عطر الوقت.... - نسخة قابلة للطباعة +- منتديات مشتاوي (https://forum.mshtawy.net) +-- المنتدى: المنتدى الثقافي و الأدبي (https://forum.mshtawy.net/forum-23.html) +--- المنتدى: قسم الزجل (https://forum.mshtawy.net/forum-28.html) +--- الموضوع: عطر الوقت.... (/thread-6741.html)

RE: عطر الوقت.... - عمر بن أبي ربيعة - 26-11-07 عطر الوقتْ....! ما بين سجادة صلا عـ َجبينها و نبضْ العروق..... بينزاح محراب العشق حرفين بدفتر طفل غفيان ... من قبل الدني ما تفوق.... و شفافها عطر الوقت ضايع ما بين سطور تمحي... و تمحي جوعة الكلمات اللي دبـّلوا من رهجة الضـّمات و ترد شمس العمر بـْ إيدها.... لشروق..... طالع عـَ بالي إرسمك بالضــّو و خايف تإنسى لون حبــّاتو...! بريشة كنار تعتـّقت بالنور و قوس القزح ساكن بـِ ريشاتو و عم تسأليني ..! كيف شكل بكون..؟ و قلـّك : متل غمر القمح بوهج الشمس محروق....! و طالع عـّ بالي رش عــَ جفونك غفا تتنام .. و يبقى القمر بردايتك و الليل يبقى حرام و تلف خصرك غابة الزيتون و أنطر أنا موسم.... متل مجنون نتـّف زهر رمان و اسرق زهر ليمون.. و ضمـّك متل ما ضمّ خيط الصـّبح قدّك الممشوق..... و جايي عـّ بالي نسرق جنينة حلم إنتِ و أنا و نضيع ليليي و بتسأليني: وين بدنا ننروح عتمة الدّني و بيوت منسيـّة و حطّك ما بين جوانحي و نطير... و إبقى أنا العاشق و تبقى إنتْ معشوق.... الدكتور محمود إسماعيل خليل