[SIZE="5"][COLOR="magenta"]نودّع سنة .... ونستقبل سنة \شعر وتقديم : جرجس وديع الموراني
=============
راس السنة.... والناس سهرانين
الكاسات بالراحات ....مرفوعا
كاسك.. يدقّوا الكاس.. فرحانين
وأصوات.. دق الكاس.. مسموعا
مدري.. ع كتر الفرح... سكرانين
مدري ..من الخمرا .......الممنوعا
وتلعب الخمرا .. ويضحكو الحلوين
ويتساءلو ...!! أيمت رح منوعا ؟؟
**
راس السنه ... هلّق علينا يطل
الكاسات بالراحات ... مرفوعا
كاسك ... سنه جديده .. عليك تحل
دعوة وفا ... من الكل .. مسموعا
الليله الفرح ... ملاّ قلوب الكل
ومن فرحتا .... سكرت الدلّوعا
وصارت بايديها .... عليك تدل
خلّيك شاطر ... قبل ما توعا
***
الايدين تلوي .... والخصور تميل
والشعر .. فوق الجيد ..مرجوحا
وعيون سودا ... بتحسبا قناديل
وخدود .. دورة قمر .. ملفوحا
بنيّات تضحك .. تكرج تهاليل
وشباب معها ... تقول رندوحا
مدري غني ... مدري صلا وترتيل
مدري سوا ... وآهات مجروحا
***
طال السهر ... كاسات عم بتدور
وعيون .. متلا تدور .. فرحانه
من فرحتا ... راحت الكل تزور
ترقص معن ... وترندح غناني
يا عيون حلوه ... شع منها النور
ويا رووس .. هدّا الخمر .. سكر انه
اتركني أنا .. مع هالسنه .. مسرور
تا يروح عام ... ويرجع التاني
***
خلص السهر ... قومو يا سكرانين
من حب صافي.... وخمرة العشّاق
الكاسات .. بالايدين .. فرغانين
والرووس معها .. ضيّعا الترياق
طل الصباح ... ونجمتو تخمين
بتقول الكن ... هالصبح مشتاق
صرنا بسنه جديده ... مع كوانين
قومو.. نسبّح ... ربّنا الخلاّق
***
منفرح براس السنة ... بعام جديد
ما منفتكر .. انّو العمر .. ماضي
مننطر يجي... اللي كان .. عنّا بعيد
مننسى .. ورا هالتل .. فيه وادي
منعمل فرح .. وشموع .. وزغاريد
منشرب .. ت يحلى .. الفرح بزيادي
مننسى .. ما نحسب .. من بعد هالعيد
شو عندنا .. غصّات .... منعاده !!!
***
يا سنه راحت .. من عمر محدود
ويا سنه جايي ... بعدها جديده
قد*يش عالجايي.... أمل معقود
وشو بذكر الراحت ... بتنهيده
قدّيش بالراحت ... خسرت وعود
وشو محمّل الجايي ...مواعيدي
ناطر تجي .... وناطر عليّ تعود
وعمري أمانه .... حاملا بايدي !!!!!!!
******
وكل عام وأنتم بخير ... وبكل المحبّة
المهيري ... جرجس وديع المورانمي

[/COLOR][/SIZE]

تسجيل الدخول
اسم العضو:
كلمة المرور:	نسيت كلمة المرور؟
	تذكرني