قصيدة رثاء عن روح المرحوم بدر صافي (بدران) يوم الأربعين :

الإنسان لو مهما بحياتو يعتني
ولو طال عرش الرب يمّا الرّب باس
ويا موت بين الناس بعدك كاس
ومن هيك لازم يشربوك الناس
الموت حق وما حدا عنو بغني
للموت بدو بالنهاية ينحني
عادل ما بتميّز فقير ولاغني
بلكي بيتساوا عند ما يرحلوا

من هالدني من هون عاتاني دني
********
بدران ليش تركتنا وفلّيت
يا أمل ضوّى دروب معتمين
الختيار والشب وابن عشر سنين
تترك البسمة على وجوهن والجبين
ج يا نور كنت مشعشع بكل بيت
يا خير جوّى البيت لو حلّيت
كانوا عليهم كل ما طّليت
فوقو انكتب بالخط العريض

أهـلا وسـهلا فيـك كـل مـا جيت
********
وأنت يا بدران أمتالك قلال
عشت بهالدني قانع ورضيان
كنت الجميع يكون مين ما كان
وما كنت ترضى يخدمك إنسان
ما كنت تاكل لقمتك إلاّ حلال
ما طمعت مرّة برزق أو مال
انطلب خدمة تخدمو بالحال
تا تكون أنتِ خادمو من قبل

مـرتـاح،فـاضـي الـفـكر والـبال
********
بدران بعدا صورتك بالفكر
كان الشغل معبودك ودينك
الإخلاص ، الوفا مكتوب عا جبينك
عشت بهالدني وربّك يعينك
وذكرك ما بين الناس أطيب ذكر
ما تنتظر كلمة مديح و لا شكر
ما عرفت مرة خديعة و لا مكر
لا مشاوير ، لا سهرة ورقصة

لا خـمر ، لا عـربـدة ولا ســكر
********
بدران هيك تركتنا بكير
يمكن أنت طمعان تا ترتاح
برمت الأرض كم ألف ناح وناح
من مغارة الوادي لـْ أرض الفتاح
وعارف أنت هالأمر ما بيصير
حاجي عذاب بهالدني وتعتير
من تلة الرامة لـَ نبع الشير
لـْ نبع البلاط ، الضهر والقشعات
ج
الـمْسـيل ، الـكـلخ، الـمـعـابيـر
********
معقول هيك تركتنا معقول
زعّلتنا وزعلت طيور الـْ بالسما
وعا هالطيور الكنت تفهم بالوما
غابوا على غيابك وهجّوا من الحما
بهالرحلة الـْ يمكن مداها يطول
وبكير نزّل دمعتو أيلول
وتْمازحن نقيفتك طْلوع نْزول
وحلفوا ما في رجعة عا طاقات القبو

تا يطّل بدر البدر من بعد الأفول


******** الدكتور : نعيـــــم ديب 16/10/2009