هكذا يا أخ أنهل يخوّلك ضميرك الشعري
بنشر تلك القصيدة وحذف هذه

يا علي فتّح عينيك وشوف
كيف الشعر متل النّبع بيطوف
شوف الحلا بقصايد سليمان
مش متل عبقة وجهك المخطوف
شوف شادي الشاعر الفنّان
بيمشي طريق لبالخطر محفوف
متل النحل بيحوم عا لألوان
تايقطف الشهد لّي مش مقطوف
بيمشي الطريق لما مشيها الجان
بيرجع طريقو بالعطر مرصوف
مش متلك معبّا بقلب شقبان
وعابواب الله عم تمد كفوف
مابتستحي مابتنخجل تنهان
لمّا الشعر يحكي على المكشوف
مش عيب تغفا بفرشتك جوعان
تشكي الطفر من شعرك المألوف
روح جيب كيس وبحبش البستان
ولا تخلّي عا طرافو لوف
[COLOR="red"]وحَوِّشْ حبق مع فل مع ريحان[/COLOR]
والقرنبيط والخس والملفوف
ولاتقول إنّي بالشعر حفيان
معتّر فقير مشلحف ومنتوف
من بيدق تعلم درس أوزان
وكلّك من ( محمّد ) شي جوز كفوف
وضلّك عند( فراس ) شي عدّان
حتّى تصفّي بالشعر مشغوف
مرقلك على ( عصام ) شهر زمان
هالأسم يلّي بالكَرَم موصوف
بيمرنّك مع أشجع الفرسان
كيف بالشوكة تصد سيوف
وميّل عَ جعفر حيدرلخلقان
شاعر بيشيّب بالمعنّى ألوف
بيعلّمك روح الشعر منشان
ما تضل بكتاب الشعر محذوف
ومرتو لّي عم بترصّع المرجان
من شعرها تخبّى القمر مكسوف
بتعلّمك من ذوقها التحنان
تا تميّز الواصف عن الموصوف
ورح عامشتى الحلو بنيسان
ميّل عَ أنهل دبس يا مكفوف
بيعلّمك من رقّة الوجدان
كيف بقصيدك تفتخر لحروف
عيب استحي بكرا بيجي الديّان
وبتوقفو قبالو صفوف صفوف
حفيان بالي [COLOR="red"]معتـَّر[/COLOR] وعريان
وخلف قضبان [COLOR="Red"]الأسى[/COLOR] موقوف
وبطلع أنا قبالك ( نمر) شجعان
والآلها قبالي رفوف رفوف
منشان يفدو بدمّن الأ نسان
بيناتنا سكنو وتركو الروف
تيباركو شعري بسما القصدان
وينزلو ببيوت شعري ضيوف
***
شافوك ياعامر بهالأكوان
خاروف من عقم الزمن معلوف
ومنشان يرضي زهوتي الرحمان
ويعمل معي بالآخرا معروف
شاهد بعينيي ( نمر) غضبان
قلّن لآلهتو بعدو من الدرب
وخلّو النمر يبطش بهالخروف
___________________________

[/COLOR][/SIZE]

[SIZE="6"]

الشاعر نمر المحترم ...
أولاً: أعتذر عن تعديل بعض الكلمات في قصيدتك لتصبح مقبولة .
ثانياً: لم أحذف مشاركتك لأنها غير مناسبة وزناً أو قافية ً ,
بل حذفتها لأنها تحوي تهجُّم على أحد الأعضاء مهما كانت صفته أو موقفك منه .
والقصيدة التي نشرتها ليست لي وكتبت مناسبة نشرها ,
ربما غير موزونة أو ضعيفة الصور أو غيرها من العلل ,
لكنها لا تحوي تهجُّم أو إساءة لأحد لذلك تم نشرها ...
أرجو أن تكون فهمت موقفي بعدم السماح بإساءة أحد .
تأكد بأني لست ضدك بل على العكس ,
أنا معجب ببعض ما تنشره في ( الأدب الشعبي ) .

بكل الحب
أنهل دبس

[/SIZE]

تسجيل الدخول
اسم العضو:
كلمة المرور:	نسيت كلمة المرور؟
	تذكرني