علبة محارم فارغه

[hassan eid]

اكيد هالعنوان غريب شوي*بس رح احكيلكن شو قصة علبة المحارم***اليوم كان معي رفيقي وكنا رايحين مشوار بالسياره*سالني معك محارم*اي شوف ورا * شاف معي علبتين *وحده فاضيه سالني ليش مخلا هالعلبه الفاضيه معك****هههههههههههه وقلتلو على طول بنسى كبا بالبرميل تبع الزباله*وهن ضحك صاحبي وقلي بسخريه*هالبلد بتعلم شغلات ما بتسوا & وهادا شي ضد الحريه لو انك بالمشتى كنت فتحت الشباك ورميتا وانشالله تجي عراس واحد*مو هاي الحريه ههههههههههه****وعقبال لما نلاقي السيارات بالمشتى مليانه علب محارم فاضيه

[Mr. Samo]

ايه عقبال ما كل واحد يعرف مسؤوليتو و شو لازم يعمل ................. شكرا كتير

[echo]

ههههه حلو حسان يا عمي عندكون غير هون الحضارة غير عن هون النظافة غير عن هون

هونيك في حس بالمسؤولية

على كل حال عقبال متل ما قلت نشوف سيارات المشتى مليانة علب محارم فاضية

[Rammosh]

قصة طريفة اخ حسان

بالفعل النظافة والحس بالمسؤولية بهيك مواضيع خارج بلادنا كتير بحبه وبحترمه وانا من صغري لاني عايشة برا البلدصاتعودت ما ارمي قشة صغيرة بالشارع ومن هيك صار يتمسخرو علي رفقاتي بالجامعة لما رجعت ع البلد

انا بقول مو انشالله نلاقي علب محارم فاضية بالسيارات .. انشالله اول شي نلاقي حاويات زبالة بالشارع وتانيا نلاقيها مليانة والزبالة فيها مو براتها ...

تحياتي الكن

[hassan eid]

شكر الك (rammosh)بس ما بسمحلك تقولي مافي براميل زبالي الحمدلله مليان بس كلن بلا سافل ومبعوجين هههههههههههههههه

[الخال]

رد

موالمصيبة ياأخي حسان أذا العلبة فاضية بالسيارة المصيبة يلي كانو جوات العلبة وين رموهم ياحيبي نسبة الشحوم مرتفعة جدا لعدم مقدرتنا بالمشي باتجاه سلة القمامة