همسات من دفتر الغياب..

[اميل الخوري]

محتار


شو بـْ قـدّمـلـك هـْديّة


الـشـّوق


ولـّا الـآه والـدّمـعة


بـهـديـك


دعْواتي السّماويّة


وْ جـُوّا القلب


بـضْويلـك الشـّمعة


*****


تايـورّدو ورداتـنا


بـالـحي


جـرح الـبُعـد


لاتـعـوِّدي عالـكي


وطِـلّي عـَلـيـنا بالشّهر مَـرّة


تا يْهـلـّلو أشـواقـنا


لـلضَي


*****


لولا سألني الصَّبر


رحْ قـلّـو


إنـّو قــتـلـني الـشـّوق


بـِطعـونـو


وْحُـبّـك لـغـز فـرعـون


مـا حَـلـّو


وحُـبّي انبلاج الضوّ


وعْـيـونو


*****


عندي سـؤال مْحـيّر ظنوني


شو الفايدة


لو الـنـاس قـالولـك


مـجـنـون


حَـبّ هْـبال مَجنونة


وْكرمال عَـيـنـك صار


مَجنونك


*****


صِدفة الـتـقـيـنا


وْيا حلا الصِّدفة


حَـبـتـيـن حُبّ


بْـداخل الصَّدفة


كان اللقا


في عمرنا مكتوب


بسّ البعد


ما كان بالصِّدفة


*****


الـرّوح


مرجوحة سفرْ وغياب


والـقـلـب


شـمّاعة قـهـرْ وعـْتـاب


والـشّاطـر


اللي بالـعـقـل بـيحط


روح وْ قلب


و بْـيـقـفـل الأبواب

اميل الخوري