بِستنجي بْأرض بعيدي *** عا حُـبّك شاخ
كل ما بيــزرع تنهيدي *** بيقطفلك .. آخ

يا ريت بتــــــرجع فينا *** تــكّي و تــكّي
لمّا غصـــــون تركتينا *** عليـــكي نْتكّي
غصن يضحّك ماضينا *** غصـــن يبكّي
داخوا شـــفاف خوابينا *** و تمّك ما داخ

من يــــــوم لْ ببّو كنتي *** و عمرك يومين
زحــتي لْ ببّو و سْكنتي *** جـــــوّات العين
و بعدك كل ما سوسنتي *** هاك الصــبحين
نْشكلّك زهــــــر و إنتي *** تشكّيــــنا سياخ

الورده اللي انهَديت لَيها *** و هفّـت بجنون
لو ضاعـــت في عينيها *** وين بدها تكون
حتّى تستــــــهدي عليها *** ورقـــة كربون
مرّقـــــــــــها عا خدّيها *** طبّــع و انساخ

لا تقولي صرلو زمان *** تزكّــــــــرتو أمس
بعدو الغايـــــب ولهان *** و عم يهمس همس
و ما زالو جبينـِـك بان *** عْلا مجــدل شمس
ناخ الدهــــر و جولان *** بـــــــلادي ما ناخ

عْزمتو تا صاروا يزيعوا *** بالحــــي خبار
كيف نسيــــــــت بتطليعو *** الطبخه عالنار
تاري ان زاد بْتـــــــوليعو *** و تقّل لِ عيار
بدّو يحـــــــــرق صابيعو *** و قلبو الطبّاخ

كانت عالكاس تجرّ ___ شفاف و ينباس

الكاس, و تنهيدة تصرّ ___ الآخ بإحساس

و لما شفـّـتنا تمرّ ___ على شفاف الكاس

منصير منعرف سرّ ___ الطعمة بالآخ