----------------------------------------------
قطّف يافاتح كرمتي بعنباتها ......... بلــــيلة زجلــــنا العـــــامرة بسهراتها
ومنشان تحلا سهرتك عامنبري .......... اعصرها خمر واشرب حلا كاساتها .....
-----------------------------------------------------------------------
حب العنب صبّيت من قلبو الجريح *** حتّى الجمال يحس بالشاعــــر مليح
لمّا قطفتــــــــو كان عا إيدي يسوع *** و لمّا شربتو صار عا شفافي مسيح
-------------------------
كاهن انت للمنبر وب المعصرة ....... شعري عصرتو كروم خمرة مخمّرة
انصب لخطايا منبرك دم المسيح ........ يمســــح ذنوبك بالدنه وبلآخرة ...
-----------------------------------------
ما أطيـــــبو ذنبـــــــــي أنا ما أطيبو *** دخلـــك لا تمحيني قبل ما إشربو
الشاعر متل دفتر من وراق الزهور *** كلما بتمـــحي سطر حلوي بتكتبو
أعتذر عالتأخير ياخي فاتح ...
----------------------------------------------------------------
[SIZE="3"]
مستطيب ذنوبك ياشاعرنا استحي = من كرمتي اللي عصرتها عامسرحي
ومن هيك شفت كتاب عمرك عالسَكَر = بيطل سطر وغير سطر بينمحي
[/SIZE]
---------------------------------------------------------------------
من كتاب فاتح ضل سطر و سطر داب *** و من شان قلّك شو السبب يا بو الشباب
بيكون من صابيــــــــــعها الخمر اندلق *** محّا غزل شفّة عَ صفحـــــــات الكتاب
-----------------------------------------------
[SIZE="3"]
مازالك مغطس شفافك بالخمور = ومنبر فنونك صار عالسكرة يدور
ومش خمر هيدي المحبرة اندلقت معك = ومحّت بيوتك عالوراق وعالسطور
---------------------[/SIZE]------------------------------
ما في فرق بين الخمر و المحبرة *** أحمر عَ أزرق لـــــون عا لون اندرى
بالمحبــــرة محّي كتابي تا يصير *** متل الكحل ممحي على رموش المرى