حبك عملي بالقلب حرقه

[مازن ابراهيم]

عالعين كنتي مارقة مرقة
حبّك عملي بالقلب حرقة

عالورق ياما كتبت للحلوين
بحبك.. كتبت وشعلت الورقة

وياما كتبت رسايل بتلوين
لعيون خضرة بوقتها و زرقة

قبلك ماجتني رجفة كوانين
سرقتي إيديي من الجمر سرقة

وضيّعت ما بين العنب والتين
بكروم شربك غربها بشرقا

تا عرفت إنو العاشق المسكين
بيكون صادق مع وليفو بس
بيضل خايف لحظة الفرقة

مازن ابراهيم (الكفرون)