قلّو الخصام وما حدى منّي نجي .....................والكلّ هربو من شفيق الحربجي
واليوم شرّعت البواب وجيت قول...........((البيحبّ روحو تروح عالمشتى يجي)))

ما زال يا بن شريم صار الدّور ليك........اطلق عنان الشعر واشبك ساعديك
بخاف لولا فتحت باب الموهبي.................منّو لحالو نقشعو سكّر عليك

ما قدرت فوت البيت عا دق الصنوج...........سجن المواهب ما سمحلي بالولوج
ما زالها هالموهبي عا سجنها.................منعت دخولي ومنعت عليك الخروج

بدك نبي ما انسبّ ؟؟(تكرم يا صبي)........ما عرفتني للشعر أكبر مكتبي
داوود وسليمان أعلى مرتبي......................ونوح,,ادم.والخليل اليعربي
جبت لك هالأنبيا الما تسبسبوا.............جبلي غبي ما قال عن حالو نبي

بيجوز كنّا نصدّقك عن اعتقاد.........إنّك المهدي وجيت عا صهوة جواد
لاكن المهدي خاتم شعوب البلاد.........وأنت يا بن شريم في عندك ولاد
وما ضلّ إلّا تصير رب العالمين..........وتحطّ حالك ربّ عا رب العباد

مو كلّ خالق صار خالقنا الرّؤوف.............ولا كلّ من بيشوف غيهبنا بيشوف
وما زال إنّك خالق معاني الحروف.........والشعر مخلوقك على نحاس الدّفوف
موضوعنا فاعل ومفعول ومعي.....................برهن لهالعالم انكنّك فيلسوف