دوره في عروض الزجل .... لمن أحب

[بيدق]

[SIZE="6"][COLOR="Red"]===========
الأخ عدنان رح رد داخل الأقتباس

حتى ما يفوتني أي نقطه من كلامك .... ورح لوّن كلامي بالأحمر
=================[/COLOR][/SIZE]

[SIZE="4"][COLOR="Blue"]

الأخ العزيز " الحج بيدق " ..

. ما في شك أبدا ً أبدا ً إنو إلنا العز والفخر بالإستماع وقراءة دروسك المهمة ببحور الشعر العامي [COLOR="Red"]( ممنون لطفك )[/COLOR]
يللي
م شوف إنو إصراكون الكبير على( تبحير ) الزجل بفنونو .. هوي أولوية صارت متل كأنها ( هوس )
[COLOR="red"](أبداَ يا صديقي أصرار ممكن ... هوس ...ما بعرف أذا حدن تاني بشاركك هالرأي )[/COLOR]

تشريحي لزجل م بيتحمل كل هـ التشريح وكل ( هالأكاديمية ) المفرطة يللي من وجهة نظري هيي بتجي بالمرتبة التالية للقيم الجمالية لهادا الفن " الشعبي " الرائع

[COLOR="red"](الوزن أهم وأول متطلبات الشعر سواء محكي أو فصيح والقيم الجماليه متل الصور وقوة السبك والرمزيه في الطرح بتجي بعد الوزن بالترتيب ... بمعنى أي شخص بكتب عالوزن هو شاعر ( ناضم ) أبتداءً .... ومن خلال تطبيقو للقيم الجماليه في شعرو بنحكم عليه بأنو ضعيف أوقوي أو مبدع ) [/COLOR]
وبصر وبلحّ من الصميم ع كلمة الشعبي [COLOR="red"]( وأنا بصر معك )[/COLOR].. يللي يمكن إنو نضيّعها لو إنا بقينا مصرّين ع تبحير كل حرف ع وزن معيّن .. يمكن من الضروري إنو يكون في وزن محدد بشكل من الأشكال لأنو الشعر متل ما منعرف وزن .. مقطع أو تفعيلة أو عامود .. وبشوف من وجهة نظري
إنو محملين الموضوع أكتر ما بيحتمل .. وخاصة إذا كان إصرارنا بدو يوصل بيللي بدو يكتب زجل كتابي
لازم يحمل مسطرة وبيكار ت يرسم ( زجلو ) وكلنا منعرف إنو الزجل سجيّة وطبيعة .. وبعدها بيجي دور
[COLOR="red"](مين قال إنو شرط الشاعر يحمل مسطرة وبيكار .... الشاعر شاعر بالفطره وسواء كان عالم بالعروض أو جاهل بها .... شعرو بيطلع موزون جاهز ..... العروض أداة قياس لا أثر ولا أقل .. من خلالو بنحكم على ناتج الشاعر )[/COLOR]
الإبحار في علومو وموازينو .. ومش لازم ننسى إنو اللي إبتدع ها لإحساس الإيقاعي م كان بيعرف شو هوي [COLOR="red"]( هيدا الحكي صحيح ... قبل الخليل بن أحمد الفراهيدي )[/COLOR]
الوزن أو كيف لازم يقول .. ابتدى من الإيقاع [COLOR="red"]( الوزن والأيقاع يا صديقي وجهان لعمله واحده ....)[/COLOR] ومن بعدو صار النقاد يتعلمو منو كل شي .. ومش لازم ننسى إنو "الفراهيدي" وغيرو م اخترعوا الأوزان بل إنو الدارسين استنبطوها من كل شي إسموا شعر [COLOR="red"]( هالحكي قلناه بمشاركات سابقه .... صحيح )[/COLOR] والشعر
بالأول هوي غناء ومنعرف ( نشيد الأنشاد) وبالعبراني بيقولو - شير هـ شيريم كا آشير لا شلومو-
يعني نشيد الأنشاد الذي لسليمان .. وهوي غناء وموسيقا من قلب الشعر .. سجيّة شاعر ولحن مشاعرو السهلة..

وبرجع بقول إنو التفاعيل بتحد من إنطلاق الشعور لأنو الإيقاع المقصود [COLOR="red"]( التفاعيل أيقاعات يا أخ عدنان )[/COLOR] كإيقاع بحد ذاتو وخاصة إذا كان مجبور

ع الكلمة جبر مش رح بيفيد المعنى كتير .. وكلنا وبالخصوص ( الحج بيدق) ممكن يلخص كل هالمعمعة بمش
أكتر من تلات أو أربع وزان رئيسية .. منها كل شي بينطلق .. ومنرجع كلنا منقول شي إسمو زجل حر وحلو .. [COLOR="red"]( لخصنا يا سيدي أوزان الزجل ب (6 ) أوزان بموضوع منفصل ولا زال الكثير من الشعراء بكسرو )[/COLOR]
بعتذر من الأخوة الدارسين والأكادميين .. ووصيتي إلهون إنو يدرسو ويحللو بس م يجبروا الزجل بقوالب ممكن تجمدهون بدفاترون [COLOR="red"]( الزجل إلو قوالب وزنيه وشكليه والألتزام بها إجباري على كل من يكتب زجل )[/COLOR]
بس مش ممكن تجمد قول ممكن ينقال ع منبر أو ع ضهر شي جمل أو ع كتف شي ساقية من نبع زجلان وميرقص بخيال ورتناه من الأزل بدون قوالب جاهزي .. [COLOR="red"]( بالكتابه أو عالمنبر أو عالجمل أو عالخيل أو وين ما كان الألتزام بالوزن مطلوب )[/COLOR]
تحيتي المحبة للأستاذ سلوم والأستاذ يوسف وأستاذنا الخال أنهل ولأسيان الحبيب ..
ولكل من شارك وبيشارك ع هالصفحة القيّمة ..
وطلبي منكون من جديد المعذرة الغاليي .. مع الحب والتقدير لجهودكون بدفعنا
لنتعلم كل شي جديد .. وياريت بيكون شي جديد ومفيد ..

متلا : بدل م نعيد كل الحشو عن هالموضوع .. لو نحاول إنو نعطي الزبدي ..
ونمنح الإبداع فرصتو ليدلنا ع وزن جديد منو نستفيد ,, وما نعيد ,, ونجيب الكلمي الحلوي..
من قريب وبعيد ...

[COLOR="Red"]( أخي عدنان لو جمعت كل مشاركاتي الأكاديميه في هالمنتدى في كتاب ما رح يطلعو أكتر من عشرين صفحه فقط مع العلم أنو الموضوع الأصلي أخذ مني مجلدين يعني أكتر من 600 صفحه ... بما معناه المكتوب في هالمنتدى هوي زبده زبده زبده ........ الزبده )
مع خالص الإحترام [/COLOR]
عدنان - من حمص

[/COLOR][/SIZE]

[SIZE="7"][COLOR="Black"]مع كل الحب بيدق[/COLOR][/SIZE]