23-06-11, 11:46 AM
[SIZE="5"]قبل الإطلاع على مضمون هذا الحوار المميز , وجب عليَّ التذكير بزيارتنا الأخيرة إلى لبنان حيث كان لنا شرف التعرف على الشاعرة هيفاء العنداري وزيارتها في منزلها والتعرف على عائلتها الكريمة , وما انتابنا من شعور المحبة والكرم والاهتمام التي غمرونا بها خلال هذه الزيارة , لذا اسمحوا لي ان استغل هذا المقابلة لأعبر عن شكري وجل احترامي للشاعرة هيفا وسعادتي الكبيرة بالتعرف عليها وتمناتي لعائلتها بدوام التوفيق وتحياتي الصادقة للشاب الخلوق رمزي ابن اخت هيفا ., وعلى أمل اللقاء دائماً .
![[صورة: haifaa_andari1.JPG]](http://marmarita.org/uploader/uploads/haifaa_andari1.JPG)
[COLOR="red"]• عرّفينا عن هيفا العنداري بكلمتين/ ضيعتك
وشو العلاقه بين بيتِك والشعر ؟[/COLOR]
ـــ هيفاء فهد العنداري من ضيعه إسمها العباديّه بجبل لبنان يللي فيها عيون الميّ بتعبّي جرارها من عيون الشّعر
خلقت ببيت معجوق بالشعر والفن بيي كان خطاط للجمهوريه اللبنانيه وكان محب للشعر وصديق لعدد كبير من الشعراء الكبار منهن أمير الزجل المرحوم وليم صعب
[COLOR="red"]• كيف بلّشتي الزجل ومين أكتر من شجّعِك؟[/COLOR]
ـــ الزّجل يللي بلّش معي والتشجيع من أهلي أكيد. بيتنا كلو مواهب شعريه وفنيّه وأي موهبه بتبيّن عند حدا منّا بيلاقي التشجيع الكافي من الأهل
[COLOR="red"]• عرفنا إنّك متزوجه عرّفينا على عيلتِك[/COLOR]
ـــ متزوّجه من زياد زيدان وعندي بنت اسمها جنى هيي كل شي بحياتنا
[COLOR="red"]• شو أحلى شي كتبتي لزوجك وبنتِك؟[/COLOR]
ـــ ما فيني قول شو أحلى شي كتبت لزوجي وبنتي لأنه كل قصيدة إلها ظرف معين وإحساس معين. وبحب إنو إتوفق بالصور الحلوة كلما عبرت عن إحساسي. بهاللحظة بتخطر ع بالي قصيدة لبنتي بعيد ميلادها فيها مقطع بيقول:
«نقّي بعيدِك بسّ واسْتَحْلي
شي نجم يمّا عالقمر رحلي
بقطف إلِك نجمات ما بتنطال
وِبْشِكّهن بالخيط عا مهلي
بطرِّز على مريولِك وعالشال
عا قدّ ما الأوقات تسمحلي
وصوب القمر بسحب معك بخيال
ولو صرت بسنين العمر كهلي
صرتي صبيّه وكبرِت الآمال
وكلما كبرتي عام عم تِحْلي»
[COLOR="red"]• بمين تأثّرتي سابقا بشعراء الزجل[/COLOR]
ـــ تأثّرْت بالبداية كتير بشاعْر الضيعه أسعد السّبعلي
وحبيت البساطه بشعرو وانسجمت مع شعر إيليّا ابو شديد
[COLOR="red"]• شو بيميّزِك كشاعرة إنترنت ومديرة موقع زجل؟[/COLOR]
ـــ بالإذن من «السايح» ما بعتقد إنو تعبير شاعر أو شاعرة الإنترنت دقيق. الشعر واحد مهما كانت الوسيلة اللي بتنقلو. لكن نحنا محظوظين إنو الإنترنت عم تسمحلنا نوصل شعرنا على نطاق أوسع داخل وخارج بلداننا. وهيذا هو التميز اللي بشعر فيه بإستخدام هالعالم الواسع. الشعر العامي ببلادنا شعر منابر أو شعر كتب. والمنابر وجوقات الزجل ما كان فيها مكان للمرأة. ولهلق بظن إنو ما في تقبل للفكرة. منشان هيك كانت فرصة خروج الشاعرات من دفاترهن الزغيرة تا يقروهن الناس ويعرفوهن محدودة. الإنترنت كسرت هالقيود. وصارت دفاترنا مفتوحة للكل وحققنا إعتراف بشاعريتنا وبرأنا الشعر العامي من فكرة خاطئة كانت بتحصروا بالرجل وأكدنا إنو الشعر ما بيميز بين شاعر وشاعر، رجل او إمرأة، إلا بالموهبة والعمق والكلمة الحلوة.
بالنسبة لموقعنا (موقع زجل) أعطاني المنبر اللي كنت دايما أطمحلو. وأعطاني الفرصة تا تكون إلى كلمة حول نوعية الشعراء اللي منفتحلهن صفحاتنا ومستوى الشعر اللي بيننشر عندنا. ولما بشوف الأسماء المرتبطة بالموقع اليوم بحس بإعتزاز وبفتخر إنو هالشعر الحلو أدى لصداقات حلوة ولإحساس بالأسرة الشعرية. وبحب قول إنو على مدى ست سنين ما كان في ولا شاعره غيري على موقعنا مع إني كنت إسمع إنو في شاعرات عم تكتب وبتنشر عالإنترنت. بس هالسنه انضمت إلنا الشاعره ثناء حيدر
[COLOR="red"]• مين متلِك وقدوتِك من شعراء الإنترنت؟[/COLOR]
ـــ قدوتي الكلمة الحلوة. والقارئ بالنهاية بيقيم وبيقارن.
[COLOR="red"]• مين أهم شاعر عالإنترنت برأيِك؟[/COLOR]
ـــ ما في أهم شاعر في شعراء مهمّين بينشروا عالإنترنت. وإذا بدي عدّ الكل
ما بتساع هالصفحه. على سبيل المثال بس بحب قول إنو موقع زجل وموقع برحليون ومشتى الحلو، جمعوا شعرا كبار كل واحد فيهن بيتميز بشي وبيحلق بمجالو. وكل واحد عندو معجبينو. ومتلما تفاجأنا بعدد الشعرا المبدعين من خلال التواصل عبر الإنترنت بتصور بعد في مفاجآت ناطرة فرصة تا نتعرف عليها. وبتمنى كل مرة نقول اكتشفنا شاعر مهم.
[COLOR="red"]• مين من هالشاعرين إلو أثر اكتر شربل كاملي أو عصام يوسف؟[/COLOR]
ـــ الشاعرين مميزين وبعتز بصداقتن. شربل شاعر كبير وقدّامو مستقبل ناصع.
بس ما كنت اعرف عنو قبل برنامج أوف. بينما الشاعر عصام يوسف بقرالو وبتابع كتاباتو من 5 سنين تقريبا وعندي مجموعه من قصايدو محتفظه فيها من قبلما أعرفو.
[COLOR="red"]• بتكتبي متلما بدها الناس او متلما بدّك انتي؟[/COLOR]
ـــ بكتب متلما بدّي. بس بالمناسبات اللي بعرف إنو الناس بيتوقعوا يسمعوا فيها شي محدد براعي الناس. شاعر الزجل مش من طبعو يضرب ويذبح ويقتل مثلا بس بالحفلات الناس بدن مراجل وما بيحلا الجو بلا التحدي. الكتابة خارج المناسبة والمنبر إلها طعم تاني وطابع شخصي أعمق.
[COLOR="red"]• بعرف عندِك إخوه وكلّهن بتحبيهن بس منهم أخ بتربطك معو علاقة مميزة. ممكن تعرفينا عليه؟[/COLOR]
ـــ خيي الشاعر والصحافي بسام العنداري هوي الأقرب إلي لأنه أعمارنا متقاربة ومضينا أطول فتره سوى بسبب سفر إخوتي الباقيين. وبعدنا سوى ولو كان بيطل مره بالسنه. وبعتبر بسام مرجعي الأول. من وقت ما بلشت إكتب تعودت آخذ برأيو متلما هوي كمان بياخذ برأيي ومن ايام طفولتنا ونحنا منتخانق بالشعر ومنتصالح بالشعر. وبسام ناشر ديوان بالفصحى (سنة ال 1989) بعنوان (لا شيء كأنه الشعر) وشاعر زجلي وعامي متنوع غنتلو الفنانة جوليا أغنيات «لما التقينا» و «بين الولدنة والجد» و «شو بدك» وأكيد سمعتولوا كم قصيده بصوت فراس العنداري ابن خيو. وبتمنى يطبع قصايده العامية قريبا.
[COLOR="red"]• عرفنا إنك طبعتي كتاب عرّفينا ع كتابِك[/COLOR]
ـــ كتابي إسمو «نتفة عطر» شرّفتني الدكتوره كلوديا أبي نادر بكتابة
مقدمتو. وهوي مجموعة قصايد متنوعه وطنيه وغزليه ووجدانيه
بتمنّى الكل يقروه
[COLOR="red"]• شو أوجه الشبه بينِك وين الشاعرات يللي مرقوا قبلِك؟[/COLOR]
ـــ هيذا أصعب سؤال بالمقابلة. معرفتي بالشاعرات العاميات قليلة. والسبب متلما ذكرت سابقا إنو المرأة ما كان عندها المنبر اللي تطل منو بشعرها حتى الناس يعرفوها ويقرولها. الشاعرة الوحيدة اللي بذكرها كانت حنينة ضاهر اللي فتحلها المرحوم وليم صعب صفحات مجلة بلبل الأرز والبيدر من أكتر من خمسين سنة تا تنشر فيها حد شعراء كبار متل على الحج وشحرور الوادي ووليم صعب نفسه. طبعا الأسلوب واللغة بيختلفوا كتير هون لأنو بسبب فارق السنين. ولكن بيكفي إنو تكون حنينة ضاهر ربما أول من كسرت قيود التقوقع عند الشاعرات تا إعتبرها من الرائدات.
[COLOR="red"]• عرفنا إنّك عملتي محاوره مع الشاعره ثناء حيدر
واخذت ضجّه شو رأيك بثناء؟[/COLOR]
ـــ ثناء شاعرة كبيره ومفاجأة حلوة لموقعنا. وعندا خبره بالأساليب القتالية (المنبرية طبعا) وتجربتي معها كانت مميّزه. ثناء عندا لغة قوية وصور جميلة. وهذا السبب اللي خلاني إتحاور معها. ومع إنو عندي حوارات مع شعراء عالأنترنت بس تميّزنا بهالحوار ولفتنا الأنظار يمكن لأنو الناس ما كانوا متوقعين إنو الستات ممكن يخوضوا التحدي. بس اثبتنا العكس.
[COLOR="red"]• انتي صديقه للشاعرين حسان بسطاطي وعصام يوسف
شو الفرق بين الشاعرين برايِك؟[/COLOR]
ـــ عصام بيروح بالخيال لمسافات بعيدة. بتحس إنو عندو عالم تاني ما بيكمل بلاه. بيظل سارح بسما الإلهام يحوّش قمار ملوّنه. وبدك تظلك تفتش عليه بزوايا الخيال تا ما تضيعو.
حسّان قريب كتير وقلبو كبير كتير ويللي بيقعد معه بيتخدّروا حواسو لأنه بيجبرك تصغي بعمق للعم يقولو. حسان وعصام إسمين ما رح ينتسوا.
[COLOR="red"]• شو رأيِك ببرنامج أوف بشكل عام؟[/COLOR]
ـــ برنامج أوف جمع الناس عالكلمه الحلوه ورجّع ايام الزجل وعرّفنا على شعراء مميزين. وهيك تأكّدنا إنو الزجل بعدو بألف خير. ملاحظتي شخصيا على البرنامج إنو ببعض جوانبو بيفرض حدود عم تظلم شعراء بيستاهلوا يكونوا بالمقدمة. الكتابة متلما بتطلب اللجنة بتقلل المساحة اللي الشاعر بيحتاجها تا يعبر عن اللي هوي بدو يقولو. وبعض الأحيان بشعر بظلم لشعراء كلمتهن بديعة بس صوتهن مش مساعدهن. وبحس إنو دفع ثمن الصوت ببرنامج يفترض تكون فيه الغلبة للكلمة بيتطلب إعادة نظر. بس عموما لا بد من الإعتراف بفضل برنامج أوف بتعريفنا بشعراء مميزين وتشجيعه تا يصير أحسن واحسن.
[COLOR="red"]• مين من خارج برنامج أوف بيعجبِك من الشعراء؟[/COLOR]
ـــ كلّن فيهن البركه وكل شاعر بيعطي الكلمه الحلوه والموزونه
بقرالو
[COLOR="red"]• مع مين بتحبّي تعملي امسيه شعريه؟[/COLOR]
ـــ في شعراء كتار بحب شارك معن بأمسيات بس بالوقت الحاضر
بتمنّى أعمل أمسيه مع الشاعر عصام يوسف
[COLOR="red"]• جمهورِك من النساء أو كبار العمر أو الشباب؟[/COLOR]
ـــ الجمهور من الشباب والصبايا أكتر من كبار العمر لأنه يللي عم يقرولنا عالإنترنت هنّي شباب وصبايا وطبعا كبار العمر ما في غنى عن وجودن معنا
[COLOR="red"]• شو طموحِك وأهدافِك ؟ بتحبي تترأسي جمعيه شعريه بيوم من الايام؟[/COLOR]
ـــ طموحي جمع شعراء الزجل والعامية ويكون إلهن صوت. برئاسة جمعية شعرية أو بدون رئاسة الهدف هوي الأساس. أنا طرحت الفكره ع ناس مقرّبين مني واقترحت أستضيف لقاءات شهريّه ببيتي مع الشعراء من لبنان وسوريا ويكون في تغطيه إعلاميّه للقاء تمهيدا لتوسيع نشاطاتنا. وانشالله هالفكرة بتتحقق.
[COLOR="red"]• شو أحلى قصيده أو ردّه سمعتيها أو قراتيها؟[/COLOR]
ـــ من أحلى ما قرأت مؤخرا قصيده للشاعر عصام يوسف بيقول فيها:
«لمّا الحرف
بيصير كاس نبيد
مَ بْيِنِشرَب إلا رباع.. رباع
ولمّا الحرف بيصير
شمعة عيد
بتوطى الشمس..
بتشعّلو بشعاع
ولمّا الحرف بيصير
حرف جليد
بيدوب حتّى نحسّ
بالإبداع
لكن إذا بيكون حرف جديد
وضيّق على الصوت
اللّي قلّو.. سماع..
بتكَبّسو
نجمِه بكفّ الإيد
وبتجوّرو
دعسِة قمر
ت يساع»..
[COLOR="red"]• شو أحلى قصيده أو ردّه كتبتيها؟[/COLOR]
ـــ خلينا بلا أحلى وأبشع. بحب ردد قصيدتي لغزّة اللي فيها بقول:
«ضوّيت شمع العيد كرمالك
تا تقشعي في ليلك الحالك
لقيتك عم تضوّي بدون شموع
ورح يحترق حالك عللى حالك
وشلاّل عم ينزل بدال دموع
من عيون عم تبكي ع أطفالك
وقلب العروبه بالعرب مفجوع
وإنتي بقلبك كبرت رجالك
والقال عن شعبك شعب مقموع
ومونة وخزاين مال ودّالك
نسيان إنك شعب ما بيجوع
يهون الرّدى وما يهون إذلالك
ما شاف راسك بالسما مرفوع
وصهيون عم يرجف من خيالك
هاجم عليكي والنفس مقطوع
وعم يلتهب من ضربة نعالك
بيكفي يا غزّه مجدك المصنوع
بالدم فوق ترابك المسلوب
ودمع الثّكالى الكسّر غلالك»
[COLOR="red"]• أنتي متواضعه؟ محبّه؟ مؤمنه؟[/COLOR]
ـــ اللي ما بيتواضع ما بيكسب محبة الناس. حب الناس نجحني وإيماني خلاّني حقق أحلامي
[COLOR="red"]• شو بتحبّي تقولي للبنان؟[/COLOR]
ـــ اللي قلته بديواني:
« بعدك...بتوقف تكّةِ الساعاتْ
وبتنمحي من كتابنا القصّهْ
وبتخلص من فكارنا الابياتْ
تنعيش مخنوقين بالغصّهْ
بعدك ما في إلنا سوى المجهولْ
وِسْكوتْ من أصوات مكتومه
بتمرق سنه لكن ما فيها فصول
لوحة بلا ألوان مرسومه
بعدك يا لبنان العدم جايي
يسرق الحلم بخفّة الّرّمشه
يجرف مراكب دون مرسايي
تا تغرق وما يوصل على الشط
غير الحمل من تربتك كمشه»
[COLOR="red"]• شو بتحبي تقولي للسايح؟[/COLOR]
ـــ شكر كبير للسايح وبتمنى تصير مجلّه مفتوحه اكتر عالناس وانشالله منصير نتسلمها بالبريد بصفحات ملوّنه بالشعر
• كلمه أخيره إلك
ـــ لاقونا ع موقع زجل[/SIZE]
![[صورة: haifaa_andari2.JPG]](http://marmarita.org/uploader/uploads/haifaa_andari2.JPG)
![[صورة: haifaa_andari3.JPG]](http://marmarita.org/uploader/uploads/haifaa_andari3.JPG)
![[صورة: haifaa_andari4.JPG]](http://marmarita.org/uploader/uploads/haifaa_andari4.JPG)
![[صورة: haifaa_andari5.JPG]](http://marmarita.org/uploader/uploads/haifaa_andari5.JPG)
[COLOR="blue"][SIZE="6"]إعداد وتقديم شاعر وادي قاديشا
سليمان طراد
الحوار منقول عن مجلة السائح[/SIZE][/COLOR]
[COLOR="red"]• عرّفينا عن هيفا العنداري بكلمتين/ ضيعتك
وشو العلاقه بين بيتِك والشعر ؟[/COLOR]
ـــ هيفاء فهد العنداري من ضيعه إسمها العباديّه بجبل لبنان يللي فيها عيون الميّ بتعبّي جرارها من عيون الشّعر
خلقت ببيت معجوق بالشعر والفن بيي كان خطاط للجمهوريه اللبنانيه وكان محب للشعر وصديق لعدد كبير من الشعراء الكبار منهن أمير الزجل المرحوم وليم صعب
[COLOR="red"]• كيف بلّشتي الزجل ومين أكتر من شجّعِك؟[/COLOR]
ـــ الزّجل يللي بلّش معي والتشجيع من أهلي أكيد. بيتنا كلو مواهب شعريه وفنيّه وأي موهبه بتبيّن عند حدا منّا بيلاقي التشجيع الكافي من الأهل
[COLOR="red"]• عرفنا إنّك متزوجه عرّفينا على عيلتِك[/COLOR]
ـــ متزوّجه من زياد زيدان وعندي بنت اسمها جنى هيي كل شي بحياتنا
[COLOR="red"]• شو أحلى شي كتبتي لزوجك وبنتِك؟[/COLOR]
ـــ ما فيني قول شو أحلى شي كتبت لزوجي وبنتي لأنه كل قصيدة إلها ظرف معين وإحساس معين. وبحب إنو إتوفق بالصور الحلوة كلما عبرت عن إحساسي. بهاللحظة بتخطر ع بالي قصيدة لبنتي بعيد ميلادها فيها مقطع بيقول:
«نقّي بعيدِك بسّ واسْتَحْلي
شي نجم يمّا عالقمر رحلي
بقطف إلِك نجمات ما بتنطال
وِبْشِكّهن بالخيط عا مهلي
بطرِّز على مريولِك وعالشال
عا قدّ ما الأوقات تسمحلي
وصوب القمر بسحب معك بخيال
ولو صرت بسنين العمر كهلي
صرتي صبيّه وكبرِت الآمال
وكلما كبرتي عام عم تِحْلي»
[COLOR="red"]• بمين تأثّرتي سابقا بشعراء الزجل[/COLOR]
ـــ تأثّرْت بالبداية كتير بشاعْر الضيعه أسعد السّبعلي
وحبيت البساطه بشعرو وانسجمت مع شعر إيليّا ابو شديد
[COLOR="red"]• شو بيميّزِك كشاعرة إنترنت ومديرة موقع زجل؟[/COLOR]
ـــ بالإذن من «السايح» ما بعتقد إنو تعبير شاعر أو شاعرة الإنترنت دقيق. الشعر واحد مهما كانت الوسيلة اللي بتنقلو. لكن نحنا محظوظين إنو الإنترنت عم تسمحلنا نوصل شعرنا على نطاق أوسع داخل وخارج بلداننا. وهيذا هو التميز اللي بشعر فيه بإستخدام هالعالم الواسع. الشعر العامي ببلادنا شعر منابر أو شعر كتب. والمنابر وجوقات الزجل ما كان فيها مكان للمرأة. ولهلق بظن إنو ما في تقبل للفكرة. منشان هيك كانت فرصة خروج الشاعرات من دفاترهن الزغيرة تا يقروهن الناس ويعرفوهن محدودة. الإنترنت كسرت هالقيود. وصارت دفاترنا مفتوحة للكل وحققنا إعتراف بشاعريتنا وبرأنا الشعر العامي من فكرة خاطئة كانت بتحصروا بالرجل وأكدنا إنو الشعر ما بيميز بين شاعر وشاعر، رجل او إمرأة، إلا بالموهبة والعمق والكلمة الحلوة.
بالنسبة لموقعنا (موقع زجل) أعطاني المنبر اللي كنت دايما أطمحلو. وأعطاني الفرصة تا تكون إلى كلمة حول نوعية الشعراء اللي منفتحلهن صفحاتنا ومستوى الشعر اللي بيننشر عندنا. ولما بشوف الأسماء المرتبطة بالموقع اليوم بحس بإعتزاز وبفتخر إنو هالشعر الحلو أدى لصداقات حلوة ولإحساس بالأسرة الشعرية. وبحب قول إنو على مدى ست سنين ما كان في ولا شاعره غيري على موقعنا مع إني كنت إسمع إنو في شاعرات عم تكتب وبتنشر عالإنترنت. بس هالسنه انضمت إلنا الشاعره ثناء حيدر
[COLOR="red"]• مين متلِك وقدوتِك من شعراء الإنترنت؟[/COLOR]
ـــ قدوتي الكلمة الحلوة. والقارئ بالنهاية بيقيم وبيقارن.
[COLOR="red"]• مين أهم شاعر عالإنترنت برأيِك؟[/COLOR]
ـــ ما في أهم شاعر في شعراء مهمّين بينشروا عالإنترنت. وإذا بدي عدّ الكل
ما بتساع هالصفحه. على سبيل المثال بس بحب قول إنو موقع زجل وموقع برحليون ومشتى الحلو، جمعوا شعرا كبار كل واحد فيهن بيتميز بشي وبيحلق بمجالو. وكل واحد عندو معجبينو. ومتلما تفاجأنا بعدد الشعرا المبدعين من خلال التواصل عبر الإنترنت بتصور بعد في مفاجآت ناطرة فرصة تا نتعرف عليها. وبتمنى كل مرة نقول اكتشفنا شاعر مهم.
[COLOR="red"]• مين من هالشاعرين إلو أثر اكتر شربل كاملي أو عصام يوسف؟[/COLOR]
ـــ الشاعرين مميزين وبعتز بصداقتن. شربل شاعر كبير وقدّامو مستقبل ناصع.
بس ما كنت اعرف عنو قبل برنامج أوف. بينما الشاعر عصام يوسف بقرالو وبتابع كتاباتو من 5 سنين تقريبا وعندي مجموعه من قصايدو محتفظه فيها من قبلما أعرفو.
[COLOR="red"]• بتكتبي متلما بدها الناس او متلما بدّك انتي؟[/COLOR]
ـــ بكتب متلما بدّي. بس بالمناسبات اللي بعرف إنو الناس بيتوقعوا يسمعوا فيها شي محدد براعي الناس. شاعر الزجل مش من طبعو يضرب ويذبح ويقتل مثلا بس بالحفلات الناس بدن مراجل وما بيحلا الجو بلا التحدي. الكتابة خارج المناسبة والمنبر إلها طعم تاني وطابع شخصي أعمق.
[COLOR="red"]• بعرف عندِك إخوه وكلّهن بتحبيهن بس منهم أخ بتربطك معو علاقة مميزة. ممكن تعرفينا عليه؟[/COLOR]
ـــ خيي الشاعر والصحافي بسام العنداري هوي الأقرب إلي لأنه أعمارنا متقاربة ومضينا أطول فتره سوى بسبب سفر إخوتي الباقيين. وبعدنا سوى ولو كان بيطل مره بالسنه. وبعتبر بسام مرجعي الأول. من وقت ما بلشت إكتب تعودت آخذ برأيو متلما هوي كمان بياخذ برأيي ومن ايام طفولتنا ونحنا منتخانق بالشعر ومنتصالح بالشعر. وبسام ناشر ديوان بالفصحى (سنة ال 1989) بعنوان (لا شيء كأنه الشعر) وشاعر زجلي وعامي متنوع غنتلو الفنانة جوليا أغنيات «لما التقينا» و «بين الولدنة والجد» و «شو بدك» وأكيد سمعتولوا كم قصيده بصوت فراس العنداري ابن خيو. وبتمنى يطبع قصايده العامية قريبا.
[COLOR="red"]• عرفنا إنك طبعتي كتاب عرّفينا ع كتابِك[/COLOR]
ـــ كتابي إسمو «نتفة عطر» شرّفتني الدكتوره كلوديا أبي نادر بكتابة
مقدمتو. وهوي مجموعة قصايد متنوعه وطنيه وغزليه ووجدانيه
بتمنّى الكل يقروه
[COLOR="red"]• شو أوجه الشبه بينِك وين الشاعرات يللي مرقوا قبلِك؟[/COLOR]
ـــ هيذا أصعب سؤال بالمقابلة. معرفتي بالشاعرات العاميات قليلة. والسبب متلما ذكرت سابقا إنو المرأة ما كان عندها المنبر اللي تطل منو بشعرها حتى الناس يعرفوها ويقرولها. الشاعرة الوحيدة اللي بذكرها كانت حنينة ضاهر اللي فتحلها المرحوم وليم صعب صفحات مجلة بلبل الأرز والبيدر من أكتر من خمسين سنة تا تنشر فيها حد شعراء كبار متل على الحج وشحرور الوادي ووليم صعب نفسه. طبعا الأسلوب واللغة بيختلفوا كتير هون لأنو بسبب فارق السنين. ولكن بيكفي إنو تكون حنينة ضاهر ربما أول من كسرت قيود التقوقع عند الشاعرات تا إعتبرها من الرائدات.
[COLOR="red"]• عرفنا إنّك عملتي محاوره مع الشاعره ثناء حيدر
واخذت ضجّه شو رأيك بثناء؟[/COLOR]
ـــ ثناء شاعرة كبيره ومفاجأة حلوة لموقعنا. وعندا خبره بالأساليب القتالية (المنبرية طبعا) وتجربتي معها كانت مميّزه. ثناء عندا لغة قوية وصور جميلة. وهذا السبب اللي خلاني إتحاور معها. ومع إنو عندي حوارات مع شعراء عالأنترنت بس تميّزنا بهالحوار ولفتنا الأنظار يمكن لأنو الناس ما كانوا متوقعين إنو الستات ممكن يخوضوا التحدي. بس اثبتنا العكس.
[COLOR="red"]• انتي صديقه للشاعرين حسان بسطاطي وعصام يوسف
شو الفرق بين الشاعرين برايِك؟[/COLOR]
ـــ عصام بيروح بالخيال لمسافات بعيدة. بتحس إنو عندو عالم تاني ما بيكمل بلاه. بيظل سارح بسما الإلهام يحوّش قمار ملوّنه. وبدك تظلك تفتش عليه بزوايا الخيال تا ما تضيعو.
حسّان قريب كتير وقلبو كبير كتير ويللي بيقعد معه بيتخدّروا حواسو لأنه بيجبرك تصغي بعمق للعم يقولو. حسان وعصام إسمين ما رح ينتسوا.
[COLOR="red"]• شو رأيِك ببرنامج أوف بشكل عام؟[/COLOR]
ـــ برنامج أوف جمع الناس عالكلمه الحلوه ورجّع ايام الزجل وعرّفنا على شعراء مميزين. وهيك تأكّدنا إنو الزجل بعدو بألف خير. ملاحظتي شخصيا على البرنامج إنو ببعض جوانبو بيفرض حدود عم تظلم شعراء بيستاهلوا يكونوا بالمقدمة. الكتابة متلما بتطلب اللجنة بتقلل المساحة اللي الشاعر بيحتاجها تا يعبر عن اللي هوي بدو يقولو. وبعض الأحيان بشعر بظلم لشعراء كلمتهن بديعة بس صوتهن مش مساعدهن. وبحس إنو دفع ثمن الصوت ببرنامج يفترض تكون فيه الغلبة للكلمة بيتطلب إعادة نظر. بس عموما لا بد من الإعتراف بفضل برنامج أوف بتعريفنا بشعراء مميزين وتشجيعه تا يصير أحسن واحسن.
[COLOR="red"]• مين من خارج برنامج أوف بيعجبِك من الشعراء؟[/COLOR]
ـــ كلّن فيهن البركه وكل شاعر بيعطي الكلمه الحلوه والموزونه
بقرالو
[COLOR="red"]• مع مين بتحبّي تعملي امسيه شعريه؟[/COLOR]
ـــ في شعراء كتار بحب شارك معن بأمسيات بس بالوقت الحاضر
بتمنّى أعمل أمسيه مع الشاعر عصام يوسف
[COLOR="red"]• جمهورِك من النساء أو كبار العمر أو الشباب؟[/COLOR]
ـــ الجمهور من الشباب والصبايا أكتر من كبار العمر لأنه يللي عم يقرولنا عالإنترنت هنّي شباب وصبايا وطبعا كبار العمر ما في غنى عن وجودن معنا
[COLOR="red"]• شو طموحِك وأهدافِك ؟ بتحبي تترأسي جمعيه شعريه بيوم من الايام؟[/COLOR]
ـــ طموحي جمع شعراء الزجل والعامية ويكون إلهن صوت. برئاسة جمعية شعرية أو بدون رئاسة الهدف هوي الأساس. أنا طرحت الفكره ع ناس مقرّبين مني واقترحت أستضيف لقاءات شهريّه ببيتي مع الشعراء من لبنان وسوريا ويكون في تغطيه إعلاميّه للقاء تمهيدا لتوسيع نشاطاتنا. وانشالله هالفكرة بتتحقق.
[COLOR="red"]• شو أحلى قصيده أو ردّه سمعتيها أو قراتيها؟[/COLOR]
ـــ من أحلى ما قرأت مؤخرا قصيده للشاعر عصام يوسف بيقول فيها:
«لمّا الحرف
بيصير كاس نبيد
مَ بْيِنِشرَب إلا رباع.. رباع
ولمّا الحرف بيصير
شمعة عيد
بتوطى الشمس..
بتشعّلو بشعاع
ولمّا الحرف بيصير
حرف جليد
بيدوب حتّى نحسّ
بالإبداع
لكن إذا بيكون حرف جديد
وضيّق على الصوت
اللّي قلّو.. سماع..
بتكَبّسو
نجمِه بكفّ الإيد
وبتجوّرو
دعسِة قمر
ت يساع»..
[COLOR="red"]• شو أحلى قصيده أو ردّه كتبتيها؟[/COLOR]
ـــ خلينا بلا أحلى وأبشع. بحب ردد قصيدتي لغزّة اللي فيها بقول:
«ضوّيت شمع العيد كرمالك
تا تقشعي في ليلك الحالك
لقيتك عم تضوّي بدون شموع
ورح يحترق حالك عللى حالك
وشلاّل عم ينزل بدال دموع
من عيون عم تبكي ع أطفالك
وقلب العروبه بالعرب مفجوع
وإنتي بقلبك كبرت رجالك
والقال عن شعبك شعب مقموع
ومونة وخزاين مال ودّالك
نسيان إنك شعب ما بيجوع
يهون الرّدى وما يهون إذلالك
ما شاف راسك بالسما مرفوع
وصهيون عم يرجف من خيالك
هاجم عليكي والنفس مقطوع
وعم يلتهب من ضربة نعالك
بيكفي يا غزّه مجدك المصنوع
بالدم فوق ترابك المسلوب
ودمع الثّكالى الكسّر غلالك»
[COLOR="red"]• أنتي متواضعه؟ محبّه؟ مؤمنه؟[/COLOR]
ـــ اللي ما بيتواضع ما بيكسب محبة الناس. حب الناس نجحني وإيماني خلاّني حقق أحلامي
[COLOR="red"]• شو بتحبّي تقولي للبنان؟[/COLOR]
ـــ اللي قلته بديواني:
« بعدك...بتوقف تكّةِ الساعاتْ
وبتنمحي من كتابنا القصّهْ
وبتخلص من فكارنا الابياتْ
تنعيش مخنوقين بالغصّهْ
بعدك ما في إلنا سوى المجهولْ
وِسْكوتْ من أصوات مكتومه
بتمرق سنه لكن ما فيها فصول
لوحة بلا ألوان مرسومه
بعدك يا لبنان العدم جايي
يسرق الحلم بخفّة الّرّمشه
يجرف مراكب دون مرسايي
تا تغرق وما يوصل على الشط
غير الحمل من تربتك كمشه»
[COLOR="red"]• شو بتحبي تقولي للسايح؟[/COLOR]
ـــ شكر كبير للسايح وبتمنى تصير مجلّه مفتوحه اكتر عالناس وانشالله منصير نتسلمها بالبريد بصفحات ملوّنه بالشعر
• كلمه أخيره إلك
ـــ لاقونا ع موقع زجل[/SIZE]
[COLOR="blue"][SIZE="6"]إعداد وتقديم شاعر وادي قاديشا
سليمان طراد
الحوار منقول عن مجلة السائح[/SIZE][/COLOR]
أنـــــــــــا مشتــــــــــاوي