قصيدة للشاعر موسى زغيب

[سومر]

موعود بدو الصبا يصقي الكبر تجديد ************* ويرجع شبابي ولو ايام معدودي
واحمل بعتم الدني قناديل ومواعيد ************* فتش ع حوا لمن الفردوس مطرودي

و بجناح دوري إجي من طاقة القرميد ************ ثبت وجودي ببيت لفيه موجودي
وقرب ع تخت الحلا لغامر جمر وجليد ************ شوفك ملاكي ع هاك التخت ممدودي

وشفاف يغوي النظر و كروم وعناقيد ************ وربطة حرير بجدايل شقر مزرودي
وفسحة بياض التلج بين الصدر و الجديد *********** بلور يرهج وهج ورا صلبان وعقودي

و تركد طيور التلج تستأرض مناقيد ************ وتنفك بكلي ع هاك الصدر معقودي
وينكب جرن العسل و يفيض جرن النبيد ************ ويشرك بوجهي صبح أكبر من وعودي

وفرص مشيبي سني وأتجهلن من جديد ************* وقرب ع تخت الغفا و أتجاوز حدودي
وأسحب حرام الغطا وزت المخدي بعيد ************* وأفرش زنودي لكي و تغفي على زنودي

[عمر]

شكراً كتير يا سومر فعلاً قصيدة قمة ويا ريت شو عندك شروقي للشاعر موسى زغيب تضل تنزلو هون وشكراً إلك

[علي عامر]

الاخ سومر يعطيك العافيه

واسمحلي بهـ البيتين للشاعر العملاق ابو ربيع

صمت الصخور بيكتم الأسرار * مين ل مرق فوقو ما بيقلّك

بسّ الشواطي رملها ثرثار * بيصوّر الدعسات ت يدلّك