منتديات مشتاوي

[poem=font="Simplified Arabic,5,,bold,normal" bkcolor="" bkimage="" border="none,1," type=0 line=0 align=center use=ex num="0,"]
عَهْد الرَبِيع لْ رَاح بِدْنَا نْجَدِّدُو=وِنْحَافِظ عْلَيْه وْجَمَالُو نْمَجِّدُو
المَنْبَر نَدَهنِي وْقَال إنْتِ مْحَمَّدُو*=وْجَايِي حَسَن بَنُّوت عَرْشِي يْهَدِّدُو!.
إيِدَك بْإيِدِي حُطّهَا يَا بُو عَلِي=تَ نْشُوف هَذَا العَهْد مِينُو سَيِّدُو
***
كلمة مْحَمَّدو تعود لعهد الربيع........

إتكل ع الله....



تحياتي... محمد خطيب[/poem]

[poem=font="Arabic Transparent,5,,bold,normal" bkcolor="" bkimage="" border="none,1," type=0 line=0 align=center use=ex num="0,"]
*****
محمد خطيب بهوذو وبأبجدو=حرّك الحرف ومين فاضي ينجدو
وعا منبر مزيّن بدرو وعسجدو=عوّد ركابك عا خشابو يسجدو
وصلّي صلا الغفران مع أسيادها=حتى حسن لولا طلبتو توجدو
*****[/poem]

[poem=font="Traditional Arabic,5,,bold,normal" bkcolor="" bkimage="" border="none,1," type=0 line=0 align=right use=ex num="0,"]
مْحِمَّد خَطِيب إلْ بِالمِعَنَّى مْعَاركُو = تْبَارك بِجَنْبُو وْلا تْصَفِّي تَاركُو
بْعَرْكِة مِعَنَّى بِالمَبَادِي شَاركُو = وْحَاجِة دَجَل مِنْ حَيْث سِرَّك دَاركُو
بَسْجُد لَرَبِّي وْخَالْقِي فِي دَاركُو = حَيْثُو بَعَثْنِي تَا أطَفِّي نَاركُو
مَا ضَل غِير تِبْنِي لَحَالَك كَمْ سَمَا = وِتْقُول يَا هَالنَاس فِيِّي تْبَارَكُو[/poem]

[poem=font="Arabic Transparent,5,,bold,normal" bkcolor="" bkimage="" border="none,1," type=0 line=0 align=center use=ex num="0,"]
*****
بدنيا الوحي والشعر شو للي دخلك=هيدي لشاعر شيّب ليالي الحلك
شرف واسلك متل ما غيرك سلك=عالمستوى بعطيك حسب معدلك
تبارك من الكف العطاك ورسملك=وعن جميلة هالعطا ما بسألك
بحيث النفوس الطاهره بنياتها=وان ما ذكرت معروفنا بترجع الك
*****[/poem]

مشكوررررررررررر

انا بعتذر عن التاخير
بس كنت مسافر عم احضر حفلة الزغلول وطليع.. وهي وصلتي!!!
اليوم انشالل بعد ما اترييح برد عليك!!


تحياتي

تحياتي للجميع مرة ثانية

[poem=font="Traditional Arabic,5,,bold,normal" bkcolor="" bkimage="" border="none,1," type=0 line=0 align=right use=ex num="0,"]
بْيِكْفِي حَكِي فَاضِي مَ مِنُّو فَائِدِة = وْخَلِّي لِهَالمَوْضُوع كِلّ الفَائِدِة
بَيْن القَلَم وِالسَيْف لُعْبِة مْعَقَّدِة = حَامِل عَ جَنْبِي قْرَاب وِالسَيْف بْيَدِي
وْإنْ كَان فِي عِنْدَك قَلَم نَقَّط نِدِي = وْيِحْفُر قَصَايِد عَ الخُلُود السرْمدِي
لَكِن الليْلِة مِنْ تِحِت سَيْف الخَطِيب = مِشْ تَارْكو إلا مَ يِمْضِي مْعَاهَدِة[/poem]

mohamad kh, post: 34466 كتب:[poem=font="Traditional Arabic,5,,bold,normal" bkcolor="" bkimage="" border="none,1," type=0 line=0 align=right use=ex num="0,"]
بْيِكْفِي حَكِي فَاضِي مَ مِنُّو فَائِدِة = وْخَلِّي لِهَالمَوْضُوع كِلّ الفَائِدِة
بَيْن القَلَم وِالسَيْف لُعْبِة مْعَقَّدِة = حَامِل عَ جَنْبِي قْرَاب وِالسَيْف بْيَدِي
وْإنْ كَان فِي عِنْدَك قَلَم نَقَّط نِدِي = وْيِحْفُر قَصَايِد عَ الخُلُود السرْمدِي
لَكِن الليْلِة مِنْ تِحِت سَيْف الخَطِيب = مِشْ تَارْكو إلا مَ يِمْضِي مْعَاهَدِة[/poem]

مرحبا يا حمودي
على مايبدو أنك لسا تعبان من السفر لهيك مو كتير ظابط معك اللحن
وخصوصاً الفائدة وبيدي والسرمدي
وفي الأشطر الأولى فائدة ومعقدة وندي
نأمل أن ترينا ماهو أجمل
وجعبتك تحوي الكثير
أخوك محمد خطيب
حلب
سوريـــــــــــــــــــــا

mohammed kh, post: 34467 كتب:مرحبا يا حمودي
على مايبدو أنك لسا تعبان من السفر لهيك مو كتير ظابط معك اللحن
وخصوصاً الفائدة وبيدي والسرمدي
وفي الأشطر الأولى فائدة ومعقدة وندي
نأمل أن ترينا ماهو أجمل
وجعبتك تحوي الكثير
أخوك محمد خطيب
حلب
سوريـــــــــــــــــــــا

شكرا كثير على التعليق!!
بس بحب قللك بخصوص انو في خطا بالابيات"انا انسان والانسان ليس معصوما عن الخطأ" وما زال انك بتقول في خطا يا ريت توضح وين الخطأ بالظبط؟؟
وشايفك بتقول انو اللحن اللي مو مظبوط يعني الوزن
وانا الصراحة شايفها موزونة 100000000000% وصرت مفرجيها لاكتر من 10 شعار وكلهن قالولي موزونة!!
ف يا ريت توضح وين الخطا!!

وبطلب كمان من ابو علي حسن بنوت ياللي بيفهم اكتر مني ومنك بالزجل خليه يعطي رايو وانا تحت الحق...



تحياتي.... محمد خطيب

[poem=font="Arabic Transparent,5,,bold,normal" bkcolor="" bkimage="" border="none,1," type=0 line=0 align=center use=ex num="0,"]
*****
خدها على ذات القوافي الجيده=وحط مخرز في عيون الحاسده
شعرك نغم فيه الطيور مغرده=وعندك قوافي ضابطه ومقيده
*****
وبين القلم والسيف يا فكاري اشردي=وخللي القلم يكتب قصايد خالده
بالسيف يا قاصد تا تمضي معاهده=ما في سلم تحت الضغط عاش وهدي
بحيثك بعركات الزجل بعدك جدي=ومع بو علي شعرك هجوم وعربدي
خايف على السيف البإيدك يجرحك=وينهي طموحك من قبل ما يبتدي
*****[/poem]

[poem=font="Traditional Arabic,5,,bold,normal" bkcolor="" bkimage="" border="none,1," type=0 line=0 align=right use=ex num="0,"]
حَقِّي وِصِلْنِي وِالقَوَافِي مْوَحَّدِة = وْرَح حِط مَخْرَز فِي عْيُون المُعْتَدِي
إْنْ كَانُو حْرُوفِي نَغَم إنْتِ مَوْرَدِي = بكِلْمَاتَك بْطُول السّنِين مْنِقْتِدِي
*****
بَقْبَل جْرَاح السَيْف تَ يْنَقِّط نِدِي = مِنِّي تَ يِسْقِي هَالأرَاضِي الخَالِدِة
إرْجَع مَع التَارِيخ رَجْعَة جَيِّدِة = لَمَّا القَلَم وَقَّع عَ أرْضِي وْمَعْبَدِي
بَقْطَع حَطَب بِالسَيْف يِمْلِي المَوْقَدِة = وْبَسْهَر مَع الحِلْوِة بِلَيْلِة مْبُورِدِة
وْهَالسَّيْف يَا بَنُّوت عَ طُول السّنِين = مَا بِتْرِكَكْ تَ تْقُول أمْرَك سَيِّدِي[/poem]

[poem=font="Arabic Transparent,5,,bold,normal" bkcolor="" bkimage="" border="none,1," type=0 line=0 align=center use=ex num="0,"]
*****
نحنا بعصر ذره وغاز وبانزين=وبعدك على الحطبات عايش يا حزين
يا حامل الخنجر على جنب اليمين=شو حجتك قدام ناس معلمين
بجرة قلم من بو علي وحكة جبين=بتفيق الحاضر مع الماضي الدفين
فلسطين مين الباعها يا شب مين=غير لبحد السيف كانو عايشين
وكانو قبايل عالبهايم راكبين=واليوم روزريزات سودا سايقين
فهمك كفايه وانت سيد العارفين=وتا تقر انو السيف دين بدون دين
تحرا بشيوخ المملكه وسيوفها=بتشوفهن مكه الشريفه بايعين
*****[/poem]

[poem=font="Traditional Arabic,5,,bold,normal" bkcolor="" bkimage="" border="none,1," type=0 line=0 align=right use=ex num="0,"]
شْ وَدَّاك عَ مَكِّة وْدُبَي وْبُو ظَبِي؟ = وِشْيُوخْهَا إلْ مِتْرَتْعَة خَلْف العِبِي
بْجَرة قَلَم بِتْقُول... هَايِي مَطْلَبِي = بْإيشْ بْتِبْرِي القَلَم قِلِّلِي يَا صَبِي؟
لَوْلاَ القَلَم وِمْصَايْبُو هَالمُتْعِبِة = مَ تْوَقِّعِت بَيْعَات أرْضِي الطَيِّبِي
وْصَوْب المَتَاحِف رُوح جَوْلِة يَا أبِي = بِتْشُوف عَ صَدْر الرُفُوف الهَيِّبِة
سْيُوف حَمْزِة وْخَالِد بْمَتْحَف سَوَا = هَاتْلِي حَدَا مْحَافِظ عَ أقْلاَم النَبِي
* - - - - - - - - * = * - - - - - - - - *
رَحْ عِيدْهَا بْرَدِّة قَصِيرِة مْذَهَبِّة = مِشْ بَس حَشْوِة شِعْر يَا اْقْلاَمْ إْكْتِبِي
شْ وَدَّاك......................[/poem]

[poem=font="Arabic Transparent,5,,bold,normal" bkcolor="" bkimage="" border="none,1," type=0 line=0 align=center use=ex num="0,"]
*****
مين عرّفك يا عقل بالحجه بليد=عن سيف حمزه وسيف خالد بن وليد
لوما القلم يكتب عن الماضي المجيد=تاريخ ساري بالعروق وبالوريد
من متحف الآثار يمكن نستفيد=ان عشنا انآمن بالحجار وبالحديد
سيفك بيد الشمر أحزان ونهيد=إسأل سبايا كربلا ودم الشهيد
عن دروب التفرقه ميـّل وحيد=وإحكي بقرآن الوحي وجوهر فريد
يللي انكتب بقلام عثمان وعلي=ووحّد الامه من قريب ومن بعيد
*****
كلمة صبي لو قلت عني يا حميد=هي مستواك وقد ما عندك رصيد
وباري من الباري قلامي شي أكيد=ويوم التباري بركع ملوك وعبيد[/poem]

جميل جدا هذا الحوار ولكن اتمنى على محمد تكبير الخط وتخفيف التشكيل لنستطيع القرائه
معجوقه كتير

[poem=font="Traditional Arabic,5,,bold,normal" bkcolor="" bkimage="" border="none,1," type=0 line=0 align=right use=ex num="0,"]
يَا بُو حَسَن شُكْرَا عَلَى زْقِيف الكُفُوف = تَا نْكَرْمَك رَح نِوْقَف قْبَالَك صُفُوف
وْيَا بُو عَلِي حَاجِي تْهِز بْهَالدْفُوف = إبْيَاتَك النِسْيَان حَطَّا عَ الرُفُوف
* - - - - - - - - * = * - - - - - - - - *
إْنْ بَدَّك يَا بِن بَنُّوت تِحْكِي عَ السُيُوف = وَاجِب عَلِيك وْحَق توضيح الظُرُوف
لَيْش إْذْكَرِت سَيْف الشَمِر يَا فَيْلَسُوف = وْمَ ذْكَرت سَيْف إلْ جَاهَد بْعَصْر الحُرُوف
لَوْ مَا يْكُون السَيْف نِعْمِة مْنِ الرَؤُوف = تَا تْحَافِظ عْلَى بْلادك وْتِذْبَح خَرُوف
لَمَّا يِيجُوك ضْيُوف عَ كَالِيفُورْنْيَا = إذْبَح بِقَلَمَك دِيك تَا تْعَشِّي الضُّيُوف[/poem]

[poem=font="Arabic Transparent,5,,bold,normal" bkcolor="" bkimage="" border="none,1," type=0 line=0 align=center use=ex num="0,"]
*****
يا بو حسن يا أسم لجروحي طبيب=روحي فداك وانت عا قلبي قريب
لما تركني بو حسن بيي الحبيب=صفيت عايش بالدني متل الغريب
*****
ويا بو السيوف الامعه ومش عم تصيب=بسفرة حسن بنوت ما عندك نصيب
بدك دجاج محمّر وقشطا بحليب=وخاروف محشي طابخينو عاللهيب
وقاعد تشارط بدك المنسف نجيب=وان ما طبخنا ما بتجي أمرك عجيب
نحنا التقينا ضيوفنا بصدر الرحيب=وعالحب جمعنا الغريبه والغريب
وبكاليفورنيا بو علي العقل اللبيب=مرحّب بأقلام الاديبه والاديب
وفاتح مضافه للمواهب كلها=وستين عمرو ما يجي محمد خطيب
***** [/poem]

ا بو حسن يا أسم لجروحي طبيب=روحي فداك وانت عا قلبي قريب
لما تركني بو حسن بيي الحبيب=صفيت عايش بالدني متل الغريب


يرحم بيك يا بو علي
بيي وبيك بلحياه تعمدو
تيأدبونا وعا الصعاب تمردو
وصدق اذا نجحنا سوى بي هلدني
بيي وبيك بلقبر عبيسعدو

الله عليك يا بوعلي والله عجبني هالرد.........

[poem=font="Traditional Arabic,5,,bold,normal" bkcolor="" bkimage="" border="none,1," type=0 line=0 align=right use=ex num="0,"]
شُو بَاك يَا بَنُّوت شُو يَاللِّي جَرَا = تَا صِرْت تِحْكِي وْكِلْ حَكْيَك إفْتِرَا
بِكْفِي يَا بِن بَنُّوت حَاجِي زَعْبَرَة = شْفَافَك بِتَزْوِير الحَقَايِق شَاطِرَة
دَافِع عَن الأقْلام يَاللِِّي مْكَسَّرَة = احْسَن مَ تِمْضِي مْعَاهَدَات المِشْتَرا
لَمَّا بْيِيجِيك ضْيُوف شَاعِر..شَاعِرَة = إطْبِخْلهُن المَطْبَعَة بِالطَنْجَرَة
وطَعْمِي الضِيُوف حْرُوف حَتَّى يِشْبَعُو = وْتَا مَا يْغِصُّو شَرّبُن بِالمَحْبَرَة[/poem]