منتديات مشتاوي

فاتح, post: 36182 كتب:يا راجـح الكـــذبه .. الكذب ملح الرجال
بس الحلا بمشتى الحـلو ملح الجــــــمال
أطعم غصون الموهــــــبه سحر و خيال
و خلّي الأرض تشرب من وراقك ظلال
و علّم شــــــــــرود اللون يحكي بانفعال
عا شرط يتعلم قبل شـــــــــو العطر قال
من الصيف إلها ناطـــــــره مشتى الحلو
و حامله برمــــــــوش عينيها الســِّــلال

[poem=font="Arabic Transparent,7,#0000ff,bold,normal" bkcolor="" bkimage="" border="none,1," type=0 line=1 align=center use=sp num="0,"]
يا فاتح قْناني الوحي ت تكبّها = عْلى صدْر جنيّة زجل بتحبّها
شبحة خَيَالك تالغزاله تشبّها = لازم جرار العبقريّه تغبّها
وللضيعة الحملت سلال بعبّها = بعصر كرومي وبالسّلال بصبّها
ت يشرّ دمّي فوق جلجلة الزّهور = عربون من ربّ الغناني لْربها

راجح[/poem]

فاتح, post: 36184 كتب:إصلب أحاسيسك عَ جلجلة الخُزام *** حــــتّى الربيع يفيق ما يقـــــــدر ينام
لكــــــن إذا ما كان في عندك هَيام *** و صِحبة صِبح بين الغطيطه والغَمام
ما فيك تتألّه بتمــــــثال الرخـــــام *** و ما فيك تتجسّــــد بإزميل الكــــــلام
بدّك محبّه قد ما عـــندك وَحــــــي *** بتصـــــــير شاعر قد راجح عَ التمام

[poem=font="Arial,7,#0000ff,bold,normal" bkcolor="" bkimage="" border="none,1," type=0 line=1 align=center use=ex num="0,"]
الشاعر كرم عادرب..معزوفة كمان =بتعزف ربيع وصيف ع وتار البيان
وت يضل فاتح للمجد باب الزمان = المفروض يزرع بالمحبه العنفوان
وبجنينةالأشعار خفقات الحنان =من السنديان بتدلف على البيلسان
لكن تيبقى الزهر..ايدين الجمال =بتشمّّط الشوك العكعب السنديان


راجح
[/poem]

فاتح, post: 36186 كتب:[size=8color=#00008B]لو تحذف الضَمّه ..
ما بتقوّي السُكون
و لو تخنق الضجّه ...
ما بيعيش السُكون !!
لمّا الحلا بيمشّط
رموش العيون
و نور القمر بيكون عَ
العتمه حَنون
بشوف المحبّه
لابسه ريف الجفون
و العنفوان بيلبس
تياب الجنون ...

لمّا إجا نيرون
عا مشتى الحلو
فيها ما خلّى
لا كعاب و لاغصون [/color][/size]

[poem=font="Arial,7,#0000ff,bold,normal" bkcolor="" bkimage="" border="none,1," type=0 line=1 align=center use=sp num="0,"]
نول المحبّه ل بالديانه.. من العِقاب = سحّب خيوط الخوف تالبسنا تياب
وبشمعتو الكهنوت عميحرق شباب = تايفلتو من النار وينالو الثواب
وألله يافاتح فاتح كتاب الحساب = وقاعد عميسجّل أسامي بالكتاب
العندو محبّه زايده ع محبّتو = يهجم على ألله ويعمل انقلاب

راجح[/poem]

فاتح, post: 36188 كتب:

دخلك يا حامل سيف من خوف و قلق *** قاصـــــد تمص قــــلوبنا متل العــلق
كل ما الشــعاع بموكــب النور انطلق *** بتشوف وهج الحب عَ الأرض اندلق
و عا قد ما راجح الف بدعــــــه اختلق *** الله بعـمرو باب رحـــــــــمه ما غلق
و لمّا المحــــــــبّه عليه عملت إنقلاب *** إلاّ يســــــوع من المحبّه ما انخـــلق

[poem=font="Arial,7,#0000ff,bold,normal" bkcolor="" bkimage="" border="none,1," type=0 line=1 align=center use=ex num="0,"]

لمّا السّما بتطوّب جبال النّعيم = - بإسم المحبّه - للحقود وللّئيم
بيتمرّد المظلوم والطفل اليتيم= ويللي نطر خبز العداله من الرّحيم
والأنبيا بعهد الجديد وبالقديم = وبيشعّلو الثّوره بشريعه من هشيم
وحكم الشعب بيزيح الله من القلوب= وبيعود يعبد إيل كنعان العظيم



راجح[/poem]

تم حذف التراشق الكلامي ..في عدة محاورات حرصا على جمالية الشعر
[color=#0000FF]ريتن ما يبلوا يا كبيييير[/color]

***************************