صفحة الأبراج

[ghandi]

فال المثل الشعبي : الّلي ما لو حظ ّ لا يتعبْ ولا

يشقى !!

قصيدة بعنوان


" صفحة الأبراج "



بْيَدّ مِهْوايِة ْ وْمجلّة بْيَدّ


تقلبْ صوَرْ وتشوف شو فيها


وِسْألتْهَا بينْ المزحْ والجدّ


شو هالمجلّة العَمْ بْتقريهَا ؟؟


ضِحْكِتْ وفتحتْ صفحة الأبراجْ


وقالتْ : أنا بُرْجْ الدّلو بُرجي


قلتلّها : وبُرجي الجدي ومحتاجْ


تكرجي بُرجي بْفرْدْ كَرْجِة ْ !!


قالت : حياتكْ بحرْ والموجاتْ


أشباحْ ما بْتهدى مِنِ هْياجو


قلتلها : هيذا البحر بالذاتْ


بحرْ الهوى الّلي غْرِقْتْ بِمْواجوا !!


قالتْ : وبرج القوس إسوارة بيديكْ


وبرجْ الأسدْ عن فكر واعي بتتبعو


ويومْ جمعة حظّك بيندَهْ عَلَيْكْ


ضوّي المنارة والدّربْ لا تضيّعوا !!


قلتْ : يا أحلى ثريّا عالثّرى


ودّي شُعاع يردّ عن عمري العدم


يومْ آلامي سَبْتْ ما بينقرى


لكنْ ضروري نعيش شو نفع النّدمْ !!


قالتْ : عا دربكْ شايفة خْيالينْ


عمْ يرقصوا وِبْصدركْ الغصّة


قلتلّها : كانْ في إلي قلبينْ


رجعوا قلب وانقلبتْ القصّة !!


عَبْسِتْ وقفلتْ صفحة الأبراج


وعْجِزْتْ ما تمكّنتْ راضيها


وِبْكيتْ لمّا ما لَقَيْتْ عْلاجْ


تاركلها دمعة ْ تْواسيها !!


يا ربّ ما بدّي سِحْرْ هاروتْ


ولا دُررْ ياقوتْ وقصورةْ


وْلا رياشْ مذهّبْ وْلا تخوتْ


لكن 00 يا ربّي بِنذرْ نذورة


يْصيرْ برج الحبّ برج الحوتْ


و " " بالبحر مرمورةْ !!


-----------------------------

الشاعر عبدالله خبازة