منتديات مشتاوي

[poem=font="Arial,5,,bold,normal" bkcolor="" bkimage="" border="none,1," type=0 line=0 align=center use=ex num="0,"]

تفضل يا فاتح أفتح القلب العطوف = وشرّع بواب المنتدى وصلوا الضيوف

بِخبروني الناس عنك فيلسوف = وتوما المنابر ما بصدق تا نشوف

جاييك حرف الموهبة معلّم ألوف = ومعروف عني بالشعر شاعر شغوف

وسلةّ معاني مشكلة جايب معي = تفضّل ونقي أي حرف من الحروف[/poem]

[poem=font="Arial,5,#000000,bold,normal" bkcolor="" bkimage="" border="none,1," type=0 line=0 align=center use=ex num="0,"]
فاتح دعيتك تاتلبي مطلبي = وسلِّة بعثتلِّك بورد مرتبّي

مازال ماقبلت الحروف الطيبي = هلّق وقعت بّطش حلقة مرعبي

أول حرف إسمي انلغيتو بطيبي = رح ضل رف نسور . أو للمكتبة

وآخر حرف فاتح على حسابي رِبي = انشلتو على الأجداث فات بتجربة

شد الحبال وروح إنذر دبدبة = تاتخلّص من حروف شفرة طيبة

وربّع جراسك لاتضلك مختبي = خمّس بإيدي برفعك بالمرتبة

ولا تسدس مسدس بطلقةّ خُلبي = بسابع سما منشان توصل للنبي

وحرف البلاغة غطّسو بميةّ ذهب = انكنّك بتقرا حروف الله مذهّبي[/poem]

[poem=font="Arial,5,#000000,bold,normal" bkcolor="" bkimage="" border="none,1," type=0 line=0 align=center use=ex num="0,"]
جينا ع مشتاوي تانهديكن حروف = فزعتوا عليكن نشهر بسرعة السيوف
ومنشان تبقوا تخيخنوا بالقافية = عم تكرهوا الزوار وتكشوّا الضيوف

------------
مش عار ع دكتور عالي المستوى = يقبل يدواي ناس ماعندا قِوا
العار ع اللي بعد مازارو الطبيب = فضّل بدونو يعيش ع حبوب الدوا

**********************************************************
عتابا

هربت يافاتح ومن دون معنا = ومعك بالشعر ما في يوم معنا
وعجيبة ليش ماكفيت معنا = انشفت إجحاف منعيد الحساب

-----------
وصلني عِلم واقع ضمن هِوِّة = وع جمر الشك عيب القال هَوي
الحرف لاتظن إنو غير هوي = حرف الأبجدية والعتاب
--------------


لاتشكي بالقوافي كل قلِّة = وبميرون المعاني قوم قَلّي
وتإقنع بي سبب معقول قِلّي = ثلثين المراجل بالهرب



-----------------------------------------------------
مع تحيات

د : حرف اخصائي بالزجل والرد السريع
[/poem]

[poem=font="Arial,5,#000000,bold,normal" bkcolor="" bkimage="" border="none,1," type=0 line=0 align=center use=ex num="0,"]
حرف . جبران تاني في خيالو = انكتب بالشعر شطحة من مقالو
العطى للكون تاريخ الحضارة = وعي الالهام ربيان بجُمالو

البعدو مابيعرف يا خسارة = قبل مالشعر استعرض مجالو
نشرت نور النهار بكل حارة = وسواد الليل كشيت وظلالو

وع سدف الغيم زتيت النطارة = ولبّست الفلك مني عقالو
انا ضد الحروف المستعارة = انا حرف التحدي في سجالو

ع بالي افتح بواب النزارة = وحرف العدل حكّم إعتدالو
بس الخوف تنهار الإمارة = لأنو الشعر رادوا إحتلالو

منهم شخص بيحب العزارة = وعلى غيرو تجنّى في قوالو
واذا شي خصم ردّلو بعبارة = تجنّي عدّها بّمعجن حلالو

حاجي فزلكة الذاق المرارة = وبعدو مش مجربها بحالو
ياحسرة تاه مني بفرد غارة = عرف حالو ونقط ضعفو وجبنو
وترك حرف وعم ينقي بدالو[/poem]

[poem=font="MS Dialog,5,,bold,normal" bkcolor="" bkimage="" border="none,1," type=0 line=0 align=center use=ex num="0,"]

ياحروف قومي وزلغطيلي مرتين = الحرف انتصر بالموهبة ع الفاتحين

عذرني ياشوشو وروح ودّي راجحين = الله أحد من دون نقطة فتاح عين

جربت مرة خلطت تبري باللجين = ومن جرّب مجرب غلِط ع الحالتين

البل شين حرفو ؟ شاب شعرو بردتين = تنقط متل شيطان إسمو أو سّكَين

وبين الحروف المصقلة بشعري وبين = ضعف المعاني لو إجوني شاعرين

قدموس وينو بهالظروف يطل وين = بالأبجدية يعود يهدي الأمتين

الحط الحرف ماحط فتحة وكسرتين = ولا حط ضمة للحروف وهمزتين

وهلق ميزانو الما رجح في كف عين = ثقل الجبال عليه صفّى الحمل دين

انخمّس وسدس بجبرو ع الميلتين = يركع لمجد الحرف لكن ركعتين

ركعةّ عبد خاطي عم يبوس الحروف = وركعة ليطلب مغفرة بين التنين [/poem]