[SIZE="6"][COLOR="darkred"]الشّعِرْ .. شو الشّعِرْ ؟ أوزان وْقَوافي --- وْمَعاني مْعبّرة وْإلهامْ كافي
وْقَصايِدْ تِبْهَر عْيون الخَليقة ----- بِما تحمِلْ أحاسيس وْلطافِه
الشّعِرْ أسلوبْ،مِنْهاج وْطَريقة ------ وْسُلوك مْنَغْنَش بْحُبّ وْظَرافِه
وْكلام بْينعش قلوب الخليقة ------ رَغِمْ آلام ، حِرْمان وْتَجافي
الشّعِرْ قانون بِبْحَثْ عَنْ حقيقة --- جَليّة ؛ مِنْ دَفِقْ ينبوعْ صافي
وْمَريض مْعَلّل وْواقِعْ بِضيقَة ---- وْلَعِلاّتو تَمنّى عْلاجْ شافي
الشّعِرْ إحساسْ وِعْواطِفْ رقيقة --- إبِنْ زَيْدونْ،عنتَرْ، وِالرّصافي
صاغوها عَلى نَهْجِ السّليقَة ----- وْعَنْهُمْ كَتبَت قْلام الصّحافِه
الشّعِرْ عصفورْ شادي بِالحَديقة --- بِنَغماتُو سَحَرْ عنقودْ غافي
وْكُلما تْرِفّ جِنحانُو الطليقة ----- نََقلْ عِطر الجَنايِنْ عالْفَيافي
الشّعِرْ نَسْمِة؛الشّعِرْ نَغمِة موسيقَى -- عَزَفها الْمَوْجْ عَ صْخور الْمَرافي
وْمَراكِبْ تُمْخُر اللجّة الْغميقة ---- وْلَحورِيّاتْها فَتْحَتْ مَضافِه
الشّعِرْ عُشّاقْ:مَعشوق وْعَشيقَة --- بِقصّة حُبّ ذابوا بْقَلِبْ دافي
عَلى دْروبِ الْهَوى بْيِمْضوا الْوَثيقة -- بْحَكي مَعْسُولْ أحْلى مْنِ الِكْنافِه
الشّعِرْ إلْهامْ أفكارو دَقيقة ---- صَداها عَقّل جْنون السّوافي
وْحَسَبْ عَدّ الثّواني بِالدّقيقة --- وْكُلْما تكّت الساعاتْ تَكّة
وَحي الإلْهامْ بِيْجَدّدْ ثقافِه[/COLOR][/SIZE]