[size="4"]بالفكر الثوري المعروف=وبسموّ جبال بلادي
شرف يا أنهل تنشوف=على ميدان القرادي
يا أنهل يا عالي الشان=يا مدوّخ نفحات العود
عرفتك يا خال الفرسان=خال المبدا وعم الجود
بجوقي في شادي الفنّان=وهلق شادي مش موجود
لو كنك قد الميدان=منحطّك مطرح شادي[/size]
بكل المودة والاحترام لحبيب قلبي الخال الشاعر أنهل الدبس
[size="6"]
بالفكر الثوري المعروف *** وبسْمُوّ جبال بلادي
جيتَـك .. وبإيدَيّي دْفـوف *** على ميدان القرادي
يا خالي الغالي الطـَّيّوب *** توقـَّى ... ولا تِلعَـبْ بالنار
ولا تحَمِّـلني فِـيك ذنوب *** ولا تْفـَكِّـر إنّي خِتيــــــــار
غالي وعا قلبي محبوب *** إنت وشادي بها المضمار
قائِـد كِنت وما رَح نُـوب *** عَـن شــادي لْ قـَدْ ولادي
بكل الحب
أنهل دبس
[/size]
[size="5"]يا أنهل منّك ممنون=شو عندك حب وإخلاص
قنديل عيوني مرهون=لدروبك بالوجه الخاص
لكن لما يجن جنون=الحرب وعبي الدنيا رصاص
بدعي للخلاق تكون=الليلة قاعد عحيادة[/size]
[size="6"]
بالفكر الثوري المعروف *** وبسْمُوّ جبال بلادي
جيتَـك .. وبإيدَيّي دْفـوف *** على ميدان القرادي
بـِبْعَـتْـلَك أحْلى النَّفـْحـات *** من أشواقي القلبيّـــة
وباقـَة مِـنْ أجمل وردات *** لْ أحلى شيخ شبوبيّة
لا جفتك جفتْ , وهَيهات *** طـَلقاتـَكْ .. خُـلـَّبيّــــة
ومش خايف منك بالذات *** وحَـقْ محمّد والفادي
[/size]
[size="5"]طلقاتي اللي ما بتشيخ=تسمّع شو إلها مفعول
بطلقة بحتل المريخ=وبركع أكبر اسطول
وبطلقة بخلي صورايخ=الأحلاف بحكم المجهول
وبطلقة بشطب تاريخ=جنود السلك الموسادي
[/size]
[size="6"]
بالفكر الثوري المعروف *** وبسْمُوّ جبال بلادي
جيتَـك .. وبإيدَيّي دْفـوف *** على ميدان القرادي
بْتِحْـرُق بتْـدَمِّر بتْصيب *** بْـوارِجْ ذات الصَّـــــــوَاري
المَرِّيخْ بطـَلْقة بتْجـيـب *** هَـيدا بْـلِعْــب الأتـــــــــاري
بَسْ الواقِـع يا بن ديب *** طلقاتَـك خَـــــــــرج دْواري
وأعى تفكِّر رَح بتجيب *** بْطـَلقة , حصان الطروادي
[/size]