25-04-11, 10:40 PM
[SIZE="4"]ألشاعر سليمان طراد
باسم بيقولوا الناس في عندك خيال***نازل من المريّخ كوكب من جمال
بحر الزجل داعيك يا ابن الحلال***تضوي مشاتل زهر وتعبّي سلال
تفضّل على موضوع راقي بلا جدال***ووزع نجومك عا اليمين وعا الشمال
شطوطي رمال محرّكي وبحري غضب***وما فيك يا دكتور تمشي عا الرمال
بحر الزجل
Bassem Zraik
سليمان يا بحر الزجل و الموهبة
شعرك حلم قبطان ع الشاطي ربي
تفضّل على قلبي متل خيّي و أبي
ببنيلك من ضلوع صدري المرتبة
لكن لا تتحدّى الفنا عا ملعبي
فكري سما للشعر و لساني نبي
و مهما يا بحر تعربد و تعصف غضب
إجمد عند ما بتلمسك ايد النبي
ألشاعر سليمان طراد
طلبناك تمشي عا الرمال وما تهاب***لقيناك جايي عا البحر لابس تياب
خليّت موجي يروق تا تشد الركاب***وقفيّت كاس الشمس وسقيت الغياب
ولمّا لقيتك خفت حكمك اكتئاب***وهربت مني لا سؤال ولا جواب
قررت خلّي الدر يا باسم معي***ان حبيّت تقطف در انزل عا العباب
بحر الزجل
Bassem Zraik
الخلقان تاج الموهبة و درّو معو
بعباب بحرك صدفتك مش مطمعو
خلّي البحث ع النت يبقا بموضعو
بخوف و كآبة سامعك ما بتقنعو
و اللي ع بحرك جاهدو و جدّو و سعو
يجيبو الدراري من الغميق و يرجعو
لولا ما رملي استقبل رجوع البطل
قلّي ببحرك درّتك شو بتنفعو
ألشاعر سليمان طراد
الصدفة اللي جمعت بحر مع شاطي احترق***شربت غياب الروح كبّاية عرق
وغيم الوحي لو فوقك بصدفة مرق***بتصير شاعر...!! من حضن الله سرق
وتا تشيل درّي غوص لا تخاف الغرق***الشارب سفينة ضو ما بيبلع ورق
ولا تضل متل الرمل تستقبل مواج***تصيّد الرزقة وبلل جبينك عرق
بحر الزجل
Bassem Zraik
فوق الرمل قاعد مع القد النحيل
ت اسمر جسم الموهبة بشمس الأصيل
و رملي البقي لمواجك الضاعت دليل
شاعر وصل جيل المضى في غير جيل
و لمّا السفينة بلعتها بحملا التقيل
و ضاعوا البشر بين الرجا و المستحيل
شافوا المنارة الع الشواطي معمّرة
و هربوا من الموجات لم لاقوا السبيل
رح عيدها و عمر الشعر بعدو طويل
و وحدي بحمل القافية بقدر بشيل
سألتك سؤال تجاوبو و تعطي الدليل
مني هربت بالغيم ت تلاقي البديل
ألشاعر سليمان طراد
خليّك نايم فوق شطّ الزكريات***متل العجايز ناطرة ترجع بنات..!!
تلحلح يا ابني وروح جاهد بالحياة***ولا تضّل تمّك فاتحو وتقول هات
بحر الزجل عا النت عندو واجبات***يطوّر مواهب شعر ويشجّع هواة
من حيث جايي البحر حتى يشجعك *** اياك تنسى بالعنق طوق النجات
بحر الزجل
Bassem Zraik
ختير الشاطي و طل ع الرمل المشيب
و بعدك طفل عم ترضع شفافك حليب
و من حيث عقلي راجح و فكري لبيب
خطبت العلم حتّى وعي براسي الطبيب
و ما زال شعري مشعشع الكون الرهيب
حبّيت ابقى ع الشواطي يا أديب
و نشرت شرشف نور عا كلّ الدني
و تركتك بعتم البحر تايه يا كئيب
.
.
.
خلّي القوافي بموضعا يا عندليب
و لا تضيّع الموضوع وين الدر جيب
ألشاعر سليمان طراد
تركني كئيب وموجتي تحمل يخوت***ولا شوف كل نهار عالم عم تموت
فضّلت خبّي الدر عن عينك وفوت***بضو الخيال النايم بأجمل تخوت
ولا ضل متلك عا الرمل ابني بيوت***فيها قراصنة القصايد والبيوت
من هيك ما ضويّت دري بمسمعك***وضليّت صايم عمرببحور السكوت
بحر الزجل
Bassem Zraik
مرّ العمر ع نحاسك و صدّا الحنين
لا تسوّقو جوهر مع الشعر التمين
و بيتي الحضن طفلة يتيمة بلا معين
بحرك خطفلا بيّها و تَرْكو سجين
و هلّق ع بالي اسألك كنّك فطين
وعّي القريحة و اعتني و حك الجبين
لولا زرعت بالموج كلّ مواسمك
قلّي بأيّا مطحنة بتجمع طحين
ألشاعر سليمان طراد
لمّا عا برّك تشعر الناس بطفر***بتركض لعندي حاملي تياب السفر
واسمي بكتب الدين تاريخ انحفر***وبرّك زفت مفلوش ودروبك حفر
موسى مرق عا مواج بحري بلا شفر***وشقيّت صدري وما تركت يغرق نفر
ومش بس قلبي افتحت لموسى الكليم***عيسى مرق...!! عا الموج والزنب انغفر
بهههههههههههه
بحر الزجل
Bassem Zraik
موسى الكليم منين الوصايا نشر
لو ما حمل ع البرّ لوحين الحجر
و لا تفاخر ببابور على المينا صفر
صرنا بعصر الناس وصلوا ع القمر
و قدموس رب العلم تايهدي البشر
ع خدود صخري منارة حروفو حفر
و اليوم يا سليمان لولا هالحروف
من وين شعرك كان ع النت انتشر
عيسى دعس ع الموج و البحر انتهر
و موسى بعصاتو أدّبو و صدرو انشطر
كلما طلبت تفسير أو و جهة نظر
بتبلّش تعلّي صوت زمور الخطر
ألشاعر سليمان طراد
فالش يا بحر الشمس موجاتك زهور***وعا شطوط ابن زريق ضويّت الصخور
بأيا لغا رح فهّمك حتى تثور***وبعدك متل ما بعرفك عاشق قبور
بحري حمل قدموس عا مواج الشعور***تا صار حرف الأبجدية يشع نور
وانتي ما فيك حميت حالك يا حلو***تلوّثت بالمازوت عا شطوط الغرور
بحر الزجل
Bassem Zraik
قلبي حفظ جسم المسيح و ما انسرق
حتّى بتالت يوم من صدري شرق
و كلما ع بيت النار مازوتي مرق
بتشوف هبّ البرد والتلج احترق
و صخري العصي ع الريح و الموج اخترق
باست جبينو الشمس تا شعرا فرق
و عا برّ ابن زريق يا بحر الزجل
بيتكسر الإعصار لو بابي طرق
ألشاعر سليمان طراد
صخرك برشتو بالرياح وبالمواج***تا صار شطّ الرمل يعلن احتجاج
ومازوتك اللوّث لآلي عا البلاج***جيبو تا يدفى الشعب بيكفّي غناج
موج القصيدة رصاص عامل ابتهاج***خزّق شراشف شطّك بموج الهياج
من هيك لازم تنتبه لا خزّقك ***وتكون عاقل ...!!لا تعكّرلي المزاج
بحر الزجل
Bassem Zraik
رصاص العلى جنوبك يا بو شربل قسي
خلّف جرايم ما حدا منّا نسي
و ع مواج بحرك طلّ حلف الأطلسي
و خلّف على شطّي السفينة المجرسة
لو ما المقاوم بالليالي المؤنسة
يزرع بقلبو البلبلة و الهودسة
ما طرد اسرائيل من أرض الجنوب
و ما تعمّرت في أرض قانا مدرسة
شدّيت عا حالك قبل دقّ النفير
و ضربت فييّ و انكسر راس الكبير
شقّيت صدري تا نبع منّي الغدير
و سقيت زهر الزنبقة و النرجسة
ألشاعر سليمان طراد
لا تعتبوا لو سبّ باسم أو هجي***صارت الموضة بالتهجّم دارجي
لو شفت بحري هاج صوبي لا تجي***ان ما كنت بالأبداع شاعر حربجي
حرب المقاوم غير حرب البلطجي***وحتّى اليهودي بقلب بحري ما نجي
تزكّر حرب تموز ..والسيد حسن***شوفوا احترق بالبحر أكبر بارجي
شقيّت صدرك ما طلع غير االغبار***فاضي يا حسرة متل ما بتفضى الجرار
ولما وصلت عا البحر ومعوكر حجار***كانت دموعك متل نبعة وكارجي
لا تعتبو ....
بحر الزجل
Bassem Zraik
اكتفي يا برّ من بحر المنايا
وعي الشاطي ع ردّاتي القوايا
سكبت شلال أشعار و قوافي
متل خمر المعتّق بالزوايا
أنا شعري عطا الوردة اللطافة
و عطا اللي بيسمعو قدس العطايا
يا بو شربل انا حملت التجافي
و تعدّي هياج بحرك ع البرايا
و ع شطّي فاتح لموجك مضافة
تجي و تروح و تحمّل هدايا
فرشت لمقاوم استبسل لحافي
طلق صاروخ من قلب الودايا
و حمي الزهر اللي فتّح ع الحفافي
من بوارج اجت ع مواج بحرك
و انت سخّرت موجاتك مطايا
ألشاعر سليمان طراد
يا بحر الضو نقّي عا حسابي***مراكب حاملي حروف الكتابي
ولا تستسلم لشاطي ما تبلل***بغير الزفت وتلوّث ترابي
المقاوم يا ولد لمّا استبسل***أخد من موجتي عناد وصلابي
وببحري بارجة أولبريت شعّل***عا ضهر الموج ما ضيّع إصابي
انا بحري يا باسم ضهر حمّل***مراكب صيد عم تنخر عبابي
حملت الشوق من شاطي تا ارحل ***عا تاني بلاد تا فرّح حبابي
ولأنك بالزجل شاعر مدلل***وحبيب القلب من خيرة صحابي
رحمتك وتركت شطّك مجمّل***صبايا تبورد برملك يا باسم
وغواني تشعل بميّة عذابي
بحر الزجل
و هادا الرابط للأمانة
باسم بيقولوا الناس في عندك خيال***نازل من المريّخ كوكب من جمال
بحر الزجل داعيك يا ابن الحلال***تضوي مشاتل زهر وتعبّي سلال
تفضّل على موضوع راقي بلا جدال***ووزع نجومك عا اليمين وعا الشمال
شطوطي رمال محرّكي وبحري غضب***وما فيك يا دكتور تمشي عا الرمال
بحر الزجل
Bassem Zraik
سليمان يا بحر الزجل و الموهبة
شعرك حلم قبطان ع الشاطي ربي
تفضّل على قلبي متل خيّي و أبي
ببنيلك من ضلوع صدري المرتبة
لكن لا تتحدّى الفنا عا ملعبي
فكري سما للشعر و لساني نبي
و مهما يا بحر تعربد و تعصف غضب
إجمد عند ما بتلمسك ايد النبي
ألشاعر سليمان طراد
طلبناك تمشي عا الرمال وما تهاب***لقيناك جايي عا البحر لابس تياب
خليّت موجي يروق تا تشد الركاب***وقفيّت كاس الشمس وسقيت الغياب
ولمّا لقيتك خفت حكمك اكتئاب***وهربت مني لا سؤال ولا جواب
قررت خلّي الدر يا باسم معي***ان حبيّت تقطف در انزل عا العباب
بحر الزجل
Bassem Zraik
الخلقان تاج الموهبة و درّو معو
بعباب بحرك صدفتك مش مطمعو
خلّي البحث ع النت يبقا بموضعو
بخوف و كآبة سامعك ما بتقنعو
و اللي ع بحرك جاهدو و جدّو و سعو
يجيبو الدراري من الغميق و يرجعو
لولا ما رملي استقبل رجوع البطل
قلّي ببحرك درّتك شو بتنفعو
ألشاعر سليمان طراد
الصدفة اللي جمعت بحر مع شاطي احترق***شربت غياب الروح كبّاية عرق
وغيم الوحي لو فوقك بصدفة مرق***بتصير شاعر...!! من حضن الله سرق
وتا تشيل درّي غوص لا تخاف الغرق***الشارب سفينة ضو ما بيبلع ورق
ولا تضل متل الرمل تستقبل مواج***تصيّد الرزقة وبلل جبينك عرق
بحر الزجل
Bassem Zraik
فوق الرمل قاعد مع القد النحيل
ت اسمر جسم الموهبة بشمس الأصيل
و رملي البقي لمواجك الضاعت دليل
شاعر وصل جيل المضى في غير جيل
و لمّا السفينة بلعتها بحملا التقيل
و ضاعوا البشر بين الرجا و المستحيل
شافوا المنارة الع الشواطي معمّرة
و هربوا من الموجات لم لاقوا السبيل
رح عيدها و عمر الشعر بعدو طويل
و وحدي بحمل القافية بقدر بشيل
سألتك سؤال تجاوبو و تعطي الدليل
مني هربت بالغيم ت تلاقي البديل
ألشاعر سليمان طراد
خليّك نايم فوق شطّ الزكريات***متل العجايز ناطرة ترجع بنات..!!
تلحلح يا ابني وروح جاهد بالحياة***ولا تضّل تمّك فاتحو وتقول هات
بحر الزجل عا النت عندو واجبات***يطوّر مواهب شعر ويشجّع هواة
من حيث جايي البحر حتى يشجعك *** اياك تنسى بالعنق طوق النجات
بحر الزجل
Bassem Zraik
ختير الشاطي و طل ع الرمل المشيب
و بعدك طفل عم ترضع شفافك حليب
و من حيث عقلي راجح و فكري لبيب
خطبت العلم حتّى وعي براسي الطبيب
و ما زال شعري مشعشع الكون الرهيب
حبّيت ابقى ع الشواطي يا أديب
و نشرت شرشف نور عا كلّ الدني
و تركتك بعتم البحر تايه يا كئيب
.
.
.
خلّي القوافي بموضعا يا عندليب
و لا تضيّع الموضوع وين الدر جيب
ألشاعر سليمان طراد
تركني كئيب وموجتي تحمل يخوت***ولا شوف كل نهار عالم عم تموت
فضّلت خبّي الدر عن عينك وفوت***بضو الخيال النايم بأجمل تخوت
ولا ضل متلك عا الرمل ابني بيوت***فيها قراصنة القصايد والبيوت
من هيك ما ضويّت دري بمسمعك***وضليّت صايم عمرببحور السكوت
بحر الزجل
Bassem Zraik
مرّ العمر ع نحاسك و صدّا الحنين
لا تسوّقو جوهر مع الشعر التمين
و بيتي الحضن طفلة يتيمة بلا معين
بحرك خطفلا بيّها و تَرْكو سجين
و هلّق ع بالي اسألك كنّك فطين
وعّي القريحة و اعتني و حك الجبين
لولا زرعت بالموج كلّ مواسمك
قلّي بأيّا مطحنة بتجمع طحين
ألشاعر سليمان طراد
لمّا عا برّك تشعر الناس بطفر***بتركض لعندي حاملي تياب السفر
واسمي بكتب الدين تاريخ انحفر***وبرّك زفت مفلوش ودروبك حفر
موسى مرق عا مواج بحري بلا شفر***وشقيّت صدري وما تركت يغرق نفر
ومش بس قلبي افتحت لموسى الكليم***عيسى مرق...!! عا الموج والزنب انغفر
بهههههههههههه
بحر الزجل
Bassem Zraik
موسى الكليم منين الوصايا نشر
لو ما حمل ع البرّ لوحين الحجر
و لا تفاخر ببابور على المينا صفر
صرنا بعصر الناس وصلوا ع القمر
و قدموس رب العلم تايهدي البشر
ع خدود صخري منارة حروفو حفر
و اليوم يا سليمان لولا هالحروف
من وين شعرك كان ع النت انتشر
عيسى دعس ع الموج و البحر انتهر
و موسى بعصاتو أدّبو و صدرو انشطر
كلما طلبت تفسير أو و جهة نظر
بتبلّش تعلّي صوت زمور الخطر
ألشاعر سليمان طراد
فالش يا بحر الشمس موجاتك زهور***وعا شطوط ابن زريق ضويّت الصخور
بأيا لغا رح فهّمك حتى تثور***وبعدك متل ما بعرفك عاشق قبور
بحري حمل قدموس عا مواج الشعور***تا صار حرف الأبجدية يشع نور
وانتي ما فيك حميت حالك يا حلو***تلوّثت بالمازوت عا شطوط الغرور
بحر الزجل
Bassem Zraik
قلبي حفظ جسم المسيح و ما انسرق
حتّى بتالت يوم من صدري شرق
و كلما ع بيت النار مازوتي مرق
بتشوف هبّ البرد والتلج احترق
و صخري العصي ع الريح و الموج اخترق
باست جبينو الشمس تا شعرا فرق
و عا برّ ابن زريق يا بحر الزجل
بيتكسر الإعصار لو بابي طرق
ألشاعر سليمان طراد
صخرك برشتو بالرياح وبالمواج***تا صار شطّ الرمل يعلن احتجاج
ومازوتك اللوّث لآلي عا البلاج***جيبو تا يدفى الشعب بيكفّي غناج
موج القصيدة رصاص عامل ابتهاج***خزّق شراشف شطّك بموج الهياج
من هيك لازم تنتبه لا خزّقك ***وتكون عاقل ...!!لا تعكّرلي المزاج
بحر الزجل
Bassem Zraik
رصاص العلى جنوبك يا بو شربل قسي
خلّف جرايم ما حدا منّا نسي
و ع مواج بحرك طلّ حلف الأطلسي
و خلّف على شطّي السفينة المجرسة
لو ما المقاوم بالليالي المؤنسة
يزرع بقلبو البلبلة و الهودسة
ما طرد اسرائيل من أرض الجنوب
و ما تعمّرت في أرض قانا مدرسة
شدّيت عا حالك قبل دقّ النفير
و ضربت فييّ و انكسر راس الكبير
شقّيت صدري تا نبع منّي الغدير
و سقيت زهر الزنبقة و النرجسة
ألشاعر سليمان طراد
لا تعتبوا لو سبّ باسم أو هجي***صارت الموضة بالتهجّم دارجي
لو شفت بحري هاج صوبي لا تجي***ان ما كنت بالأبداع شاعر حربجي
حرب المقاوم غير حرب البلطجي***وحتّى اليهودي بقلب بحري ما نجي
تزكّر حرب تموز ..والسيد حسن***شوفوا احترق بالبحر أكبر بارجي
شقيّت صدرك ما طلع غير االغبار***فاضي يا حسرة متل ما بتفضى الجرار
ولما وصلت عا البحر ومعوكر حجار***كانت دموعك متل نبعة وكارجي
لا تعتبو ....
بحر الزجل
Bassem Zraik
اكتفي يا برّ من بحر المنايا
وعي الشاطي ع ردّاتي القوايا
سكبت شلال أشعار و قوافي
متل خمر المعتّق بالزوايا
أنا شعري عطا الوردة اللطافة
و عطا اللي بيسمعو قدس العطايا
يا بو شربل انا حملت التجافي
و تعدّي هياج بحرك ع البرايا
و ع شطّي فاتح لموجك مضافة
تجي و تروح و تحمّل هدايا
فرشت لمقاوم استبسل لحافي
طلق صاروخ من قلب الودايا
و حمي الزهر اللي فتّح ع الحفافي
من بوارج اجت ع مواج بحرك
و انت سخّرت موجاتك مطايا
ألشاعر سليمان طراد
يا بحر الضو نقّي عا حسابي***مراكب حاملي حروف الكتابي
ولا تستسلم لشاطي ما تبلل***بغير الزفت وتلوّث ترابي
المقاوم يا ولد لمّا استبسل***أخد من موجتي عناد وصلابي
وببحري بارجة أولبريت شعّل***عا ضهر الموج ما ضيّع إصابي
انا بحري يا باسم ضهر حمّل***مراكب صيد عم تنخر عبابي
حملت الشوق من شاطي تا ارحل ***عا تاني بلاد تا فرّح حبابي
ولأنك بالزجل شاعر مدلل***وحبيب القلب من خيرة صحابي
رحمتك وتركت شطّك مجمّل***صبايا تبورد برملك يا باسم
وغواني تشعل بميّة عذابي
بحر الزجل
و هادا الرابط للأمانة
[URL="http://www.facebook.com/topic.php?uid=2229476199&topic=18046&post=136777#post.136777"]http://www.facebook.com/topic.php?uid=2229476199&topic=18046&post=136777#post.136777[/URL]
[/SIZE]