26-12-07, 06:04 PM
سهرة رأس السنة
========
وقفة تأملية
---------
( راس السنة والناس سهرانين
والكووس فوق الروس مرفوعا )
كاسك ، يدقو الكاس فرحانين
وأصوات دق الكاس مسموعا
مدري ع كتر الفرح سكرانين
مدري من الخمرة الممنوعا
وتضحك الخمره ،ويضحكو الحلوين
ويتساءلو أيمت راح منوعا
**
راس السنة هلق علينا يطل
والكووس فوق الروس مرفوعا
كاسك ..!! سنة جديدة عليك تحل
دعوة وفا من الكل مسموعا
الليلة الفرح ملاّ قلوب الكل
ومن فرحتا سكرت الدلوعا
وصارت بعينيها عليك تدل
خليك شاطر قبل ما توعا
**
الايدين تلوي ، والخصور تميل
والشعر فوق الجيد مرجوحا
وعيون سودا بتحسبا قناديل
وخدود دورة قمر ملفوحا
بنيات تضحك تكرج تهاليل
وشباب معها تقول رندوحا
مدري غني ، مدري صلا وترتيل
مدري سوا ، وآهات مجروحا
**
طال السهر ، كاسات عم بتدور
وعيون متلا تدور فرحاني
من فرحتا راحت الكل تزور
ترقص معن وترندح غناني
يا عيون حلوي شع منها النور
ويا رووس هدّا الخمر سكراني
تركني أنا مع هالسني مسرور
تا يروح عام ويرجع التاني
**
خلص السهر ، قومو ياسكرانين
من حب صافي، وخمرة العشّاق
الكاسات بالايدين فرغانين
والرووس متلا ضيّعا الترياق
طل الصباح ونجمتو تخمين
ما تقول الكن هالصبح مشتاق
صرنا بسنة جديدة مع كوانين
قومو نسبّح ربنا الخلاّق
**
منفرح براس السنة بعام جديد
وما منفتكر انو العمر ماضي
مننطر يجي اللي كان عنّا بعيد
مننسى .. ورا هالتل فيه وادي
منعمل فرح وشموع وزغاريد
منشرب ت يحلى الفرح بزيادي
مننسى .. مانحسب من بعد هالعيد
شو عندنا غصّات منعادي
**
يا سنة راحت من عمر محدود
ويا سنة جايي بعدها جديدة
قديش عالجايي أمل معقود
وشو بذكر الراحت بتنهيدة
قديش بالراحت خسرت وعود
وشو محمّل الجايي مواعيدي
ناطر تجي ، وناطر عليّ تعود
وعمري ، أمانة ، حاملا بايدي
***
المهيري/ راس السنة /2008
جرجس وديع الموراني
========
وقفة تأملية
---------
( راس السنة والناس سهرانين
والكووس فوق الروس مرفوعا )
كاسك ، يدقو الكاس فرحانين
وأصوات دق الكاس مسموعا
مدري ع كتر الفرح سكرانين
مدري من الخمرة الممنوعا
وتضحك الخمره ،ويضحكو الحلوين
ويتساءلو أيمت راح منوعا
**
راس السنة هلق علينا يطل
والكووس فوق الروس مرفوعا
كاسك ..!! سنة جديدة عليك تحل
دعوة وفا من الكل مسموعا
الليلة الفرح ملاّ قلوب الكل
ومن فرحتا سكرت الدلوعا
وصارت بعينيها عليك تدل
خليك شاطر قبل ما توعا
**
الايدين تلوي ، والخصور تميل
والشعر فوق الجيد مرجوحا
وعيون سودا بتحسبا قناديل
وخدود دورة قمر ملفوحا
بنيات تضحك تكرج تهاليل
وشباب معها تقول رندوحا
مدري غني ، مدري صلا وترتيل
مدري سوا ، وآهات مجروحا
**
طال السهر ، كاسات عم بتدور
وعيون متلا تدور فرحاني
من فرحتا راحت الكل تزور
ترقص معن وترندح غناني
يا عيون حلوي شع منها النور
ويا رووس هدّا الخمر سكراني
تركني أنا مع هالسني مسرور
تا يروح عام ويرجع التاني
**
خلص السهر ، قومو ياسكرانين
من حب صافي، وخمرة العشّاق
الكاسات بالايدين فرغانين
والرووس متلا ضيّعا الترياق
طل الصباح ونجمتو تخمين
ما تقول الكن هالصبح مشتاق
صرنا بسنة جديدة مع كوانين
قومو نسبّح ربنا الخلاّق
**
منفرح براس السنة بعام جديد
وما منفتكر انو العمر ماضي
مننطر يجي اللي كان عنّا بعيد
مننسى .. ورا هالتل فيه وادي
منعمل فرح وشموع وزغاريد
منشرب ت يحلى الفرح بزيادي
مننسى .. مانحسب من بعد هالعيد
شو عندنا غصّات منعادي
**
يا سنة راحت من عمر محدود
ويا سنة جايي بعدها جديدة
قديش عالجايي أمل معقود
وشو بذكر الراحت بتنهيدة
قديش بالراحت خسرت وعود
وشو محمّل الجايي مواعيدي
ناطر تجي ، وناطر عليّ تعود
وعمري ، أمانة ، حاملا بايدي
***
المهيري/ راس السنة /2008
جرجس وديع الموراني