شو الحق ؟؟
قال الحق ما بيموت ..
!!!!!
إي .. الظلم ما بيموت
و الخوف ما بيموت و الكذب
ما بيمـــــــــــــوت ....
و كلّهن إلهن أهل و بيوت
.............


لو يعطش بيشرب
عصير الخوت
ولو جاع خبزو ســـــكوت
مرّه انرســـــــم عا تاج
مرّه بحجر منحـوت
.....
بيشلح الإنسان
بيلبس وراق التوت
و بينشـــــرى
بكاس و سهر و تْخوت
....
إي ..حاج تتفلسف
يَ شاعر حاج .....
سِكّر الباب
و فـــــــــــــوت

[COLOR="Navy"][SIZE="6"]لمّا الجِرِح
بيصير تِمْ و خَدْ
و دقّات قلبو بْتـِنْرَسمْ
عـَ القَدْ ..
بتعلـّمو حلوي .. الحَكي
بالنــــــار
و بيصـــــــير
يِقْرا خْيالها وِ يْعِدْ !!

لا تســـألو ...
عـَ ولاد كانوا صغار
عم يلعبوا بين الزهر و النَدْ
و لا تسالو عـَ ترابنا الختيار..
بْعكّازتو نهر العمر
بيشِــــدْ

و لا تسألو عـَ الوقت ..
شو ما صار ؟!
و كيف الفضا
عـَ وجوهنا بينهد ؟
...
يمكن لأنّو
ساعتو فخّـــــــار
و سَمْ العقارب
فيه طعمو .. حَدْ !!!

تنهّــــــد ...
و قلـّي من الدني لا تغار
و صار يضحك
بين مزح و جَد
......
لمّا الربيع
بْيورَتو السِمْسار ..
دقّات قلبو بْساعة الإيام
بتصـــــير
عـ َ حْجار الوقت تِسْوَدْ !![/SIZE][/COLOR]

آه .. يَ سليمان بَرْحِليون
يا قصر
بِليالي السَهر
مَسْكون
مِنْ "سين" إسْمَك
سِكرت وراقي
وقت اللي شِربت
كلْ حَرْف " النون"
ومتل أرزي ..
خْضَرّت وراقي
و صارت رموشي للوراق
غْصون
.....
من كتر مانك شاعر ..
و راقي
جايي تَ إشرب كاس
بعيونك..
و إسهر
أنا ويّاك
عـَ البَلْكون