منتديات مشتاوي
نسيم النبع - نسخة قابلة للطباعة

+- منتديات مشتاوي (https://forum.mshtawy.net)
+-- المنتدى: المنتدى الثقافي و الأدبي (https://forum.mshtawy.net/forum-23.html)
+--- المنتدى: قسم الزجل (https://forum.mshtawy.net/forum-28.html)
+---- المنتدى: قسم الأشعار الزجلية المميزة (https://forum.mshtawy.net/forum-29.html)
+---- الموضوع: نسيم النبع (/thread-6921.html)

RE: نسيم النبع - راجح - 18-01-08

نسيم النبع

شاعر سليقة وقوال ارتجالي برع في العتابا والميجنا وأبوالزلف والقرادي , وله صولات وجولات مع شعراء وقوالين عرفوا بفيض القريحة وتلقائية الانشاد . في زجله لوعة وفي صوته شكوى . عند زيارتي لبعض الأقرباء ابان "حرب السنتين " لقريته الصغيرة , توقفت عند شباك أحد البيوت القديمة وتناهى لسمعي غناء شاعر يذوب عذوبة وحنانا وهو ينشد بحسرة وألم :

[COLOR="navy"][SIZE="4"]
يابنت صبي القدح = ل سكر أنا وضمك
مازال كلشي انفضح = شوللي بقى يهمك
وشعرك ع كتفي انشلح = وتمي على تمك
وبالحب الله سمح = يانور عينيا
[/SIZE][/COLOR] [/poem]وكان ذلك صوت نسيم النبع ..
روى لي قريبي من أميون أنه سهر في احدى المرات حتى الصباح بينما كان نسيم النبع يساجل أحد القوالين المحليين ,وأكمل قائلا : غنى بيت عتابا وميجانا و ردة قرادي لكل شخص من الحضور قبل أن يبدأ سهرته .

فلنتذكر

راجح

RE: نسيم النبع - فادي عجي - 19-07-10

مشكور أخ راجح عاى هالفتةالرائعة للشاعر نسيم النبع (نسيم مسوح) سمي النبع لأن أشعاره كالنبع وأظنه من منطقة نبع كركر وكان يردد
من نبع كركر طلعت دلعونة وبكل القضا درجت فنونة

RE: نسيم النبع - فادي عجي - 19-07-10

من نسيم النبع

سافر الشاعر نسيم النبع ذات مرة إلى فرنسا لعند أولادهوه وهو في أرض المطار يودع خلانه قال:

ندهت بعالي الصوت ياأحباب لوين
وسيفي ل رقاب العدا دوم لاوين
على فراقكم ياخلان لأون
ونين النحل يهدي عالعشاب

وحين عاد بعد مدة إلى أرض سورية أول ماقاله

صرت شوف الوطن والوطن غالي
وقلبي عالوطن بلانار غالي
فتح صندوق صدري وبان غالي
وقلت يامرحبا بشهوة عرب

RE: نسيم النبع - الحسين مخول - 10-08-10

[URL="http://www.4shared.com/audio/X5l4whzW/12__5_.html"]عتابا نسيم النبع / صوت[/URL]

نعدكم بالمزيد....... نيّال ل سمع و شاف !!

RE: نسيم النبع - الحسين مخول - 16-08-10

نسيم النبع / حفلة نبع الشير

ألا يا شير صخراتك و ميتك
ألف رحمة على الطّيب و ميتك
رجعت عدّد إلك قرشك و ميتك
و روّي غلّتي بعد التعب
¤¤¤
أنا إسمي النبع و الشير جاري
يَ مِنْ ماء العجب ع الصخر جاري
م بخشى الدهر مهما عليّ جاري
رجعت .............خير العرب
¤¤¤
يا شمس العمر من أوّل فجرتك
إذا تْـعبتي رجعت آنـا فَجَرتك
انزلي عا شيرنا و عبّي فِـ جَرْتِك
وإسقي كل كدعان العرب


مُنعش هواكِ يا ربوع بلادنا


أترككم مع مقطع وا ضح من حمام الشير / عتابا


[URL="http://www.4shared.com/audio/2rxO--qQ/01__5_.html"]صوت نسيم النبع / حفلة نبع الشير[/URL]


RE: نسيم النبع - فادي عجي - 31-08-10

يسلمو كتير أخ الحسين مخول على هالمقطع الرائع للعملاق نسيم النبع وياريت تتكرم علينا وتجبلنا المزيد منن وشكراً عاى هالأبيات الحلوة كمان
يمكن لوكان عاى زمانو هالوسائل الإعلانية لكان تخلد

وهي الأبيات كمان لألو:
كانت صغيرة وكنت وحدي مأنطرا
وسر الهوى لغير عينها ماإنطرى
أنا براس الجبل تأنصب لي منطرة
وبلكي بعز الشوب يلفو حبابنا


أنا من مدمعي أمطار كانون
أنا من مدمعي أمطار كانون
حبيبي بالأمس من يوم كانون
طواه الموت وعن عيني غاب