|
عتابا
|
21-06-05, 01:26 PM
عشت يا قلب بي هالكون مالك سميع ولا مجيب يشوف مالك كنت تصرف عليهن كل مالك إلن الله بدينون بالحساب طلبتي القلب و كنت مناح واكتر من عيوني ع غيابك من ناح و يا حامل رسالة وجاي من ناح الحبايب رد دمعاتي الجواب أنا بالبيت إلك كل موني عصري قلبي بأيدك كلموني إذا عيونك بالأشسارة كلموني عيوني بلا حكي ردو الجواب
21-06-05, 02:12 PM
يا عيني يا عيني شو هاالحلا كلو شو هاد وين كنت من زمان يا زلمة
يا أهلاا وسهلا فيك يا سومر
16-07-05, 01:35 AM
اشتقنا للوطن ...
[size=5] [size=6]هل تسمحون لي بمشاركتكم من بعد إذنكم .... ------------------------- الدهــــــــرخـــــزّان أحـزانــو عَبالـــــــــي وفصّــــــــــل من حـزن لــيــلو عبَـــــا لـي وكل ما ســـــــــــوريا عـنـّت عَ بالــــــــي بســـــــــكب دمـــع عـينــــي عَ الحـبــــاب -------------------------[/size] [/size] ســوريا يا كمـام الـــورد ***** لـونو ع خـدودك صـافــــــي عـنـدك مني أحلى وعــــد ***** رجـعـة ع الحضــن الـدافي ![[صورة: domain-samarnet508120b898.gif]](http://www.samarnet.net/up-pic//uploads/images/domain-samarnet508120b898.gif) ســـوريا يا كمام الورد ** لونو عا خدودك صـافي عندك مني أحلى وعد ** رجعة عا الحضن الدافي
16-07-05, 02:28 AM
إلى الغاليه الست الفاضله " ثناء "
كوانا كي غربتنــا وراكي ____ منها تعبـت تـاتعـبـو وراكي
ثناء بتأمري ونحنا وراكي ____ باأوسع صدر منلبي الطلب
16-07-05, 03:50 AM
إلى الفارس
------------------ كتـــــــار ال دشّــــــرو أهلن وغلّو ------- وراحو بدرب غربـتـهم وغـلّو وضـل الفارس شــــــريم الوغى لو ------- جذورو بالــزّجل من ألف باب ------------------ ســوريا يا كمـام الـــورد ***** لـونو ع خـدودك صـافــــــي عـنـدك مني أحلى وعــــد ***** رجـعـة ع الحضــن الـدافي ســـوريا يا كمام الورد ** لونو عا خدودك صـافي عندك مني أحلى وعد ** رجعة عا الحضن الدافي
16-07-05, 04:10 AM
إلى الست المحترمه " ثناء " من " الفارس "
الزجل عشقان من عـدة نواحي ____ باأفراحي باأحزاني و نواحي
وإذا عالموت شي مره نوا حي ____ فينا الزجل ناوي عــــالغياب
16-07-05, 08:27 PM
:p
------------------ حروف الشــــــعر متلي تبرجو لي ------- الشــــــــعر بالرقة منو بالرجولي شــــــيوخ الشــــعر كلن برّا جولي ------- لأني ســـت من بين الشـــــــباب ----------------- ســـوريا يا كمام الورد ** لونو عا خدودك صـافي عندك مني أحلى وعد ** رجعة عا الحضن الدافي
17-07-05, 12:39 AM
لإنك ست عمري بضل قاضي ____ عتابا أكتب ال عالجهل قاضي
عنتر عبس عنـي بحُط قاضي ____ بشعر المرجلي حكمــو صواب
17-07-05, 02:12 PM
:p
------------------ لأنك فارس الأشعار قل لي ------- ليش كتير هـ الفرسان قلّة يا دنيا الشعر هـ الشعار قلّي ------ لعالم في مدى العينين داب ------------------ ســـوريا يا كمام الورد ** لونو عا خدودك صـافي عندك مني أحلى وعد ** رجعة عا الحضن الدافي
17-07-05, 02:47 PM
أنـا شــاعـر أنـا مَنّـي وترمن ____ بترمي جيت لحبابي وترمن
زجلنا عود والفارس وتر من ____ قلوب "الحيدريه " والشباب
17-07-05, 03:08 PM
:p
----------------- لمّا الصمود المرّ يا محمد حســـــن ------- باسم المســـــــيح وإسم الله والحسن بيهزم جيوش البغي بيختار الحسـن ------- منرفع لوانا تحت إســــــــم شـعوبنا ----------------- ســـوريا يا كمام الورد ** لونو عا خدودك صـافي عندك مني أحلى وعد ** رجعة عا الحضن الدافي
17-07-05, 05:26 PM
الحسـن بـــدرو اكتمــل مــش حز بنا ___ بـدر ضوّى شــرقـنــا ال حز بنا
صوب النصر وحدو للي مشّى حزبنا ___ يلي رفع راس العروبه والعرب
17-07-05, 05:38 PM
:p
----------------- ديني يا نفـــس للشّـــــــام ديني ------- ما بقـبـل غير دين الشّــــام ديني قولولـــي كيف بدي ردّ دَيْنــــي ------- لأرض العزّ عَ ترابا انســــــكب ----------------- ســـوريا يا كمام الورد ** لونو عا خدودك صـافي عندك مني أحلى وعد ** رجعة عا الحضن الدافي
17-07-05, 08:06 PM
ثناء التضحيه رسيت عا برها ____ تافاحت بالوفـا ريحة عِبرها
الشهادهِ دربهـــا يلــي عبرها ____ ديونو صعب نوفي في كتاب
17-07-05, 08:15 PM
أم الشـهامي يا ســـناء محيدلي -- درب الشهادة والبطولة محيدي لي ما بيقدر العالم بـبرو محي دلي-- لمّا بدلّـي الدلو بيطيب الشــــــراب ســـوريا يا كمام الورد ** لونو عا خدودك صـافي عندك مني أحلى وعد ** رجعة عا الحضن الدافي
18-07-05, 02:17 PM
إلى الأديبه الشاعره " ثناء "
في شامنا غصون الشهادي هاجمي ____ والبحر عنّا في سنائو هاج ميّ
هيي بنفسهــا عــالشهــادي هاجمي ____ وإنتي هجمت عاشهادات الأدب
18-07-05, 03:15 PM
[size=6]------------------ يا إيام الزمن صــــوبي عجنّي* ------- بدّي الشّــــــام وبدربي عَ جــنّة لأنّو الرّب بترابا عجـــــــــــنّي ------- ما بـقـبل غـــيرها مخـــــدّة تراب ------------------[/size] عاجَ الشّقيّ على رسم يسائله ---- وعجت أسأل عن خمارة البلد ســـوريا يا كمام الورد ** لونو عا خدودك صـافي عندك مني أحلى وعد ** رجعة عا الحضن الدافي
19-07-05, 02:10 AM
للشام باقي صيام عمري والصّلا ___ هيدي رساله جيت إلهــــا وصّلا
أنـــا للشـــــــام حُبـــي والصِّلا ___ ما بقطعها على قطع الرقاب
19-07-05, 02:47 AM
-------------------- فيه ناس ما فيهم ولا شوية حيا ------- لا تطلب من الميت العيّش حيا عَ خيرة الأعمال يا محــــمـّد حيا ------- أرض البطولة والمحبة جنوبنا ----------------- ســـوريا يا كمام الورد ** لونو عا خدودك صـافي عندك مني أحلى وعد ** رجعة عا الحضن الدافي
19-07-05, 04:09 AM
جنوبـي زي جـوهـر ودُر زي ____ اندرز بقلوبنا درزي ودرزي
مسيحي انكان أومسلم ودرزي ____ قياسو ارتبـــاطــو بـالعــرب !؟ |
|
« الأقدم التالي | الأحدث التالي »
|
