دروب الصلا

[زاهر حدو]

محاولة متواضعة على شرف قصيدة متكاملة

***
[poem=font="Arial,7,#0000ff,bold,normal" bkcolor="" bkimage="" border="none,1," type=0 line=0 align=center use=ex num="0,"]

ل بإصبعتين شرق وغرب فاتر= وسكب جمر النجوم ب بحر فاتر
شاعر طوفة شرودو المضيئة = ماخلت في ليالي الغيب ساتر
وأنت يازاهر النسمه الجريئة =الشذاها كان شوك الريح باتر
بصوتك غنجة الآه البريئة = وبصمتك تقل هم الليل ناتر
أنت خردقت بالشعر الدريئة = واذا بترمي بجبل صنين ابره
بيسمع صوتها مْقاوم بتاتر
**

معي شفاف الجرح بالشعر قارب = م زال تنيننا في فرد قارب
واذا ب تجمح خيول الحب جمحه = السما بتقيم للشاعر مضارب
ل زمْحت مهجتو باللحن زمحه = وترها نهر بوح ..الروح طارب
نبي حط بتراب الفكر قمحه = صباها سهم.. سقف المجد ضارب
ويازاهر أنت عن فيروز لمحه = وأنا من وقت مالمحتك يازاهر
كنت طيفك ب ببّو العين شارب
راجح [/poem]

يا مضاعِف الوزنات ..يوم الحشر.....مــــافي حــــــدا ع وزنتك راجح
وهالكذبة الْ نشرِت عبيرك نشــر.....كرمــــــــــالها يا راجـــــح الناجح
رب الدنــي غيَّـــر و صايا العـشر.....و قال اكذبو..انكان الكذب راجح


ع جوهرك عين الحلا مشلِّق.....و ع كلمتك لـــــون الحبق مفتوت
جنحك النجمـة ع السما معلِّق.....و قلبك سما شعر و مدى لاهوت
و بالليل ميــن شرودك مقلِّق.....لمّا الدني رهبة صلا و ســــكوت
روحك البدها بالســـما تحلِّق.....يمّا السما المــــــــتدق بدها تفوت