موضوع: عا مفرق الإيام عن إرسم قدر - نسخة قابلة للطباعة +- منتديات مشتاوي (https://forum.mshtawy.net) +-- المنتدى: المنتدى الثقافي و الأدبي (https://forum.mshtawy.net/forum-23.html) +--- المنتدى: قسم الزجل (https://forum.mshtawy.net/forum-28.html) +--- الموضوع: موضوع: عا مفرق الإيام عن إرسم قدر (/thread-6507.html)

RE: موضوع: عا مفرق الإيام عن إرسم قدر - slayman - 03-09-07 ..يا مزينة بشعراتك النسمة ....بالريح ووراق الشجر ....باعت إلك أحلام عامفرق قمر تزرعلك الإيام أحلام وسهر بسمة عا وج الشمس مرتسمي وبوسة غلط عن تنده بإسمي أوعى ما إقدر نام عن يدلف قمر عتمة سنيني حرام ومخدةحجر أدنق ببوسي وإعرق ببسمة ويضل عاشفاف السما إسمي باعت إلك أجمل حكي بأجمل صور لاتضحكي عا مفرق الإيام عن إرسم قدر ------------------------------ بشوفك عا راس الشك منبطحة ومشنكي بالجو بين العتم و الضو صرتي شبح وخيال عا عواطفي بيحتال بشرب تا إنسى سكرتك..؟بطحة بوعى بعد ما فيق دمعات عيني نازلي شلال ببكي ماعندي دموع خلف الأمل ..؟مقطوع منشف بتمي الريق بنده عليكي ما بلاقيكي ببرم دني فيكي وبشوف حالي مطرح اللي كنت أحلام مكسورة وأوهام مجنوني ومغبشي الصورة عن تدلف عيوني كذبت حالي نسيت إنك بنت ---------------- مابتعرفي تعيشي بالحب درويشي حلمك سميك وواقعك تمساح غلي بقلبي ونتفي ريشي قبل البكي ما في حدا بيرتاح تايدوق طعم النوم كيف البشر بتنام عامخدة الأحلام بيمرق الشهر بيوم ------------ عيشي حياتك بالهوى جني وعني سألي من قبل ماتحكي أبغض حلال تطلقي الضحكي وأقرب طريق الحب للجني --------------------- ويرقص بلاط البيت عا تزيزقة مفتاح بالآخ والل ياريت متل السمن والزيت عاالنار بنصفي وتتشوشط...؟الشفي تا يصير عندا قبول تطبع وراق البول وتتثاقل....؟بخفي وتشلحك مريول وتهد بالحفي ويغفا الورد بجنينة المجهول وتشرشر الحمرة عاخدودك الحمرا وعاشفاف بتدفي ومافي حدا مسؤول بجنينة التفاح في وقتها عن جد إنت وأنا بنرتاح وبين السبت والحد فلشت الجمعة واشاح سهرة خمر وقداح ------------ ومفلفشي العتمي على سرير السهر تفرك بعينيها النعس يمكن حرامي دعس عاديال تخت من الإبر ونجن بالرعشي وضو القمرمحتار بيدخل من الشباك بيطلع من الفرشي صاير عاشكل ملاك ويغزل خيوط النار ويشبع الصدر الحلو أجمل صور ويدلق غفا تايدوخ الزنار وتسكر قميص النوم قدامو ويكر بالخيطان ويبوس الحيطان ضو القمر حرار ضوالقمر شيطان بيشلح عا ليلك عتمة حرامو وتجن فينا الدار عراوي لتقو بزرار إنت وأنا عافراش ما بيشكي الضجر موضوع: عا مفرق الإيام عن إرسم قدر[/color][/size][/color] RE: موضوع: عا مفرق الإيام عن إرسم قدر - semas - 03-09-07 ملكوت الشعر شعّار عم تسكب عطرها بيوت===وكلمات لولوزمرد وياقوت لازم نغير اسم هالقسم الزجل=== تايصير اسمو للشعر ملكوت الى كل شعراء المنتدى يعطيكن الف عافية الحقيقة انو الواحد اذا دخل على هالقسم ماالو قلب يطلع وياريت الادارة تغير اسم قسم الزجل وتعملو( ملكوت الشعر ) RE: موضوع: عا مفرق الإيام عن إرسم قدر - TIGER_A - 03-09-07 لك انشالله بتسلم الأيادي يلي كتبتا كلك زووء أخي سليمان وشكرا كتير كتير فعلا حلوة