غزليات زجلية - نسخة قابلة للطباعة +- منتديات مشتاوي (https://forum.mshtawy.net) +-- المنتدى: المنتدى الثقافي و الأدبي (https://forum.mshtawy.net/forum-23.html) +--- المنتدى: قسم الزجل (https://forum.mshtawy.net/forum-28.html) +--- الموضوع: غزليات زجلية (/thread-9598.html)

RE: غزليات زجلية - فؤاد يوسف - 01-01-10 [center[size="6"][size="7"]]يللي انشغلتي بسر وحدانيتي = بكانون زرتيني وشغلتي مهجـتي وقلتي إلي جيت ومعك أمنيتي = عالسطح إسهر قلت عم تـنكـتي قلتي الأمر جد وقلت برد بعتي = جـيـبي العبا داري بعباتك صحتي صرختي لحقـني لحقتك ومن جهتي = بحب الدفا لا تسألي عن قصتي عضامي أنا بترجف بلا الريح العتي = شو سر جسمك جاوبي ولا تسكتي ملبوسك بعز الشتي صيفي قصير = وبالصيف متل المشمش بعـز الشتي بالصيف طلت بـدها منـزل صغير = خلقـتلها منـزل على ضفاف الـغـدير وقلتلها جارك كفيف وعالحصير = صارت تجـبلو الـزاد وتجـبلو العصير وفجأة الأعمى سافر وحظي الكبير = اخترلي التقمص قلت هيدا الرح يصير[size="7"][/size] وقصدتها وكان الطقس حرو سعير = وعا بابها دقيت تاشم العـبـير ردت بمـين وصبرك الموقـف خطير = قلتلها الأعمى أنا العبد الفقـير وساعة ماعرفتني مش مفتح ضرير = فتحت وفت وشفتها بمشهد مثير وقالت إلك مازرت هالمنـزل كتـير = شو السر جايي ومن الفرحة رح تطير قـلتلها ؟ فـرحـان جـايي بشّرك = عني العمى زال وصرت متلك بصير[/size][/size] [/align]