فاتح كتب:

يامقنّــــــــــــــع إذا بتكـــــون ذرّه *** و ما عندك من الإبــــــــــداع ذرّه
أنا بالفيــــــزيا بكشــــــف صفاتك *** بعــــــــــرف كـــــل ذرّه مستقرّه

لا في بروتون موجب في نــــواتك *** و لا الكتــــــرون سالب دار برّه
قناعـــــــــــك ثقب أسود في حياتك *** و فاتــــــــــح ثقب أسود بالمجرّه

إذا بتجمع من الناقـــــــــص شَتاتك *** ما بتوصــــــل على نْهايات حُرّه
إنت مجدك توابع مــــــــــــن فُتاتك *** أنـــــــــا مجـــدي توابع مستمرّه

قــــــــــــــدّم يا مقنــــــــــــّع بيّناتك *** لأنّو علقة الشـــــــــــــــعّار مُرّه
استحضر عالمنابــــــــــــــر آلهاتك *** لأنّي كل مرّه بشــــــــيل روحك
إذا بترجع مقـــــــــــــــنّع ألف مرّه

هادي كتب:

رائع يا فاتح رائع ............... بس وين صرنا بال ( ر ف ك ) ؟؟؟؟؟؟؟؟

يالله يا مقنع سمعّنا

فاتح كتب:

يامقنّــــــــــــــع إذا بتكـــــون ذرّه *** و ما عندك من الإبــــــــــداع ذرّه
أنا بالفيــــــزيا بكشــــــف صفاتك *** بعــــــــــرف كـــــل ذرّه مستقرّه

لا في بروتون موجب في نــــواتك *** و لا الكتــــــرون سالب دار برّه
قناعـــــــــــك ثقب أسود في حياتك *** و فاتــــــــــح ثقب أسود بالمجرّه

إذا بتجمع من الناقـــــــــص شَتاتك *** ما بتوصــــــل على نْهايات حُرّه
إنت مجدك توابع مــــــــــــن فُتاتك *** أنـــــــــا مجـــدي توابع مستمرّه

إذا قناعـــــــــــــــك مْبرّي سَيّئاتك *** أنا فاتـــــــــــــح مَبرّي مْن المَبرّه
إذا قناعـــــــــك مْعرّي من سِماتك *** أنا فاتــــــــــــح مَعرّي مْن المَعرّه

أنا جرّة خمر مـــــــــــن دهر فاتك *** إنت بيجوز تطلــــــــــع إدن جرّه
أنا جرّة قلم أعلــــــــــــــــن وفاتك *** يا ريتك بالقلم لو كــــــــــنت جرّه

المجد بالشعر ما نو مــــــن رُواتك *** إذا كنـــــــــت النقش بيكون طرّه
الإبا خاصــــــم عَطاك و مَكرُماتك *** متل ما تخاصــــموا تغلب و مرّه

قــــــــــــــدّم يا مقنــــــــــــّع بيّناتك *** لأنّو علقة الشـــــــــــــــعّار مُرّه
استحضر عالمنابــــــــــــــر آلهاتك *** لأنّي كل مرّه بشــــــــيل روحك
إذا بترجع مقـــــــــــــــنّع ألف مرّه

مرهج كتب:

يامقنع اذا بتكون عله .. وحرف مجرور جارر حرف عله
أنا بالطب رح أكشف قناعك .. تشوف الخوف شو تحتو مخلي

لافي ماده بيضا بنخاعك .. ولا سمرا بتفكيرك تعلي
وصرت شارد مضيع في ضياعك .. وأنا شارد بألله وعمبصلي

اشتريتك بس تاأفحص ضلاعك .. لكن عالفحص بين يادللي
مافي دم بعروقك ,الباعك .. عرف أنك منقب متل سله

فحصتك حيث حيرني ارتفاعك .. طلعت بالطول سبله بدون غله
وشفت ركابك بمطرح كواعك .. ومخك من خيوط الصوف شله

اذا بتدق عاراسك يراعك .. تتكتب شعر وتعبي المجله
الأطرش يمكن بيكره سماعك .. عمتغني ترللي وتاراللي

فايش عالسطح بالفهم قاعك .. وخيالك جو مابدو مظلي
واذا بمرق بناري عامشاعك .. مابترك فيك الا غبارأسود
وجرد محروق من حله لحله

مرهج

فاتح كتب:

يا مقنّع ...

يا الكتـــــــــرون تايه بالطبيعه *** ما بعـــــــرف إنت من أيّا طبيعه
و لابأيّا زمــــــــن وبأيْ ديري *** لأنّو بتغــــــــزل بحركي سريعه

إثبــــت في مسارك أو مسيري *** و لا تعمــــل بينك و بيني قطيعه
إذا من تحتك سْحبت الحصيري *** هوني بدّها تــــــــــكون الفجيعه

التسارع شدّك برحـلي خطيري *** رحلي في فضــا عيوني الوسيعه
انعدم وزنــــك بنقطه مستديري *** وقت مرّيـــــــت جوات الوشيعه

ما في ذرّه إلك بتجيــــب سيري *** تَ تِتْحرر من قـــــــيود الخنيعه
الطاقه فيك بالمــــوت السريري *** و قـــدر ما تغزل و تفتل و تبرم
ما فيك تفــــوت عالداره المنيعه

فاتح كتب:

يا مقنّع قناعــــــــــك ما قنعني *** و لابهالمنــــــــــتدى عنّك منعني
فاتح ما طلــــــع معني بجوابك *** و لا مقنّع فخـــــــــر للدين معني

إذا فاتـــــــح مَخابر عا حسابك *** عا ذوقك ميــن نقّصني و جمعني
إذا بتبقى عمر حضـــرة جنابك *** ما رح تعـــرف لشو الله صنعني

و حتّى ارحم و خفــــف عذابك *** و حتّى قهر ما تفقـــــــع اسمعني
رح بقلّك الاهك ليــــــش سابك *** و عملني شاعــــر كبير و رفعني

لمّا الشر نبّـــــــــــت في ترابك *** كان الخير عا تــــــرابو زرعني
لمّا الذل سيطـــــــر عا خطابك *** كان المجد بكتابــــــــــــو طبعني

و لمّا الروح طهقـــت من تيابك *** بحر الشاعــــــــــريه ما وسعني
و لمّا العمر ختـــــير في شبابك *** العطر للورد صبحيــّه اخترعني

إذا بتحفر ترابـــــــــي ما بْهابك *** أنا فرعون سيفــــــــك ما قطعني
عا تاريخي ما فيـــــك تدق بابك *** و لا حظـّك بتعـــــــتيرو قطعني

ما في داعي تا إدعي عا خرابك *** و لا بدّي اطعنك بالضهر طعني
بدّك عا الوقت تفـــــــقد صوابك *** و لعنـــــة توت عنخ آمون تنزل
و ما رح بتحــل عنّك هيك لعني

فاتح كتب:

يا مقنّع لَ شـــــو طاحش طحيشي *** هجمت متل العفــن عالشنكليشي
لا متل الهوندا دفعــــــــك رباعي *** ولاسحبك متل سحب المتسوبيشي

إذا بســــــــــجّل لوهله إنطباعي *** البشــر بتفكّرك تاجــــر حشيشي
لــكــن لازم ظروفـــــــك نراعي *** و نعرف إنــت مانك عالحشيشي

مرهج مصنـــع الطاقه الصناعي *** جــرش مخّك بمطحنـتو جريشي
إذا مرّه قصــــــــد بالواط ساعي *** سحــب روحك متل نربيج شيشي

و ساجي اللي طباعو من طباعي *** قطعلـــك عا دروب الموت فيشي
إذا بتمزح معـــــــو بسم الأفاعي *** بكبّش قرعتـك متـــــــل القريشي

و على طوروس لا تطلـع بداعي *** تقطــــف كـــــــل حبّه بالعريشي
يا هندي أحمر نْهيتـــو بصراعي *** و لا فيــــك تطير يا مقنّع و تعلى
إذا نبّت براســــــــك ألف ريشي