يوم السبت يا مجَمَّع الأحباب *** خوري ومتري .. الحب يجمَعنا
القلب انفتح , وزالت الأبواب *** ومافي ستائر عن بعض تِفصلنا
مبروك يابنتي من حاضر ومن غاب *** ونحنا بطيب حماتك طمِعنا
بين الأهل لا في زعل وعتاب *** وأحلى الجُمَل من عمّـك سمعنا
يعم الفرح لَ شباب مع شيّاب *** وأحلى المزايا عن صهرنا عرفنا
عيلة عريسك ملفحة بآداب *** وطيب وكَرم مع جود تِشبعنا
رح نوب يابنتي عن الغيّاب *** وكان الأمل يكونوا بسَهرتنا
لكن أسافِة البنات وشباب *** تبقي وأسامة صدر عتبتنا
************************************
جميل متري
أبو هيثم