ما تقولوا عقال تركوني بجنوني ---- بدي إحكي قصة خلق مسكوني

خلقت الكون و عمرتوا من حجار---- و روحي القدس شعشع بكوني

خلقت الليل و بعد منوا نهار ---- فصلت المي و قلت بحر كُوني

خلقت الشمس وخلقت معها قمار ----خلقت كواكب تدور ع قانوني

بعدها الأرض فرشتها بأزهار ---- خلقت الطيور و أمنت لها موني

و لونت العالم بالألوان لكتار---- بعد ما كان رمادي لا لوني

و باليوم السابع و بعد هالمشوار ---- أخدت راحة وملايكي يحمدوني

قلت يلا بعدي كلشي صار ---- لازم إخلق بشر ت يعبدوني

و صاروا مؤمنين وشي كفار---- فبعتلهم النبي موسى الفرعوني

و بعدوا عيسى و محمد الأطهار----و معهم توراتي إنجيلي و قرؤوني
************************

و أنا عم بتطلع عخلقي بإفتخار----لمحتك عالأرض بطرفة عيوني

سألت جبراييل مين هالجلنار---- لأول مرة بشوفها هوني

قلي يا ربي بجمالها محتار ---- يمكن ملاك بالأرض مسجوني

بس إلهي إنت القوي الجبار---- ما فيك تعشق ببشر دوني

قلتله خلص أنا قررت إختار ---- التنازل عن الإلوهيي و الخلود

كرمال كون حدك و حدي تكوني