الموشح

[علي عامر]

شكرا الك اخي انشالله منكون عند حسن ظن الجميع

[سمير طنوس]

شرداتو ل قلبي عادو * جرحو والهم

شلشو عود وعوّادو * ملاح الدم

ورغم الحرقه ما عادو * وعودك للضم

وليلات الغصّه زادو * وجمري منكوب

فيني اسألك يا شفيق شوفيها من الحلا...... بعرفك شاعر كلمي وبتفهم بلعبة الكلمي والجمال الشعري ... ؟؟؟؟!!!!!!

[شفيق]

طيب خيي سمير

شرادتو ل قلبي عادوا=جرحو والهم

هي واضحة

شلشو عود وعوّادو=ملاح الدمّ

عندما يقول الاخ علي ..شلشو عود ..فمن يكون عوّاده ؟يقول لك ملّاح الدم وهي دليل على دوران الدمّ
فكلما مرّ دمه في قلبه يعزف معزوفة من الهم كما في البيت الأول

ورغم الحرقة ما عادو=وعودك للضم
واضحة

وليالي الغصة زادو=وجمري منكوب

الليل هو رمز البرد والظلم ...وفي ليالي الغصّة ..أصبح الجمر هو دليل الدفء ...منكوب من كثرة ما استخدم جمر ليدفأ ..

[علي عامر]

اخ شفيق ممنونك كتير يا ريت كل اللي بيقرو شعر زيّك

واخ طنوس انا مش زعلان منك بدّك كتير وقت لتفهم

[سمير طنوس]

قديش قولك بدي تحتى افهم ...بس بقلك انو الحق مو عليك , الحق ع يللي خلاك تهبش وتشيل وتحط بهالقسم ....وينك انت من الشعر؟؟؟؟؟ . او وينك من تحف ع صغير ...انتي مو أكتر من شويعر ع صغير......

برجع وبكرر وبطلب من شعراء منتدانا ... أبو علي " مشرف قسم الزجل "....فاتح ......بسطاطي .......نجيب سجيم . وضع حد لهيك صغار ... ( ع صغير )!!

استحي وخجال انتي عم تكتب بموقع مشتى الحلو .

[علي عامر]

يعطيك العافيه اخ طنّوس

ممنونك كتير على هـ المستوى

وعلى حد علمي هذا المنتدى المحترم ما بيقبل تهجمّك على اهل الشعر

ع كل حال ما بدي اشاكل ولاد

وشكرا

[mohamad kh]

انا آآآآآآآآآآآآآآآآآآآآآآآآآآآآآآآآآآآآآآسف كثير للتدخل:
طولو بالكو يا شباب!!
والله القصة مو مستاهلة!! خلص الله يلعن الشيطان
احنا مش جايين نعمل طوش هون!!
خلينا كلنا اخوة وما في داعي نشوه اسم المنتدى العالي


تحياتي ومرة ثانية آآآآآآآآآآآآآآآآآآآآآآآآآآآآآآآآآآآآسف للتدخل... محمد خطيب