لبنان يُرشِّح البسطاطي لنيل جائزة الشاعر اللبناني الكبير" سعـيد ع

[غيث تقلا]

فعلاً .... وهيك صار ومن بعد أمسية زجليّة رائعة مبارح 11/ 7/2005)) بِ ملكوت الشعر (( عشئوت- لبنان )) للشاعرين حسان البسطاطي و محمد صبرا ..ومن بعد تصفيق كبير وحار .. أعلن الشاعر اللبناني" انطوان الحاج ممثل الشاعرالكبير سعيد عقـل ..وباسم لجنة منح جائزة سعيد عقـل , ويللي كانت حاضرة بكل اعضائها ..( موسى زغيب , وليم حسواني , رفيق روحانا ...) أعلن ترشيح الشاعر المشتاوي" حسان بسطاطي " لنيل جائزة سعيد عقـل عن هالسنة 2005 .............................. وهيك بيكون البسطاطي أول شاعر غير لبناني يرشح بقوّة لنيل هالجائزة المهمّة ........... " كاسك يا حسّان رفاع إســـم المشتى رفاع " .


"غيث تقلا "

[شفيق]

يا عيني عليك يا حسان ,,

وشكرا يا غيث ,,

أنا واثق حسان رح ياخد الجائزة ,,,

انشالله


مبروك عا كل حال

[echo]

الله أي هادا خبر رح حطو بالمواضيع المميزة و مبروك لحسان و إنشاء الله تربح

[bassam georges]

المجد للشعراء في الأرض

تمنياتي لك يا عزيزي حسان بخالص التوفيق .. و النجاح المستمر لتبقى مثالا يحتذى لجميع الشباب الذين لديهم المواهب الدفينة و انشاء الله مستقبلا بتعمل جائزة الشاعر ... حسان بسطاطي

مع خالص حبي و تقديري

[amigo]

بعض الابيات من حفلة جوقة الدلب بملكوت الشعر ( عشقوت ) وألف مبروك لحسان سلف الجايزة ان شاء الله
ليالي عشقوتية
حزيران المارق حيران ............ بين ارجوزي وأرجوزي
تا نطفي جمر حزيران ............ بخمر الشعر التموزي
*******
عشقوت البحر البيطوف ............ بيغمر بالأفضال الكل
والشعار صفوف صفوف ............ ميلي زنبق ميلي فل
لما هت القلب الملهوف ............ من بعيد عليكي بيطل
بيشوف النجمات حروف ............ ميلي زنبق ميلي فل

[بشار]

الله معك وين ما بتروح يا حسان لأنك بترفع الراس , بالتوفييييييييييييييق

[Rammosh]

الف الف مبروك يا حسان بتستاهل هالجائزة بجدارة كبيرة

واكيد شهادتي قليلة كتير حد شهادة الاستاذ زغيب وحد جائزة استاذنا سعيد عقل .. بس بالفعل بتستاهل كل خير وانشالله من نجاح لنجاح

وشو كنت متمنية احضرلك هيك امسية زجلية ولو بالمشتى ..

شو اعتبر حالي موعودة عالصيفية

[محمد حسن شريم]

بكل محبه وتقدير مع تمنياتي بنيلك هذه الجائزه .

هالجايـزي يـلّـي بطلهـا عــايزي ____ إنشالله نفس حســـان فيـهــا الـفـايزي
وتّكــر مسبحــــة الجوايز بعـدها ____ وكيف ما مشي حسان يحصد جايزي

[بسطاطي]

منكن يا اصحاب الفكر ممنون ............... يلي غنيتو الذوق بزيادي
بهـا المنتدى للشعر انتو عيون ............... فيكون الموقع صا مش عادي
من لطفكن هـ الشاعر المجنون ............... متل الطفل صفا عم يدادي
لــــــو نلت جايزة العقل بتكون ............... ( تاج الشعر ع جبهة بلادي )

[نزار عركوش]

ألف مبروك للفكر و للفن و للشعر ألف مبروك يا حسان ولآخر الدهر