+- منتديات مشتاوي (https://forum.mshtawy.net)
+-- المنتدى: المنتدى الثقافي و الأدبي (https://forum.mshtawy.net/forum-23.html)
+--- المنتدى: قسم الزجل (https://forum.mshtawy.net/forum-28.html)
+---- المنتدى: قسم الأشعار الزجلية المميزة (https://forum.mshtawy.net/forum-29.html)
+---- الموضوع: قصيده ..عمرها 18سنه (/thread-6893.html)
RE: قصيده ..عمرها 18سنه - عصام يوسف - 11-01-08
من شي سني..
ما تحرّكو شفافي
بهمسه..
بكلمة حب شفّافي
معقول قلبي ينطفي ..؟؟
غلطان ..
بعدو رماد العاطفه
دافي
بس البحر
فجّر ألف بركان
و كسّر عا صخر الهم
مقدافي
لا تفزع من الريح
و الطوفان
مركب نبوغك
عا السما طافي
لا تترك حروفك
إنت إنسان
بتخلق من الكلمه
خمر صافي
و اللي ارتوى
من خمرة الوجدان
بيصحا بجرحو البلسم
الشافي
حروفك ازرعها
عاطفي و تحنان
بتطلع
قصايد مجد و قوافي
و حك بنبوغك
خاتم سليمان
لا تتركو
بكهف العدم غافي
ما زال فيّ ثورة الفنّان
و إطّلع من بعيد
مش كافي
لا زم عليهم إعلن العصيان
و إنهي بشر
سمّو الكذب تاريخ
و عمّرو من جديد
عا كتافي