اسم الموقع : مشتى الحلو ولا ما بعرف شو ؟؟؟

[Sami7]

صباح الخيرات يا أوادم!

بدي رأيكم بالموضوع التالي :
كل فترة وفترة بلاقي موضوع ,مقالة او ريبورتاج عن شيئ ما ,من خارج الضيعة !!!
الموقع اسمه موقع مشتى الحلو - صح ؟
وتقريبا كل ضيعة عندها موقعها الخاص ,مثل : صافيتا - مرمريتا الخ...
فلشو انا بدي حط اخبار من ضيعة ثانية ؟
او لشو بدي حط مقالة تاريخية عن أناس من مناطق أخرى ؟
ليكون اتغيير اسم موقعنا ؟ وماني دريان ؟

مخاطركون

[echo]

يا ريت تشرح قصدك أكتر
بظن مشتاوي هوي أكتر موقع مختص متابع للي بيصير بالضيعة من أخبار و نشاطات مع الإحترام لبقية المواقع بس بتشوف معظم مقالاتهم أخبار سياسية و اجتماعية و اخبار عن ضيعتهم يعني بتحسو موقع اخباري و مضمن فيه شوية أخبار لضيعتهم
شكرا ألك و أهلا و سهلا فيك

[pierre]

السيد سميح
الحلو بموقع مشتاوي هالتنوّع بكل شي و كمان عدم الإنغلاق ع النفس
كل أخبار المنطقة بتهم كل المنطقة ،بتخيّل إنّو مهم نسمع أخبار الجيران
بدون ما نفوت ع مواقعن
محبة

[Sami7]

كيفكم يا أوادم؟
القصد كالتالي :
شو يلي بيهمني عن أخبار ضيعة ما- بريف حلب (مثلا) ؟
أو قصة قديمة حدثت هونيك ؟
اخبار المنطقة بتهمني لأنو بيجوز يلتقى لي صديق هونيك ,بيجوز يكون لي شي قرايب.
بدي اخبار عامة عن كل سورية - ما رح ادخل على المشتاوي ,بروح على موقع syrianews.com
أنا عم ادخل على المشتاوي مو لأعرف أخبار ضيع وادي النصارى ,اذا هيك لكنت دخلت على موقع مرمريتا (مثلا) أو غيره.
مسيو Pierre ! أنا اذا بدي أعرف اخبار - كمثال - العيون بدخل على موقعهم الخاص وبعرف هونيك يلي بيهمني,وما أتوقع أنو المشتاوي رح يحط كل أخبار العيون مثل ما بينحط على موقعهم الخاص ,صحيح ؟

مخاطركون