23-03-07, 11:02 AM
د. اياد قحوش
![[صورة: 678.jpg]](http://bp1.blogger.com/_6mz9gQ-XrnA/RgBDLg2NcCI/AAAAAAAADq0/f1ic1APevnM/s320/678.jpg)
وْأمِّي عَمِ تْنَقِّي عَدَسْ
كانِتْ عَمِ تَّمْتِمْ
مِدْرِي عَمِ تْصَلِّي
وِتْوَقِّعْ حْرُوفا .. تْطِيْرْ
تَطِيْر وِتْعَلِّي
وِتْدِّقْ عَا باب السَّما
تِشْحَد الْبَرْكِه
تْصِيْر إلْنَا سْرِيْرْ
وْمَرْجُوحْةِ تْراتِيْلْ
أمِّي وْتِتْنَهَّدْ
وْمابَيْن نَهْدِهْ
وْبَيْن نَهْدِهْ تْشيْلْ
بَحْصَهْ زْغِيْرِه تْكِبّها بَرَّا
وِتْقُولْ:
هَالْمَرَّه
الْمَفْرُوض قِلُّنْ يِرْجَعُوا
طَالِت الْغَيْبِه كْتِيْرْ.
طَالِت الْغَيْبِه كْتِيْرْ يا أمِّي
أيْ طَالِت الْغَيْبِه
وْيللّي بْحِضْنِكْ فَرْفَرُوا عْصَافيرْ
وْنَطُّوا .. وْكانوا وْلادْ
راحُوا وْصارُوا بْعَادْ
وْكِلْ واحِد بْمَطْرَحْ
وْقِلْتِلِّك بْنِيْسانْ
رَحْ نِرْجَعْ
وْبَعْدِكْ ناطْرَه بْإيْمانْ
ْقِلْتِلِّك بْنِيْسانْ رَحْ نِرْجَعْ
تَافَرّحِكْ .. لَكِنْ هَيْ كِذِبْتِي بْنِيْسَانْ
وِالْعِمِرْ ما بْيِرْجَعْ
__
وْأمِّي عَمِ تْنَقِّي عَدَسْ
وِقْبَالْ هالصُّوْرَه
الِمْعَلَّقَهْ عَ الْحَيْطْ
وِبْعَيْنْهَا دَمْعَهْ
اتْطَّلَّعِتْ فينا
وْقالِت وْلَنُّو يَومْ بِالْجِمْعَهْ
طِلُّو .. تَ نِتْغَدَّى
وْهَبّ الْهَوا الْغَرْبي
طَيَّر الصُّورَه
فَوقْ طَاوِلْةِ الْغَدَا
وْأمِّي الْخِتْيَارَهْ
الْكَانِت بْتِمْشِي عَ الْهَدا
ألله .. أمي كيف .. عَم تِرْكُدْ
تَ تْجِيْبْ إلْنا صْحُونْ
قَدَّيْش قالِت كِلُو ..
بَسْ تِشْبَعُوا بِشْبَعْ
وْمِينْ قالْ لَو بِيْصِرْلْنا نِرْجَعْ
ناكُل سوى الِمْجَدَّرَه
مينْ قالْ ما مْنِرْجَعْ ؟
وْأمِّي عَمِ تْنَقِّي عَدَسْ
كانِتْ عَمِ تَّمْتِمْ
مِدْرِي عَمِ تْصَلِّي
وِتْوَقِّعْ حْرُوفا .. تْطِيْرْ
تَطِيْر وِتْعَلِّي
وِتْدِّقْ عَا باب السَّما
تِشْحَد الْبَرْكِه
تْصِيْر إلْنَا سْرِيْرْ
وْمَرْجُوحْةِ تْراتِيْلْ
أمِّي وْتِتْنَهَّدْ
وْمابَيْن نَهْدِهْ
وْبَيْن نَهْدِهْ تْشيْلْ
بَحْصَهْ زْغِيْرِه تْكِبّها بَرَّا
وِتْقُولْ:
هَالْمَرَّه
الْمَفْرُوض قِلُّنْ يِرْجَعُوا
طَالِت الْغَيْبِه كْتِيْرْ.
طَالِت الْغَيْبِه كْتِيْرْ يا أمِّي
أيْ طَالِت الْغَيْبِه
وْيللّي بْحِضْنِكْ فَرْفَرُوا عْصَافيرْ
وْنَطُّوا .. وْكانوا وْلادْ
راحُوا وْصارُوا بْعَادْ
وْكِلْ واحِد بْمَطْرَحْ
وْقِلْتِلِّك بْنِيْسانْ
رَحْ نِرْجَعْ
وْبَعْدِكْ ناطْرَه بْإيْمانْ
ْقِلْتِلِّك بْنِيْسانْ رَحْ نِرْجَعْ
تَافَرّحِكْ .. لَكِنْ هَيْ كِذِبْتِي بْنِيْسَانْ
وِالْعِمِرْ ما بْيِرْجَعْ
__
وْأمِّي عَمِ تْنَقِّي عَدَسْ
وِقْبَالْ هالصُّوْرَه
الِمْعَلَّقَهْ عَ الْحَيْطْ
وِبْعَيْنْهَا دَمْعَهْ
اتْطَّلَّعِتْ فينا
وْقالِت وْلَنُّو يَومْ بِالْجِمْعَهْ
طِلُّو .. تَ نِتْغَدَّى
وْهَبّ الْهَوا الْغَرْبي
طَيَّر الصُّورَه
فَوقْ طَاوِلْةِ الْغَدَا
وْأمِّي الْخِتْيَارَهْ
الْكَانِت بْتِمْشِي عَ الْهَدا
ألله .. أمي كيف .. عَم تِرْكُدْ
تَ تْجِيْبْ إلْنا صْحُونْ
قَدَّيْش قالِت كِلُو ..
بَسْ تِشْبَعُوا بِشْبَعْ
وْمِينْ قالْ لَو بِيْصِرْلْنا نِرْجَعْ
ناكُل سوى الِمْجَدَّرَه
مينْ قالْ ما مْنِرْجَعْ ؟