهو سيد من اسيادها بحق يا صديقي
بكل الحب يا فاتح
قلبك كبير وبيوسع الدنيا كلها
وارجو أن يتسع لمفردة من مفرداتي
فاتح كتب:[size=8]حقدك رح يحرقك
بس رح ضل حبك
أنا هالكلام ما جبتو من عندي
شوف الشيخ أنهل والمصدر إذا موثوق أو لا
لمّا بتحبني وقتا بتصير شاعر
ما في داعي لا لمصدر ولا لغير مصدر ..أنت قطّعها وشوف السكون وشوف الحركة ..وشوفها لحالك
ومين قلّك أنّي بكرهك ما في شي شخصي بيني وبينك أبدا ..
بس أنت بدّك مصلحة الشعر بقناعتك وأنا بدّي مصلحة الشعر بقناعتي
ومعليشي ماني طالب منّك تقلّي إذا أنا شاعر أو مو شاعر (ما رح احكي عن حالي)
يا سيدي أنا بحبّك هي أنا شاعر
بس وقت تصير ما تغلط بالوزن بتصير شاعر
[/size]
أنهل بتلبقلو هالكلمة بس ما بعرف وين عم يصلي يمكن عزميتو شي زهرة عا جرّة عطر أو جرّة خمر أو يمكن عا جرّة قلم عا وراق قلبا
فاتح كتب:
أنهل بتلبقلو هالكلمة
بس ما بعرف وين عم يصلي
يمكن عزميتو شي زهرة عا جرّة عطر
أو جرّة خمر
أو يمكن عا جرّة قلم
عا وراق قلبا
أكيد بتلبقلو
وإذا بتسمحلي ذكرك وين بيصلي
بتذكر كان يصلي معي ومعك
وأكيد مع غيرنا ما كان يصلي
بس جرة القلم كانت ناطرة جرة الخمر
وبس خلصت جرة الخمر
وحاولت تبلش جرة القلم
بلشت جرات كتيرة
وينك يا أستاذذذذذ فاتـــــــح
انا عم بطلب منك حركــــــــــــــــــــات البيت اذا في مجــــــــال حركـــــــــــــــــــــــــــــــــــــــــاتو
لانو ما في اسهل من أني بدلـــــــــــــــــــو ببيت أسلس من البيــــــــوت الي قلتها وحياتك
انا ناطرك تعطيني حركـــاتو
يسعد أوقاتكن يا حلوين. وعذراً عالتأخير ..
الأخوة الشعراء الكرام ...
أعتذر لأني لم أتمكن من الدخول إلى الموقع يوم أمس بعد أن كتبت الرد ...
عذراً لضيق وقتي وعدم تمكّني من قراءة كل أشعاركم الجميلة العذبة ...
عذراً لأني لم أنتبه إلى هذا الحوار الممتع المفيد ...
الذي جعلني أقرأ ما كتبتم هو رسالة الأخ الغالي باسم القباني لي ...
لا أدّعي المعرفة أكثر من أي واحد منكم ...
لكني مغرم بأوزان الزجل والعتابا ...
لذلك أصبح لدي بعض الإلمام في هذا المجال ...
بالنسبة للمطلع:
شهرين عا فراش الألم صرلي , يقطـَّع:
شه .. رين .. عا .. فرا .. شل .. أ .. لم .. صَر .. لي
1 ,,,,2 ,,,,3,,,,4,,,,5,,,,6,,,7,,,,8,,,,,9
وهذا البحر المتناهي عدد حركاته ـ 9 ـ حركات لكل شطر ...
ولو حوّلنا كلمة صرلي إلى صلـّي يبقى الوزن نفسه لأن صلـّي تـُقـَطـّع:
صل .. لي ــــــــــ أي نفس تقطيع صر .. لي ( وربما باسم مـَلَّ من الصلا ) ...
أما البيت:
بجمع من عظام الصدر كمشة فهو موزون تماما وعلى نفس البحر ويقطع:
بج ... مع .. من .. عظا .. مص .. صَ .. در .. كم .. شة
والشطر الثاني:
وول .. لع .. ها .. بْـقل .. بي .. إ .. لو .. نا .. رة فهو موزون أيضاً
ـ إذا كانت الباء ساكنة ـ أما إذا كانت متحركة بـِ .. قل
فهنا تزداد حركة ويصبح الشطر على البحر السريع الذي حركاته ـ 10ـ حركات لكل شطر ...
لكنه غير سلس عند القراءة ...
لذلك أنا مع إقتراح الأخ فاتح بأن يصبح:
بجمع من عظام الصدر كمشة ــــــ بْـقـَلبي تا ولـّعها إلو نارة ( أو بقلبي , وولعها إلو نارة )
الغالي فاتح ...
شكراً لثقتك بمعلوماتي ...
شكراً لبحثك عني ... وياريت عندي وقت كون معزوم عا جرّة عند زهرة ...
أخي فاتح إن المصدر الذي عندي هو( الزجل ـ تاريخه,أدبه,أعلامه قديماً وحديثاً )
" بقلم منير الياس وهيبة الخازني الغساني ـ مجاز في علو النفس, رئيس مصلحة الدرس والتنسيق والفهارس "
أما أنت يا حبيب القلب جعفر ...
ماذا سأقول لك وبماذا سارد على ما غمرتني به من ثقة ...
لم أجد أعظم من كلمة شكراً يا أخي الذي لم تلده أمي ...
شكراً لكم جميعاً ...
بكل الحب ...
أنهل دبس