دعوة حوار وتحدّي

[echo]

شعنينة مباركة عا الجميع لا تواخدني عا التأخير كنا مشغولين بالأعياد وهلق انا ما عندي عربي عم اكتوب عا اللوحة لقالي ياها صديق بس تععبتني وعلتلي السكري صرلي ساعتين عم ابرم عا الحروف
انا هلق
بفرنسا عند ابني عم قضي ها الجمعتين وراجع


عممكون امطانيوس

[SIZE="5"]شعنينة مباركة عمي امطانيوس و ينعاد عليك و عولادك بالنسبة للوحة جربلي هالروابط اذا كنت حافظ الأحرف وين موضعا فيك تكتب بلا ما تطلع بالعربي
http://www.mshtawy.com/misc-misc_12.html
او
http://www.arabic-keyboard.org/

[SIZE="5"]تحياتي للجميع أحلى زجالة و احلى شعراء و بالتوفيق للي ميشاركو بالأو تي في[/SIZE][/SIZE]

[امطانيوس الزحلاو]

[SIZE="6"][COLOR="darkgreen"]تسلموا يا احبائي وما يزور انسان مستشفى

عمكن امطانيوس[/COLOR][/SIZE]

[امطانيوس الزحلاو]

[SIZE="6"][COLOR="green"]عممو موعي هون لازم تكمل موضوعك لأحترام القرّاء

عمكون امطانيوس[/COLOR][/SIZE]

[الموعي]

[منك يزحلاوي العمى يهرّ العمى............................شو بدّك بلاهوت فتّح بالحمى

سرّ الولادة للألوهية انتمى .............................حتى بمغارة ضيّقة النور انحمى

وسرّ النهاية للسما عاود سما.......................وإنت القلتْ وسّع طريقو إنّما

دور السما متل المغارة الضيّقة.....................مافي فرق بين المغارة والسما

[امطانيوس الزحلاو]

[SIZE="6"][COLOR="darkgreen"]لبنان سـُوريّا الحبيبة
جارتو
موّسع طريقو تفَضل علا
زيارتو
ضيق النفس وِسعْ الروايا
عارتو
صمّام!! خبزك وَسَعْو ع كارتــــو
وعيسى إذا عيون الإلاه
اختارتو
بها المدا الأرحب النَجم!
بشارتو
كل ما يشع النور بيكون
المسيح
وسّعْ طريق قيامتو من
مغارتـــو

عممكن امطانيوس[/COLOR][/SIZE]

[الموعي]

مبيّن ع هالردّة المناميي .................بتقرا ابن سيرين يوميي

ومتلك متل غيرك من الشعّار...............بتفطر عزوّادة خرافيي

شوف القمر علّق ب هالمشوار...........بأغصان ذاكرتي السماويي

وتمّي بشفّة ليل شفّة نهار ..............ضاقو تباسو شفّة صْبيي

ومهما السهر يوسع بكلّ ديار ...........مأ كّد إلو محطّة ختاميي

بتسحبْ جفونك عالعيون ستار.........وبتضيق تتنام بشفافيي

بوسع البرد بحكي وبضيق النار .........ولوتوسع الريح الشماليي

بدها العراوي تضيق عالأزرار ..........وتضيق قبّة وشال شتويي

تأمّل بأنفك فتحتين صغار .......... ضاقو وبشمّو كلّ غنيي

وسع الروايا دونها بينهار .........وبتنتهي الرحلة الحياتيي

وحتّى الأصابع تنقر الأوتار ........ويضلّ وهمي بين إيديي

ضاقو على الأوتار حتّى صار ......سقف السما ينقّط إلوهيي

وعاضيق سجّادة صلا بيغار ........منها المدى بركع بحرّيي

ومن ضيق قوني بشوّفك يا جار .......مريم بصورة لا نهائيي

وكليّة القدرة لها أسرار ..........بأبعاد مرئيي ولا مرئيي

وعيسى من القدرة خلق تيّار ......أبيض بحلة من الربوبيي

لوما يضيق بخشبتو المسمار.......مافي فدى ولا في قيامي تكون

ولا في مسيحي ولا مسيحيي