تحف عا صغير

[عصام يوسف]

قلّو الحجر
مرّه لَ هالنحّات
ما فيك تنحتني
شي حوريّه
شي بنت
حلوه .. شي
غنيّه ..؟؟
...
بلكي إذا
بحس بوجع
إزميل
و ضو الشمس
فوق الجرح بيسيل
بتصير
بتحس البشر فيّ
الله !! ..
لمّا تحس فيك
الناس
مين منكن داق
هالإحساس ..؟؟
...
محروم ..
من شرده بعينيّ
محروم من لمسه
يإيديّ
و كتار متلي
حجار بالفيّه
شي منهن بينباس
شي منهن بينداس
و كلّو عبوديّه ..
بعبوديّه
...
آه يا نحّات
يا حسّاس
من كتر ما ثورة
شعب فيّ
...
يا ريتني
تمثال حريّه !!!