17-06-09, 02:19 AM
عاكتف وادي الغار تربعت بالعز ضيعتنا وكروم مزينة بالريحان ومن احلى ثمار طعمتنا
حقولنا تعتير وشقا بس بتضل حلوة عيشتنا ربتنا عاالطيب واحترام الجار نحنا الوفا مهنتنا
بساتين الخير فيها متلها ماصار ربي ديم نعمتنا انجير المنضام وضيفنا رغم الضيق ايقاسمنا فرشتنا
ولافرق بين حنا وحسين نتقاسم الخبزة عازوادتنا وبالبساتين شراكة كبار وصغار هادي هي فرحتنا
ولاتساليني شو اللي جرى وصار باخر لحظة عاعتبتنا كلمتين متل النقش عاحجار بعدها ما نشفت دمعتنا
يا هيه يابنت حاجي بكي انتي وانا بعدنا والغربة علتنا اه يازمن لو بيدي رجع اللي راح وبالهم موتنا
ما يشبهك ياصغيري الا وردة الجورة بجنينتنا وشعرك اللي مجعد اخد من لون خرنوبتنا
ويعجز عن وصفك ابلغ الشعار بكل ديرتنا وحسن يوسفي والله لبكت الخلق وفيه لبكتنا
غنج وعفة تلهي الصايم عن الافطار غيبتها بهدلتنا يادهر مالك امان فرقت بينا والهنا حرمتنا
عايش انا اي بس على بقايا وذكرى طفولتنا وببالي لما كنا صغار حكايا تحت فيي لوزتنا
الدنيا ربيع والارض خضرة وكنا نحتمي من امها لو شافتنا وقتها رح تمنعها تعتب الدار وكيف بدنا انكمل حكايتنا
قلها ياحلوتي رح كللك بعقد من غار وحياة زهور تلتنا ويدبلو عيونها من الخجل وتقول نحنا صغار بهدلتنا
وقلي صحيح الحب خبز الروح هيك عم تقول جارتنا وحبك الي انا كيف فيك تعبر عنو بكلمة من كلمات لهجتنا
وتلبكت وعيوني بعيونها ولاساعة كانو الكلمات خانتنا حنين وشوق بصدري بس تخرسن الحكي حد نبعتنا
ورحت من الخجل التهي بقطف زهور رمانتنا وادعي ياربي تجي امها اوحدا عالنبع او جارتنا
انا بحبك يابنت ماني ردي بس الايام عذبتنا ولاتقولي بالقلب غيرك هدي امي البارح قالت فلانة كنتنا
تغربنا وماكان بالحسبان انطول بغربتنا ماجنينا غير الهم والحرمان وعن اغلى الخلق بعدتنا
بالصدفة خبر من صديق قلي بتعرف انو فلانة جارتنا وغصيت وتنهدت وقال انت وهي ضحية لعنة ايام هلكتنا
يالله يامدبر الاوطان ترجح بالخير كفتنا ونرجع متل ماكنا وكان يصدح البلبل بالوادي عا حورتنا
ونعود لك يا اغلى البلدان نمرح عا حفاف ضيعتنا لانو لو ملكونا قصور وضيع ما انبدلك انتي واللي بالهوى جارتنا
حقولنا تعتير وشقا بس بتضل حلوة عيشتنا ربتنا عاالطيب واحترام الجار نحنا الوفا مهنتنا
بساتين الخير فيها متلها ماصار ربي ديم نعمتنا انجير المنضام وضيفنا رغم الضيق ايقاسمنا فرشتنا
ولافرق بين حنا وحسين نتقاسم الخبزة عازوادتنا وبالبساتين شراكة كبار وصغار هادي هي فرحتنا
ولاتساليني شو اللي جرى وصار باخر لحظة عاعتبتنا كلمتين متل النقش عاحجار بعدها ما نشفت دمعتنا
يا هيه يابنت حاجي بكي انتي وانا بعدنا والغربة علتنا اه يازمن لو بيدي رجع اللي راح وبالهم موتنا
ما يشبهك ياصغيري الا وردة الجورة بجنينتنا وشعرك اللي مجعد اخد من لون خرنوبتنا
ويعجز عن وصفك ابلغ الشعار بكل ديرتنا وحسن يوسفي والله لبكت الخلق وفيه لبكتنا
غنج وعفة تلهي الصايم عن الافطار غيبتها بهدلتنا يادهر مالك امان فرقت بينا والهنا حرمتنا
عايش انا اي بس على بقايا وذكرى طفولتنا وببالي لما كنا صغار حكايا تحت فيي لوزتنا
الدنيا ربيع والارض خضرة وكنا نحتمي من امها لو شافتنا وقتها رح تمنعها تعتب الدار وكيف بدنا انكمل حكايتنا
قلها ياحلوتي رح كللك بعقد من غار وحياة زهور تلتنا ويدبلو عيونها من الخجل وتقول نحنا صغار بهدلتنا
وقلي صحيح الحب خبز الروح هيك عم تقول جارتنا وحبك الي انا كيف فيك تعبر عنو بكلمة من كلمات لهجتنا
وتلبكت وعيوني بعيونها ولاساعة كانو الكلمات خانتنا حنين وشوق بصدري بس تخرسن الحكي حد نبعتنا
ورحت من الخجل التهي بقطف زهور رمانتنا وادعي ياربي تجي امها اوحدا عالنبع او جارتنا
انا بحبك يابنت ماني ردي بس الايام عذبتنا ولاتقولي بالقلب غيرك هدي امي البارح قالت فلانة كنتنا
تغربنا وماكان بالحسبان انطول بغربتنا ماجنينا غير الهم والحرمان وعن اغلى الخلق بعدتنا
بالصدفة خبر من صديق قلي بتعرف انو فلانة جارتنا وغصيت وتنهدت وقال انت وهي ضحية لعنة ايام هلكتنا
يالله يامدبر الاوطان ترجح بالخير كفتنا ونرجع متل ماكنا وكان يصدح البلبل بالوادي عا حورتنا
ونعود لك يا اغلى البلدان نمرح عا حفاف ضيعتنا لانو لو ملكونا قصور وضيع ما انبدلك انتي واللي بالهوى جارتنا