[SIZE="6"][COLOR="navy"]ألشاعر سليمان طراد
بكرى اذا بتخلّد بيوتك
مجد الشعر ما بيقدر يفوتك
ومن بقوة سنينك قدير تعيش
وتاخد معك عا رحلتك قوتك
شوف الدني زناكيل ودراويش
وانتي غني عايش بملكوتك
لا تعيش عمرك سكر أو تحشيش
حتى ما ازعل منّك وما يضل
واحد وفي يحمل بتابوتك

بحر الزجل[/COLOR][/SIZE]

hany nassif · 22-11-10, 11:01 AM

[COLOR="blue"][SIZE="5"]

اتركني يا مأذي بشردة جنوني
و خلي الغشاوة مطمشي عيوني
اللي عاش عمرو بالدني احزان
ما بتنفعوا عالصدر هالقوني
ما في وفا الانسان و الانسان
مجمل حياتو كذب و خشوني
و عالمقبرة بتشيلني الاوزان
ووحدن بنات الشعر رثيوني
ما عاد بدي بركة الرحمان
و لا عالصلا يا ناس تهدوني
وينو اله الكون وقت الكان
سنيني بهالاوجاع معجوني
وينو اله الكون يا سليمان
وقت اللي شرف عالدني هالطفل
وروحو لملاك الموت مرهوني
[/SIZE][/COLOR]
[SIZE="4"][COLOR="red"]ابو علي

[/COLOR][/SIZE]

slayman · 22-11-10, 10:10 PM

[SIZE="6"][COLOR="navy"]ألشاعر سليمان طراد
قديّش فيني اتركك مهموم
والوقت عندك صار عا آخر
فتّش عا ربّك يا صديقي وقوم
ولا تضل عايش بالعمر ساخر
غراب الفنا بلّش عليك يحوم
وسوس المنيية بصحتك ناخر
وايّاك تنكر ربّك وما تصوم
بتصير متل الريح يا هاني
ترافق مراكب عمر وبواخر

بحر الزجل[/COLOR][/SIZE]

hany nassif · 23-11-10, 12:37 AM

[SIZE="5"][COLOR="blue"]بحياة الله هيك خليني
بايع حياتي بحق قنيني
ما عاد عندي جسم يحمل بنج
شك الابر و البنج كاويني
لا تفتكرها هيك قصة غنج
كتر الابر غير تكاويني
شو بصارحك صارت حياتي سفنج
تمتص لون الحزن عا جبيني
و لا عاد هاني يا صديقي خلنج
ما عاد ينفع غير يا سليمان
طفّي بايدي شمعة سنيني
[/COLOR][/SIZE]

[SIZE="4"][COLOR="blue"][COLOR="red"]ابوعلي[/COLOR][/COLOR][/SIZE]

slayman · 23-11-10, 12:39 AM

[SIZE="6"][COLOR="navy"]ألشاعر سليمان طراد
قديّش ناطر شوفك قبالي
راكع تصلّي الربنا العالي
ولا تكون كافر بالدني ويأسان
وترجع لربّك حر يا غالي
انتي بتعرف عيشة الأنسان
خوف وتعب بحكيك عن حالي
عم بشتغل صاير متل فدان
منشان اقدر عيّش عيالي
وانتي عا خمرة مغيّر العدان
وصاير بعمرك ما بقا تبالي
بوصيّك ترجع تشرب الإيمان
وتقول الله يعيني ما زال
عايش بدنيا قاسية بالي

بحر الزجل[/COLOR][/SIZE]

slayman · 23-11-10, 12:41 AM

[SIZE="6"][COLOR="navy"]ألشاعر سليمان طراد
من مين بدك تختفي من مين
خلفك انا بحر وهوا ما بلين
وما بتركك بالآخ تتسلّى
ألا ما جبلك للجرح سكيّن
شعرك خلق آفاق وتجلّى
وطيّر بجو الموهبة حساسين
وعمرك بقي عا حفّتو وخلّى
زهرة ربيعك والعمر عشريييييين
آخ آخ
حسيّت ها اليومين متحلّى
ملبّس بيوتك من مرج ياسمين
وناطر تموت وقلت عا ألله
عيشة ابن ناصيف يا مسكين
وانتي ملاك وجانحك علّى
عا غيم فصّل بدلتو من الطين
يا ريتك بتغفا بفنزولا
تا كنت أرثي الشعر يا هاني
واعتب انا ..مش كاتب دواوين

بحر الزجل

ألشاعر سليمان طراد
قطّعت قلبي بس ما حسيّت
عندي انا الأحساس بالمرّة
ونزلت دموعي بس عا السكيت
لمّا الفنا شفتو وقف برّا
كرمال الله بس اكتوب بيت
ولا تترك الألهام يتعرّا
خليّك رايق ضل متل الزيت
ونفسك عزيزي وعايشي حرّة
يمكن عليك قسيت ما حبيّت
اشفق لأنّي مهاجر ومعروف
قاسي المتلي عيشتو برّا

بحر الزجل

ألشاعر سليمان طراد
يا عمر يمكن تجرح بيوتي
بجروح هاني حروف منحوتي
لكن ما فيني بيع للأحباب
كذبة ...ما عاشت يوم ببيوتي
بحكي الحقيقة ولو سمعت عتاب
بحيث العمر عا شكل بسكوتي
بيخلص اذا بيكون عنا نياب
وبيبتدي بأطفال وتخوتي
من هيك يا هاني الدني دولاب
فوقو البشر أشلاء مزتوتي
وان كنت عاتل هم لا ترتاب
بحر الزجل قاسي وفي عندو قلب
مبارح قبض رعبون حانوتي

اعزروني انا قاسي

بحر الزجل[/COLOR][/SIZE]

hany nassif · 23-11-10, 12:29 PM

[SIZE="5"][COLOR="blue"]

وحياة الله جرحتني و بتضل
رفيقي و حبيبي و عز من خية
بس الوجع لما بي قلبي غل
حسيت غل و نار مأذية

في ناس قالو بو علي معتل
وعندو امور كتير عصوية
و عالخمر قلبو صار متل الخل
و تأثرو العقلات شي شوية

يمكن عمر هاني ورود الفل
و هلق اجت يا شريك شتوية
تهر الورق حتى الحقيقة تطل
و ارجع لاصلي طين مع مية

و عا هالحكي ما بلوم هاني انفل
هيدي الحقيقة بكل حنية
في ناس بدها تنتهي من هالارض
و في ناس بدها تبتدي فيي
[/COLOR][/SIZE]
[SIZE="4"][COLOR="red"]ابوعلي

[/COLOR][/SIZE]

hany nassif · 23-11-10, 12:32 PM

[SIZE="5"][COLOR="blue"]

بحياة ربك قوم كفنّي
عشقت الجحيم و تارك الجني

صاروا عروقي من الأبر تيباس
وما في ولا دكتور طمنّي

يمكن حياتي بالوقت تنقاس
وعمري بيكبر عاطفة بفنّي

لكن انا عارف يا ابن الياس
ختيرت دغري من زغر سني

و لو ردت تدفني بنعش الماس
بيصرخ ضمير الشعر يا انسان
بغير الكتب ممنوع تدفني
[/COLOR][/SIZE]
[SIZE="4"][COLOR="red"]ابوعلي

[/COLOR][/SIZE]

slayman · 23-11-10, 12:46 PM

[SIZE="6"][COLOR="navy"]ألشاعر سليمان طراد

لا تموت فوق كاسات ملياني
تزكّر خليل الشعر يا هاني
كان الفقير بيحمول القرحة
ومنعو الحكيم يشم ل قناني
وما شاف حتى بعيشتو فرحة
وصار يتلّقب بحرماني
وبتحس عندو بنغمتو جرحة
وجرحو يا هاني كان جوّاني
وبالرغم ما نفسيتو مرحة
كان الوجع ما يفارقو يعاني
متل العروس اللابسي الطرحة
بتنطر حبيب القلب لكن انت
ناطر الموت وناكرر دياني

بحر الزجل

ألشاعر سليمان طراد
شرب الخمر بدو فضاوة بال
وأنسان واعي يصب كاساتو
وقعدة بكوسبا بمنظر الشلّال
يسكب حلا من سحر ميّاتو
اترك الشرب وحاجتك كرمال
بيّك وامّك تا تصير منيح
صدّق يا هاني من الفزع ماتوا

بحر الزجل[/COLOR][/SIZE]

hany nassif · 24-11-10, 02:37 PM

[COLOR="blue"][SIZE="5"]

يا كاس البعرفك من شغل ايدي
غرامك بلسم جروحي العديدي
و لو انك يا بحر متلي محنّك
بتعرف قيمة الخمرة المفيدي
انا يا بحر كلما سألت عنك
بي كاسي بشوفك بسهرة سعيدة
و ببرحليون قلبي جن منك
لانو من الحلا صبيت كاسي
و سحبت الليل و عملتو قصيدي
[/SIZE][/COLOR]
[COLOR="red"][SIZE="4"]ابوعلي

[/SIZE][/COLOR]

تسجيل الدخول
اسم العضو:
كلمة المرور:	نسيت كلمة المرور؟
	تذكرني