الهوّارة

[أبو شادي]

[SIZE="7"][COLOR="indigo"]هوّرْ يا بو الهوّارة ---- ما دام الدّنيا دوّارة
الشبّ بْآخِرتو خِتْيارْ -- الْبِنت بْتِصبَحْ خِتيارة[/COLOR][/SIZE]

[SIZE="6"][COLOR="darkred"]بِنْت وْشَبّ بْعُمْرِ الزّهْرْ --- بْيِتْمشّوا عَ ضْفافِ النّهْرْ
وْمَهما يْطولوا سْنين الدّهرْ -- يْمُرّوا بْسُرْعِة طيّارة

يا ويلي مْنِ سْنين القَهْرْ --- السّاعَة فيها بْمُدّة شَهْرْ
وِالآلام بْسِرّ وْجَهْرْ ------ بْنِخفيها خَلْف سْتارَة

ويلي مِنْ هَجْر الْمَحبوبْ --- اللي مْخَلَيلي قلبي يْذوبْ
بَبْعثلو 12 مَكتوبْ ----- يْجاوِبني بِالقَطّارة

ويلي عالشبّ الوَلْهانْ --- اللي مْقَضّي ليلو سَهرانْ
خُلْقو بيفِشّ بْفِنجانْ --- القَهوِة وْدَخْنِة سيجارة[/COLOR][/SIZE]

[فادي عجي]

الله ياأبو شادي من زمان ما سمعنا بجديد على هالمنتدى