+- منتديات مشتاوي (https://forum.mshtawy.net)
+-- المنتدى: المنتدى الثقافي و الأدبي (https://forum.mshtawy.net/forum-23.html)
+--- المنتدى: قسم الزجل (https://forum.mshtawy.net/forum-28.html)
+--- الموضوع: الى شعراء المنتدى الكرام (/thread-9238.html)
RE: الى شعراء المنتدى الكرام - محمد حسن شريم - 18-10-09
[poem=font="Times New Roman,6,,normal,normal" bkcolor="transparent" bkimage="" border="none,4," type=0 line=0 align=center use=ex num="0,black""]
يسعد ليالي الشعر والشعّار=ويسعد لياليكي يا أمتنا
كنتي بعتمتنا سنا الأنوار=صرتي سواد وحلك عتمتنا
كنتي وكنا للحضاره دار=وكانت علوم الكون جارتنا
وكنا بظلك مونة الأحرار=وكان الشرف والعز لقمتنا
كانت قضيتنا نعيش كبار=صُغر النفس صغّر قضيتنا
وكانت بلاغتنا لُغه وأفكار=والشعر يحكي عن بلاغتنا
صارت لُغتنا مع الناس النار=وصار الشتم مع بعض لغتنا
شو صار حتى انعكست الأقدار=والضعف حل محل قوتنا
رخص النفوس السبب باللي صار=والجهل تاني سبب علّتنا
قولو معي يا رفاق بالأشعار=نحنا شعب ياقوت خامتنا
متل الأرز للريح ما منهار=ومثل لنسر بترف رايتنا
ألله يطوّل عُمر سيّد بار=بالشرق يا قائد مسيرتنا
وبشار قائد يعربي بشّار=يا أسد يا حافظ كرامتنا
قومو نمحّي بالثقافي العار=وننفض غبارو عن عبايتنا
أياد قحوش يا نبي مُختار=بالشعر يا مبلّغ رسالتنا
بتّضل مرجع بيّ روحي زار=وحي الشعر يكتب قصيدتنا
وبنّوت يا أكليل عز وغار=يا ورد يا مزّين حديقتنا
يا موهبه يا رب للأفكار=يا لغز بين سطور ردّتنا
وجعفر يا حامل بالشعر أسرار=يا بيّ جامع شمل عيلتنا
ويا ثناء يا مدودخه الخمّار=في دولة الكلمه سفيرتنا
وحسّان شعرك عزف عالأوتار=موسيقتو أحياء خلّتنا
ويوسف عصام الندي في أذار=خلا العُطر يوعى بوردتنا
وشاعر شفيق الثلج للأنهار=موسم سقي خيرات حقلتنا
وأنهل عطائو جرار خلف جرار=عجقة صبايا بفجر ضيعتنا
وبدر الشعر نادى سهار سهار=للعاشق يغازل حبيبتنا
وشادي الشوادي يا نبع فوّار=ألوان عم تحكي بلوحتنا
وعمر نسمه بصيفنا القهّار=بتمر بلسم فوق جبهتنا
وبيدق يا حج بقلب هاك الغار=علمك عبادي في عقيدتنا
ويا نجيب فيك الذكا محتار=يا غُصن ما بيدبل باأرزتنا
وبسّام رافق للشعر مشوار=قاصد كمال وحور جنّتنا
ويا فراس يا لافت الأنظار=بالشعر رجحت فيك كفّتنا
وبشّار شعرو مُلتقى الزوار=يا دمعة المؤمن بخلوتنا
وياسين إبراهيم شعرو غمار=يا كرم شبّع جوع سلّتنا
وبعدو سمير هلال للأفطار=يا عيد يا فرحه يا زينتنا
وبحر الزجل أمواج مش إعصار=عالشط بتوصّل سفينتنا
ويا أمير الزجل يا جبّار =يا هيبة الكلمه بشيبتنا
ويا زياد الشعر يا أثار=بسمه بريئه فوق شفّتنا
وبعدو علي عمّار كل نهار= بيشد عالدبكه بساحتنا
ووينك يا مارد هون عود حضار=عين الجفا شكشك بشوكتنا
وإنت يا سليمان شك زرار=فل وحبق في جو حفلتنا
وراجح يا تحفهِ ما لِها أسعار=نيّالنا فيكي يا تحفتنا
يا ختام المسك صوبك طار=وحي الشعر ينقل محبتنا
إنتو أمل أُمهِ زمنها جار=وإلها الأمل تايعود غايتنا
في علمنا بسواعد الثوّار=في أدبنا في ثقافتنا
منعود أمه الأمم منها تغار =وبتعود بعد الذل عزّتنا [/poem]
[SIZE="6"]
ابو ادام
[/SIZE]