|
إلى شعراء العتابا..تحدي
|
15-05-07, 01:48 PM
لمحت بحرك شفت أعور ورا كان=وبعينك مشهدو الباين جلي جْلي
الأعور في ضمن بحرو وراكان=ركعو وبحرهن لولا جا لجّ لي تمترس عالجبل أحمد وراكن=ويسوع اللي فدا بقمّة جلجلة مشي عليك وما ساوالك حساب
15-05-07, 04:32 PM
يبدو قوة الأشعار قلو
ت صارت كل أفكارك معادي وسطح مائي النبي عيسى قلو لأنو ما أتى متلك معادي ووقت بحري ل جبل بن نوح قلو قتلت أنصارو ما صفّى معا دي لأنن ما رضو بأمر المهاب ______________________ فكري بدا وما في حدا بين معو بلكي بعد ما موت بيبيّن حدا
16-05-07, 01:26 AM
"
عاشو جيت تكتب شعر عاشو؟=وبصدرك ما انوجد سرّ الْتقايا أنت اللي عيونك هون عاشو=وزحت ربّي كتر ذكر الْتقايا على مرتع جبلنا الناس عاشو=وجبلي شخص بالبحر التقا يا فهيم وخلّف صبايا وشباب
16-05-07, 03:38 PM
أنا بحري كل الخير كلا
وبإلهامو فكار الشعر نوحي وعلى شاعر بحربي اليوم كلا تعالي يا بنات الشعر نوحي أصول البشر يا فهمان كلا هيي من بعد طوفان نوحي ليش أخطأت في رد الجواب؟؟ ______________________ فكري بدا وما في حدا بين معو بلكي بعد ما موت بيبيّن حدا
16-05-07, 05:43 PM
يا شب سمعت تنهيدك ونوحك=الظاهر صايبك ضربة عما قلوب
جاوبتك عزيتوني ونوحك=قول لجرحك بأوسع عمق لوب ابتدا عمري وأنا جاهد ونا وحكّ=الصخور واقلب الخرسا عمقلوب الأرض تا بالصخر يخلق عشاب
16-05-07, 06:11 PM
ضعف يا صاحبي جوابك وردّي
وصارت كل أجوبتك بعيدة وأنا بيكل جواب وكل ردّي الكلمة فيي عم تفرح بعيدا وإذا الأيام رح تنرد ردّي والله ساعة الطوفان بعيدا قلي شو رح يفيد التراب؟؟ _ _____________________ فكري بدا وما في حدا بين معو بلكي بعد ما موت بيبيّن حدا
17-05-07, 11:19 AM
إذا انحكّو الرّواس بالرّواسي=بيقول البحر تا يفضح عبابك
بعمري مو معوّد برّ واسي=لكن يا جبل بركع عبابك الطوفان اللي حدّو بالرّواسي=ما بينعدّ من لجّة عبابك هادا من المطر ابن السحاب
17-05-07, 06:58 PM
ياما فوق أرضك مر جاني
وبعدك طبع قاسي ماطري وكل الظلم على لسانك مرجاني بأسوأ حكي إلا بلسانك ماطري نكرت جواهري وقيمة مرجاني وكيف نسبتني لغيمات ماطري ومائي أصل تكوين السحاب _____________________ فكري بدا وما في حدا بين معو بلكي بعد ما موت بيبيّن حدا
17-05-07, 07:53 PM
متل ما عم بقلّك ما تقلّي=وشدشد وزنك وقصدك وقافْتك
وبالطوفان حالك ما تقلّي=المطر راح وترك جودك وقفتك بعمرو من جبلنا مات قلّة؟؟=قلّي واعتبر أنّي وقفتك إذا عالرد ما بتعطي جواب
17-05-07, 08:32 PM
لما عجزت موجاتي تحدا
صرت بضعف لجوابي متنقد وأنا موجاتي ع جبالك تحدا ت صارت فيها أطرافك متنقد وإذا تاريخ هالدنيا تحدا بتعرف أنو من حتّي متنقاد بأمر الموج وبكيف العباب _____________________ فكري بدا وما في حدا بين معو بلكي بعد ما موت بيبيّن حدا
17-05-07, 10:52 PM
افتكرنا بالعتابا عار مالك=طلعت منفي وعأاخر شطّ منها
وإذا كانت حروفي عارمة لك=أنت بديت تنقد قبل منها روح وزتّ حالك عا رمالك=جبال بلادنا الخلاق منها بأسدنا الطوّع مواج العباب
17-05-07, 11:18 PM
الأسد عنا هالدنيا أسد
وع عزمو يا أهالي العزم تشرين إجا بالأمة نقط الضعف أسد يا دنيا المرجلة منو تشرين وعند ما خاض حربو حافظ أسد استعان بمائي في حرب تشرين ت حتى خط بارليف انثقب _____________________ فكري بدا وما في حدا بين معو بلكي بعد ما موت بيبيّن حدا
18-05-07, 02:21 AM
شو هالأبداع الحلو يا أستاذ شفيق
بس انا حابب اني اسأل لزيد معلوماتي طبعا قافية أسد هي قافية عتابا ولا ميجنا يا استاذ ركان
جايي تاكل فكار موهبتي أسد
وكل درب جاهل بالوزن متلك أسد نحنا بشرق الأوسطي عنا أسد لولا عبس بيهز أركان الدنا
18-05-07, 09:26 AM
تحياتي أستاذ باسم
لأ أكيد القافية قافية ميجنا بس منشان الرد المناسب عفكرة شفيق اضطريت استخدمها بدرب الهجا ياما إجا متلك بشر بيتبهرجوا وعم يدمجوا الصادق بشر وبهالوزن لما مزن غيثي بشر لمتلك لفي ت يرتوي من غيثنا _______________ فكري بدا وما في حدا بين معو بلكي بعد ماموت بيـبين حدا
18-05-07, 12:55 PM
"]
جعلو للخصم دمّو وسادات=جنود الحافظ اللبسو وسامو وصواريخنا سريت وسادات=بجبال الشيخ ما باعو وسامو أنت خربطت في حافظ وسادات=الأسد أطلق لصاروخو وسامو يا خاين ازحف كواع وركب
18-05-07, 01:15 PM
بخيانة تهمتني وشو نسيت أني
البوارج للعدو لدفنا سمانا ومهلك بالهجو ع مهل أني خط بارليف تحطيمو سمانا وكتر ما زدت بالموضوع أني رجعت ترد بأجوبتك سمانا التزم موضوعك وحاجي انقلاب _______________ فكري بدا وما في حدا بين معو بلكي بعد ماموت بيـبين حدا
18-05-07, 03:37 PM
بقواعد بالجبل غليت عمالي=وجمر الحرب متلهلب وساعر
أخلاقي عم بتشهد عمالي=ما كنت مسوّم جبالي وساعر ومتل ساداتك بدمّك عمالي=حملت ساعر على مواجك وساعر و أنت عامتنها صارت لهب
18-05-07, 05:20 PM
شفيق المبدع شعارو تلالي
ويا شعري الوعد لأهل الطيب فيهم وإذا الرايات ع جبالك تلالي ببحري ما رح بيبقى في هم بحرنا خيّر وحلوة تلالي ولأنو تنينن الخيرات فيهم جبلنا الرب من ماء وتراب تحياتي لشاعرنا المبدع شفيق وشكراً كتير ع المحاورة _______________ فكري بدا وما في حدا بين معو بلكي بعد ماموت بيـبين حدا
19-05-07, 12:18 AM
صرت في شعرك المحبوب شاعر=بروحي وحاضنو جوات قلبي
وبسيفك صرت صخر النجم شاعر=وقلبت المشتري مليون قلبي الله يديمك بهالقطر شاعر=ومهما القطر قول الشعر قل بيه ركان الشعر ضاعفلو الحساب شكرا كتير لألكن
|
|
« الأقدم التالي | الأحدث التالي »
|
