لَ فاتح
[poem=font="Arial,7,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
يافاتح اللي بالغِنا جَدّ السّعي=ومن دون إِذني نشَّزت عامسمعي
هلّق بوقت الجد غَنّي وصلتك=مازال كنت بوقتها تمزح معي[/poem]
وجّــــــي تقاسيمو تقاسيم الزمان *** و قلبـــي تقاسيمو تقاسيم الكمان
و صوتي إذا بإدنك نشاز بتسمعو *** بتكون إدنك متل إدن المرطبان
كتير حلو يافاتح
[poem=font="Arial,7,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
بْإدن لْمرطْبان اللي جنبي مقاعدو=صبّيت خمره للحبيب ال واعدو
ولما بتسمع صوت نهدات القلوب=صوتك عاهالنغمات الله يساعدو[/poem]
مروان لمّا صوب محبوبو نزع *** و لمّا بَفل صوتو على الرهبه انتزع
ما اسمعنا صــوت نهدات القلوب *** هالصوت من دقّات قلبــــو عالفزع
[poem=font="Arial,7,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
عشق الجمال بهالدني عليّي انسمى=ومحبوب قلبي من السما لَيّي ومى
من بعد ماصرنا بطيّات النجوم=فزعان إرجع للتّراب من السما[/poem]
سَيهرت محبوبك على دراج الفلك *** و من شان ترجع عالأرض ما بسألك
بتفضحـك عالأرض دقّات القلوب *** تخبّى بْشي غيمه بالســــــما أستر إلك
[poem=font="Arial,7,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
أمري مع الغيمات مش سرّ انفضَحْ=هيدا ناموس الكون عشفافي اتّضح
مافي حدا رح يوصل بواب السما=لو ما محبه وخير من قلبو نضح[/poem]
ساعة ما قلبك شر و محبّه دلق *** بين السما و جهنّــــــم انتابك قلق
الله غلق في وجّــك بواب السما *** و عزريل باب جهنّم بوجّك غلق
[poem=font="Arial,7,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
عزريل لما شافني فيّي صَفَنْ=من قبل ماللموت حيّكلي كفن
أكبر من بواب السما وجهنّمو=السّر اللي الله حيّك وفيّي دفن[/poem]
الله وضع سرّو بقلب شاعر كبير *** لا بقلب موسى و لا بوذا المستنير
و هالسر لمّا بالغلــــط وصّل إلك *** بعتو لحتّى تشتــــري بحقّو ضمير
[poem=font="Arial,7,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
مابيغلط الخالق يافاتح يافهيم=عن هالصفات منزّه الرب الكريم
بقبل أنا هالسر مِنّي ياخدو=ويصفى ضمير الناس حاضر مستديم[/poem]
الله بيجوز يخربـط بآخر زمان *** وقت اللي بدّو مع لْ متلك ترجمان
و مش بس الله السر منّك آخدو *** آخد دخـــــيلو سرّك و عقلك كمان
[poem=font="Arial,7,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
بساحة المعَنّى المزيون=مارح تقدر تتهَنّى
بلكي القرّادي بيكون=أهْوَنلَك من المعنّى
***
يلّي ماعندو إحساس=ومافي جُوّاتو مْشاعر
بالفن بعرف المقياس=مابيطلع مِنّو شاعر
عامل حالك بين الناس=شاعر لكن مش شاعر
إنّك عالشعر الحسّاس=بشعرك قاعد تتجنّى[/poem]
إحساسي شلّـــــة ألوان *** متــــل الخمرة للخمّار
لكن إحساســـــك مليان *** ســــلّة بندوره و خيار
و كترة ما عودك رنّان *** و دارس بالكنسرفتوار
طالع صوتك يا مروان *** أحلى من نـــــور مهنّا
[poem=font="Arial,7,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
بلكي القرادي بيكون=أهونلك من المعنى
***
الله بيعطي قدرة ومال=كل واحد عانيّاتو
وكل مين بيحكي أمثال=باللي شاغل عقلاتو
مَنّك هون بسوق الهال=يلّي ذاكر كلماتو
تخمينك كاين عتّال=مع فرقة طوني حنَا [/poem]
عا تَل المشـتى الشربين *** أحلى قصايــــــد غنّالي
و عا تَل الروس من سنين *** ناطر بالساحه و صالي
عا تل هـــم الفــــــــنّانيـن *** لْ بيغـــــــنّوا للأصالي
و عا تل منشـــارة و سكّين *** لْ كل مين نشّـز لو غنّا