[COLOR="Navy"][SIZE="6"]يا بو علي كنت بْزمانك ما تهاب *** تدخل عَ "مشتاوي" و مَ تحسبلو حساب
و اليوم في بابين عا قسم الزجل *** تا نشــــوف رح تدخل إنت من أي باب [/SIZE][/COLOR]
*****
[SIZE="3"]كنت بفعل ماضي وبحاضر بعدني=بطوي دني بالفلسفه وبخلق دني
وبدخل على مشتى الحلو من ألف باب=ومحبة الاحباب ما بتردني
***** *[/SIZE]
[COLOR="Navy"][SIZE="6"]
كـــنت غيمه تمرق عْلا المنتدى *** و بقيت غيمه تفوت مَ يْردّك حدا
و اليوم ساعة مَ دخلت يا بوعلي *** عصام عا باب الزهر ردّك ندى
[/SIZE][/COLOR]
*****
[SIZE="3"]فصـّل عا ذوقك متل ما بدّك ثياب=بغيم وندي عم تستقي أزهارنا
حتى إذا حبـّيت أكتب عالبواب=لا تمرقو من هون يا زوارنا
***** [/SIZE]
[COLOR="Navy"][SIZE="6"]
هالمنتدى عا طلـّتك ضوّا البيوت *** و صار يعزف شي كمان و شي فلوت
يومين صـــــــرلو فاتح بوابو إلك *** لكن الظاهر إنـــــــــت ما بدّك تفوت
[/SIZE][/COLOR]
*****
[SIZE="4"]لو شفت مره بوعلي بابك طرق=شدّ العزيمه وحضـّر خوابي العرق
وأعصر الغيمه وقطـّر دموع الندي=وخلـّي الزجل يزرب من جبينك عرق
***** [/SIZE]
[COLOR="Navy"][SIZE="6"]
هالغيم نحّــــات و عيونو مشتـّتي *** عم ينحت جبيني بـِ إزميل الشـتي
حتّى الزجل يدلف على مشتى الحلو *** يسقي الضيوف الطالعه و الفايتي
[/SIZE][/COLOR]
[SIZE="4"]*****
تسلم الغيمه وكل زهره وكل عين=ودمعة عصام الفجرت بالشعر عين
وياريت تبقى عالجنوب تزورنا=تا نرجـّح الميزان عين قبال عين
***** [/SIZE]
[COLOR="Navy"][SIZE="6"]
يا بو علي يا شـــــــــاعر جنوبي *** يا قصايدك !!.. يا سيوف مسحوبي
لمّا بْـتــلمع عا ســــــــــَما هُليود *** بتعكـــــــس وهج فكرك عَ نيروبي
بتطل من خلف العيـــــون السود *** و بتصير تضـــوي العتم عَ دروبي
بتفيض موهبتك عبيــــــر ورود *** متل نهـــــــــــــر النيل عَ "النوبي"
و ما زالها المشتى سما بْلا حدود *** و جبالها للريــــــــــــــح مخطوبي
مع صـــــــيفها لمّا بيجي العنقود *** بيصــــــــــير فيها خمور مسكوبي
و مع ليلها بيســــــهر وتر مشدود*** بيغيب فيها لحـــــــــــن و عْذوبي
و مع صـبحها فتّح زهر و خدود *** بيطل منها وج محــــــــــــــــبوبي
و ما زال فيك المنتــــدى موعود *** بـْســـــــــــهره متل عينيك طيّوبي
حتّى إذا وج الصــــــــــبح بتعود *** بيضل قلبي ناطــــــرك .. سهران
و تارك قداح الخــــــــــــــمر مطبوبي
[/SIZE][/COLOR]
*****
[SIZE="4"]يا شعر يا نغمه يا غنيه=يا آخ يا نهده يا حنيه
يا سنين عمري يا خليل الروح=يا رفيق دربي ونور عينيي
لو ما خلقت فيي صدا مبحوح=والله المواهب انعم عليي
تا كنت في دنيا الهجر مشلوح=متل اليتيم بأرض غربيي
ويا عصام مهما الفكار تسوح=بجناين الكون الخياليه
ما في شذا وما في عطر بيفوح=الا من الجنه الحقيقيه
وصوبك اذا حبيت مره روح=نعمل سوا بالشعر سهريه
عندي يقين بابك الي مفتوح=ودارك لملقى الضيف مضويي
وعا جنوبنا الغالي الملان جروح=مره اذا حبيت يا خيي
تحضر تا اعمل من ضلوعي صروح=عا شرط انت تأمن العرقات
=وجيبن معك لبوعلي هديي
**[/SIZE]***