[COLOR="magenta"][SIZE="5"] اطلالة الشبّاك .../ شعر وتقديم / جرجس وديع الموراني
========
كانت تفتح شبّاك غرفتها ، لتطلّ منه على غرفتي .. دلا لة على وجودها ... ثم تحتجب ..... فأنتظر أنا الاطلالة الثانية التي كانت تطول أو تقصر حسب ما تريد أن تلعب بأعصابي ... فكتبت لها ما يلي .
**
طلّيتي من شبّاكك
ما احلاها هالطلّه
قلبي معلّق بشباكك
من ذاتو هو قلّي
موقف حارس ع بابك
وملبّص ما لو فلّه
حنّي شويّه ع حبابك
وناديلو .. يا ترغلّه
**
طلّيتي .. وشو هالصوره
حوريّه بدنية أحلام
يا تنويرة منتوره
ويا ريحة زهر النمنلم
بتسوي نص المعموره
والنص التاني حرام
ينده لو فيني زورا
وبعدا عالدنيا السلام
**
طلّو ا عيونك هالحلوين
ليل وبدر مضوّي الكون
سبحانو رب التكوين
هالعاطيك أحلى لون
يا حلوه نحنا مساكين
ومن الله منترجّى العون
حنّي علينا ... ونتفة لين
ومنعرف قلبك حنون
**
حطّيني ..جوّا هالقلب
وخلّي عيوني يرتاحو
غير دربك ما بمشّي درب
ولو جنّو ا عليّ رياحو
شو نفعا العيشه بلا حب
والطير من دون جناحو
يا روحي بقاموس الحب
انت القلب ومفتاحو
***

المهيري ... جرجس وديع الموراني

قلبي معلّق بشباكك [/SIZE][/COLOR]

تسجيل الدخول
اسم العضو:
كلمة المرور:	نسيت كلمة المرور؟
	تذكرني